Fréttablaðið - 03.11.2010, Blaðsíða 22

MARKAÐURINN 3. NÓVEMBER 2010 MIÐVIKUDAGUR4
V I Ð T A L
Nýherji hf. Borgartún 37 / Kaupangur Mýrarvegi, Akureyri Sími 569 7700 www.netverslun.is
E
N
N
E
M
M
/
S
ÍA
/
N
M
4
3
9
3
6
Hugbúnaður Microsoft hefur uppfært verkfærakistuna fyrir Office 2010. Í henni eru fjölmargar nýjungar
sem hjálpa fyrirtækjum að koma hugmyndum sínum á framfæri á skýran og aðgengilegan
hátt. Það eru margar gildar ástæður fyrir því að fá sér Office 2010 skrifstofuhugbúnaðinn.
Fjarstýrðu kynningunni
Nýttu þér Broadcast Slideshow þegar þú vilt kynna vöru og þjónustu með PowerPoint í gegnum
vefinn. Þú stýrir kynningunni í gegnum þína tölvu og viðskipavinir fylgjast með á sínum skjá.
Komdu á skipulagi
Haltu utan um hugmyndir og glósur í OneNote og leyfðu öðrum að sjá eða breyta með
OneNote Shared Notebook á vefnum.
Aukin samvinna
Með Office 2010 geta fleiri en einn unnið í sama skjalinu hvort sem það er í gegnum netið,
tölvuna eða farsímann.
Myndrænni gögn
Öflugri myndbirting gagna í Excel töflureikni. Nú getur þú eytt meiri tíma í greiningu
gagna í stað útfærslu þeirra.
Kynntu þér fleiri frábærar nýjungar Office 2010 á www.nyherji.is
BETRI VERKFÆRI
V
enjulegt fólk fær marg-
ar hugmyndir á hverjum
degi. Sumar þeirra valda
því að fólk kemst í eins
konar vímu, vakir langt
fram eftir nóttu og leggur annað
til hliðar til að gera þær að veru-
leika. En erfitt getur verið að koma
hlutunum í verk. Við það dregur
úr vímunni. Til að viðhalda henni
fær sami maður aðra hugmynd.
Hann kemst aftur í vímu og legg-
ur allt í sölurnar fyrir hugmynd-
ina. Sú fyrsta drabbast niður og
verður líklega að engu. Líklegt
er að sömu örlög bíði líka nýju
hugmyndarinnar.
Einhvern veginn á þessum
nótum lýsti Scott Belsky því í
fyrirlestri á dögunum, hvernig
hugmyndaríkt, frjótt og skapandi
fólk virðist fá hverja hugmyndina
á fætur annarri en koma engu í
verk. Sjálfur hafði hann geng-
ið með hugmyndina í maganum
í nokkur ár áður en hann lét til
skarar skríða.
ÓL HUGMYND Í NOKKUR ÁR
Belsky var rétt rúmlega tvítugur
þegar hann fékk hugmyndina; var
með háskólagráðu í umhverfis-
verkfræði og hönnun og vann við
skipulags- og leiðtogaþróun hjá
bandaríska fjárfestingarbankan-
um Goldman Sachs. Einmitt þar
fékk hann nokkrar hugmyndir
sem geta hjálpað einstaklingum
við að koma frjóu ímyndunarafli
sínu í réttan farveg. Þeirra helst
er fyrirtækið Behance Network,
sem er regnhlíf nokkurra stuðn-
ingsdeilda við skapandi fólk og
margir Íslendingar nota.
„Ég settist oft niður með vinnu-
félögum mínum eftir vinnu og
hlustaði á þá segja mér frá nýj-
ustu hugmynd sinni, skáldsögu
eða viðskiptahugmynd, sem aldrei
urðu að neinu. Næst þegar við
settumst aftur niður sögðu þeir
mér frá annarri hugmynd. Ég
varð mjög pirrður á þessu, að þeir
skyldu aldrei koma sér í að gera
eitthvað úr hugmyndunum. Mér
fannst í raun að þeir sem fá góðar
hugmyndir eigi að prófa þær. Það
væri samfélagsleg ábyrgð skap-
andi fólks. Mér fannst ég verða að
gera eitthvað,“ segir Belsky, sem
fór í viðskiptanám með áherslu á
skapandi greinar við Harvard-há-
skóla og þróaði hugmynd sína þar.
Þar hitti hann samverkamann sinn
Matias Corea, aðalhönnuð og með-
stofnanda Behance Network.
BÓK SEM HJÁLPAR
Í vor kom út í Bandaríkjunum bók
Belskys sem fengið hefur íslenska
heitið Frá hugmynd til veruleika
og er nýkomin út hér. Þar kynn-
ir höfundur ýmsar leiðir sem fólk
getur notað til að gera eitthvað úr
hugmyndum sínum.
Meginhugmynd Belskys er sú að
enginn sé fæddur með þann eig-
inleika að skapa og framkvæma.
