19. júní - 19.06.1986, Side 21

„Já. Viö grínuðumst með það. En
það varði stuttan tíma. Þegar hjón
eignast börn neyðist annar aðilinn til
að vera aðalfyrirvinnan. Þetta er bara
ákvörðun. Nú, það vill svo til að ég er
í aðstöðu til að vera með hærri tekjur,
þótt ég sé ekki í klifurstarfseminni
eftir hærri stöðu.“
Hún verður sjálf að knýja á
- Nú langar mig að spyrja út í dóttur
þína.
„Já. Að vísu er konan mín meira
heima en ég, en dóttir mín getur alveg
eins leitað til mín eins og hennar og
gerir það. Mér finnst að það eigi að ala
upp stelpur í meiri sjálfsvirðingu og
sjálfstrausti, ogég reyni að venja hana
á sjálfstæði."
- Hvað gerirðu til þess að hún öðlist
sjálfstraust?
„Ég veit ekki alveg hvað ég geri til
þess að veita henni sjálfstraust. Maður
hugsar líklega allt of stutt fram í tím-
ann í uppeldinu."
- Hvers óskarðu þér fyrir dóttur
þína?
„Að hún geti horft á samfélagið
sínum augum en ekki gegnum kreddur
eða kenningar, hvort sem það eru
kvennapólitískar eða aðrar. Þjóðfé-
lagið þarf ekkert að breytast til að hún
fái starf sem hún óskar sér. Konur eru
ekki nógu ákveðnar í að koma sér
áfram og of sáttar við það sem að þeim
er rétt. Ef hún óskar sér hárrar stöðu
þá verður hún að knýja fast á.“
- Erþað þá konum að kenna að þœr
komast ekki eins áfram og karlar?
„Já. Til dæmis í pólitík kjósa konur
ekki konur. Og svo er erfitt að fá
konur yfirleitt til starfa. í einkageir-
anum eiga þær möguleika til þess að
ná háum stöðum. En það er mikil
íhaldssemi hjá hinu opinbera í þessu
efni, það skal ég viðurkenna. Og hjá
Sambandinu líka.“
Ekkert öðruvísi að vinna
með konum
- Hvernig finnst þér að vinna með
konum?
„Mér finnst ekki meiri munur á
körlum og konum og er milli einstak-
linga."
- Hefur kona veriðyfirmaðurþinn?
„Já. Það er ekkert öðruvísi en þegar
kartmaður er yfirmaður."
- Er þá enginn munur og konum og
körlum?
„Karlar eru hræddari við að opna sig.
Sjálfsímyndin krefst þess. Sjálfur hef
ég aldrei haft þessa sjálfsímynd. En
það eru ákveðnir hópar sem leyfa sér
að sýna meiri tilfinningar en aðrir. Það
eru karlmenn á aldrinum 25-35.“
- Hvaða áhrif heldurðu að kven-
frelsishreyfingin hafi haft?
„Það er helst umræðan. En mér
finnst of mikið talað um það að karl-
maðurinn sé óvinurinn. Það finnst mér
vera mistök. Kvenfrelsishreyfingin á
að vera til þess að konur öðlist meiri
trú á sjálfar sig. Þær verða svo að ýta
á. Það eru að vísu stórir þættir í þjóð-
félaginu, sem við ráðum ekki við.
Náttúrulegar ástæður gera það að
verkum að konur detta út úr atvinnu-
lífinu um lengri eða skemmri tíma.
Þær ganga með og fæða börnin. En
það er fjárhagslega ómögulegt fyrir
minni fyrirtæki að greiða 4-6 mánaða
fæðingarorlof og laun íhlaupastarfs-
manns að auki. Við þennan þátt
ráðum við ekki, nema ríkið tæki þá að
sér fæðingarorlofið."
Formannaskipti í KRFÍ
Á síðasta aðalfundi KRFÍ 17. mars sl. lét Esther Guð-
mundsdóttir af forniennsku eftir finini ára forystustarf. I
hennar stað var kjörin Lára V. Júlíusdóttir lögfræðingur.
Lára er fædd í Reykjavík 1951 og varö stúdent frá Versl-
unarskólanuni árið 1972. Hún lauk prófi frá lagadeild
Háskólans 1977 og kenndi síðan verslunarrctt við Verslun-
arskólann í 6 ár. Auk þess vann hún á lögmannsstofu á þcim
árum, en árið 1982 réðst hún sem lögfræðingur Alþýðusam-
bands Islands og hcfur gegnt því starfí síöan. Lára cr gift
Þorsteini Haraldssyni lögg. endurskoðanda og eiga þau tvö
börn, 9 og 6 ára gömul.
Lára hcfur haft mikil afskipti af jafnréttismálum, hún átti
um skeið sæti í ráðgjafanefnd Jafnréttisráðs, en nú situr hún
í Jafnréttisráði sem fulltrúi ASI. Hún hefur veriö í fram-
kvænidahópi '85-nefndarinnar síðan í hitteðfyrra og á þessu
ári tók liiín sæti í Framkvæmdanefnd um launamál kvenna.
Frá aöalfundi KRFÍ 1986. Fráfarandi formaöur, Esther Guö-
niundsdóttir til hægri og Lára V. Júlíusdóttir, hinn nýi formaöur til
vinstri.
21