Fréttablaðið - 08.01.2011, Síða 36

8. JANÚAR 2011 LAUGARDAGUR2 ● fréttablaðið ● heilsa og hreyfi ng
HEILSURÁÐ AFREKSÍÞRÓTTAMANNA
● MINNI SÓSU, TAKK! Flestir Íslendingar eru hrifnir af sósum og
þegar Brynjar Þór Björnsson körfuknattleiksmaður var yngri spáði hann
lítið í (ó)hollustugildi þeirra.
„Þegar ég tók mataræðið í gegn voru allar
sósurnar sem við höfum með mat skornar
við nögl. Sósan með lambinu, kokkteilsósan á
hamborgarann eða bernaisinn. Þessu var öllu
skellt til hliðar,“ segir Brynjar.
„Það er einnig nauðsynlegt að passa sig á
unnum kjötvörum svona eins og spægipylsu,
skinku eða pylsum. Þær eru ekki næringarríkar
og því ættu allir að borða eins lítið af þeim
og þeir geta. Maður finnur það nú um hátíðarnar þegar maður borðar
mikið af hangikjöti eða hamborgarhrygg að líkaminn er ekki hrifinn af
gríðarlega söltum mat.“
Brynjar bætir svo við að hreyfingin sé náttúrlega mikilvæg með
góðu mataræði. „Það er því lykilatriði að maður finni sér skemmtilega
líkamsrækt. Körfubolti er frábær líkamsrækt fyrir fólk á öllum aldri enda
þarf einungis tvo til að spila og hreyfingin sem fylgir er krefjandi.“
● BORÐAR MEIRA EN GÓÐU HÓFI GEGNIR Sigurður „Gleði-
gjafi“ Eggertsson handknattleiksmaður segist seint verða talinn rétti
maðurinn til að miðla heilsuráðum því eins og þeir sem hann umgang-
ist viti eigi sælgætisát hug hans allan. Hann er þó til í að reyna.
„Sko, til að byrja með borða ég meira en góðu hófi gegnir. Þar sem
ég er þannig náttúraður að safna ekki holdum er ótakmarkað át góð
leið til orkusöfnunar fyrir krefjandi dag. Þó að vissulega slæðist inn
óhollusta hlýtur bara í lok dags að vera kominn
nokkurn veginn ráðlagður dagskammtur af
öllu þessu helsta sem maður þarf til að við-
halda sjálfum sér,“ segir Sigurður. „Fæðubótar-
efnin forðast ég. Ég reyni svo að hreyfa mig
eins mikið og líkaminn leyfir á hverjum degi en
góð hvíld er þó ávallt gulls ígildi. Jóga er svo
eitthvað sem ég hef ekki enn öðlast þroska til
að iðka en vonandi kemur það með árunum.“
● VERÐUR AÐ VERA GAMAN Mikið
hefur verið að gera hjá Hrafnhildi Lúthersdótt-
ur sunddrottningu á undanförnum misser-
um. Íslandsmet hafa fokið, flugferðum fjölgað
og æfingarnar taka alltaf sinn tíma. Heilsuráð
hennar eru einföld.
„Það sem hefur virkað vel fyrir mig í sundinu
er aðallega að sofa vel og borða nóg, drekka
nóg af vatni og stunda æfingarnar af sam-
visku,“ segir Hrafnhildur. „Og svo auðvitað að
hafa gaman af því sem ég er að gera.“
Ísland á mikla möguleika í
heilsutengdri ferðaþjónustu.
Fyrst þarf þó aukna samvinnu
milli aðila á því sviði, stuðla
að gæðum og kynna sérstöðu
landsins út á við segir Magnús
Orri Schram, formaður Sam-
taka um heilsuferðaþjónustu.
„Það virðist vera almennt álit
að Ísland eigi mikla möguleika á
sviði heilsuferðaþjónustu. Það er
alveg gríðarlegur áhugi á þessu
viðfangsefni,“ segir Magnús Orri
Schram, formaður Samtaka um
heilsuferðaþjónustu, sem stofnuð
voru í ársbyrjun árið 2010 í þeim
tilgangi að skoða ofan í kjölinn og