Ekkert mál sé að fá hugmyndir,
annað að gera eitthvað úr þeim.
Á bak við bókina liggur rann-
sóknarvinna höfundar, sem skoð-
aði venjur og vinnubrögð afkasta-
mikilla einstaklinga og hópa í
ýmsum atvinnugreinum. Þar á
meðal eru listmálarar og rithöf-
undar. Sjálfur tekur Belsky landa
sinn rithöfundinn James Patter-
son sem dæmi. Hann sé ætíð með
margar skáldsögur í vinnslu á
hverjum tíma og hafi átt þær all-
margar í efstu sætum vinsælda-
lista.
Niðurstaða Belskys er sú að
skipulag og tímastjórnun skipti
mestu máli fyrir þá sem vilji
koma hugmynd sinni út í heiminn.
Ekki þurfi nein sérstök séní til
þess. Lykilatriðið er áunnið skipu-
lag á borð við það sem Patterson
styðjist við. Hitt er tengslanet-
ið því enginn getur framkvæmt
það sem hann vill án hjálpar frá
öðrum.
„Ef við teljum okkur vera með
góðar hugmyndir ætti að þvinga
okkur til að koma þeim á fram-
bæri. Það er auðvelt núna með
öllum tólunum á Netinu, Twitter,
Facebook og með bloggi. Margir
fá góðar hugmyndir, sem aldrei
verða að veruleika. Það er synd.
Við þurfum því að búa til fleiri
leiðir fyrir fólk til að koma hug-
myndum sínum á framfæri,“ segir
Belsky og leggur áherslu á að sér
finnist það synd að fólki sé ekki
kennt að skipuleggja sig fyrr en
seint á lífsleiðinni. Nær væri að
byrja á því í grunnskólum.
„Það er merkilegt að við kenn-
um fólki ýmis tungumál, stærð-
fræði og sögu en ekki hvernig eigi
að skipuleggja sig. Það er leynit-
ólið sem nýtist til að koma hlut-
unum í verk,“ segir hann. „Þeir
bestu í skipulagi á eigin lífi búa
að reynslu frá skólaárum sínum,
þá sérstaklega í tengslum við fé-
lagslíf sitt og íþróttir utan hefð-
bundins skólatíma. Það er ávallt
á þeim vettvangi sem fólk þarf að
skipuleggja sig. Sú reynsla nýtist
þeim líka síðar í lífinu.“
Fyrirlestur Scott Belsky má
nálgast hér: http://the99percent.
com
Varð pirraður út í aðgerðaleysi
Bandaríkjamaðurinn Scott Belsky segir rétta skipulagið lykilinn að því að gera hugmyndir að veruleika. Hann hefur unnið
ötullega að því að hjálpa fólki að koma hlutunum í verk. Nýverið kom út bók hans um leiðina til árangurs og aðferðir
afkastamikilla einstaklinga. Jón Aðalsteinn Bergsveinsson ræddi við Belsky um hugmyndaauðgi og mikilvægi skipulags.
Í bókinni Frá hugmynd til veruleika
dregur Scott Belsky upp nokkrar leiðir
sem nota má til að koma hugmynd-
um í verk. Þetta eru ekki hugmyndir
hans sjálfs heldur samantekt frá
öðrum – það nýjasta í geiranum segja
þeir sem til þekkja. Og fátt er þar nýtt
undir sólinni; vinnusemi er leiðin til
árangurs. Þeir sem ekki leggja sig alla
fram ná skammt.
Helstu leiðina setur hann fram í
formi eftirfarandi formúlu: Frá hug-
mynd til veruleika = (hugmynd) +
skipulag og framkvæmd + leiðtoga-
færni. Formúlan helst í hendur við það
sem Belsky nefnir 99%-regluna. Þar
er árangur eitt prósent hugmynda og
99 prósent vinnusemi og skipulag.
Undirritaður studdist við kerfi eins af
undirfyrirtækjum Behance Network
er nefnist Aðgerðaskrefin (e. Action
Method). Þetta er fyrirtæki sem býður
upp á skipulagsstjórnun. Á vefsíðu
fyrirtækisins má finna forrit sem net-
verjar geta nýtt til að flokka hugmyndir
eftir efni og tímasetja þær á fremur
einfaldan hátt. Bæði má nota ókeypis
takmarkaða útgáfu eða fá fulla
útfærslu og greiða fyrir það. Sambæri-
legt skipulagskerfi má jafnframt kaupa
í pappírsútgáfu. Áhugasamir geta
kynnt sér Aðgerðaskrefin á slóðinni
http://www.actionmethod.com/
S K I P U L A G I K O M I Ð Á H U G M Y N D I R N A R
SCOTT BELSKY Kenna verður fólki skipulag og mikilvægi tímastjórnunar
í grunnskóla, segir Scott Belsky. Hann hefur skrifað bók sem á að hjálpa
fólki að gera eitthvað úr hugmyndum sínum. Vinnusemi er lykillinn að
árangri, segir hann. FRÉTTABLAÐIÐ/GVA