efla heilsutengda ferðaþjónustu á
Íslandi.
Að sögn Magnúsar Orra hefur
Ísland mörg sóknarfæri í heilsu-
ferðaþjónustu og vísar þar í óspillta
náttúru, matvæli og jarðhita. „Við
eigum mikið af heitu vatni og það
getur orðið það sértæka sem vekur
athygli ytra. Um leið getum við nýtt
það aðdráttarafl sem það hefur til
að styrkja aðra þætti heilsuferða-
þjónustu hérlendis,“ segir hann og
tekur sem dæmi um slíkt kortlagn-
ingu Vatnavina á heitum laugum á
Vestfjörðum til að byggja upp at-
vinnuskapandi starfsemi tengda
þeim. Fyrir það starf hlutu Vatna-
vinir Eden-ferðamálaverðlaunin
virtu á síðasta ári og Vestfirðir
voru valdir á meðal 25 heitustu
áfangastaða í heiminum.
Magnús Orri segir þetta sýna
hve mikilvægt er að markaðssetja
sérstöðu Íslands. „Það er gríðar-
leg samkeppni í heilsuferðaþjón-
ustu um allan heim og mikið af
glæsilegum pökkum í boði á verði
sem við gætum líklega aldrei
boðið. Við getum hins vegar mark-
að okkur sérstöðu með því að ein-
blína á samspil náttúrunnar við
vellíðan eða lækningu. Bláa lónið
er gott dæmi um slíkt. Þar gegnir
náttúran veigamiklu hlutverki í
upplifun gesta.“
Ekki er þó síður mikilvægt að
leggja áherslu á að veita heilbrigðis-
þjónustu til erlendra aðila, en hún
er enn skammt á veg komin að sögn
Magnúsar Orra. „Bæði má horfa
til þess að nýta betur þá aðstöðu
sem við höfum nú þegar byggt upp
í heilbrigðisgeiranum eða byggja
sérhæfða spítala sem nýtast við
aðgerðir á erlendum sjúklingum.“
Hann telur að þetta gæti styrkt
heilbrigðisþjónustuna og skilað
meiri tekjum í þjóðarbúið.
„Svo ekki sé talað um lengra
ferðamannatímabil, því ferða-
menn sem koma vegna lækninga
eða til heilsubótar eru ekki eins
háðir veðri og til í að greiða fyrir
aukna þjónustu. Í stað þess að
stefna hingað milljón ferðamönn-
um innan fárra ára, eins og hefur
verið markmið ferðaþjónustunn-
ar, og á tilteknum árstíma, gætum
við jafnað betur heimsóknir yfir
árið, og aukið tekjur af hverjum.
Markmiðið ætti frekar að vera
að ná í milljón krónur út úr hverj-
um ferðamanni en að ná í milljón
ferðamenn. En áætlað er að tekj-
ur af ferðamanni í heilsuferðaþjón-
ustu séu tvöfaldar á við tekjur af
venjulegum ferðamanni.“ - rve
Heilsuparadísin í norðri
Magnús Orri segir Bláa lónið, Heilsustofnun NLFÍ í Hveragerði og Jarðböðin við Mývatn dæmi um vel heppnað framtak á sviði
heilsutengdrar ferðaþjónustu. FRÉTTABLAÐIÐ/VILHELM
Lífshlaupið er fræðslu- og hvatningar-
verkefni ÍSÍ fyrir alla aldurshópa.
Markmið þess er að hvetja landsmenn
til þess að fara eftir ráðleggingum
Lýðheilsustöðvar um hreyfingu og gera
hreyfingu að föstum lið í lífsstíl sínum.
Lífshlaupið
byrjar 2. febrúar!
ÍS
L
E
N
S
K
A
/S
IA
.I
S
/I
S
I
52
84
0
12
/1
0
• Vinnustaðakeppni
• Hvatningarleikur í skólum
• Einstaklingskeppni
Lífshlaupið Þín heilsa – þín skemmtun
Samstarfsaðilar
Ólympíufjölskyldan
Skráning og nánari upplýsingar á:
www.lifshlaupid.is
Fersk sending
Íþrótta- og Ólympíusamband Íslands kynnir:


 

  

    

   ! 
 "#
  $  %&'(