Fréttablaðið - 21.12.2010, Page 18

21. desember 2010 ÞRIÐJUDAGUR
vodafone.is
Meiri jól,
meiri jól,
meiri jól
Öflugur sími frá Nokia sem hefur allt.
Farsíminn er með 12 megapixla mynda-
vél þar sem þú getur t.d. tekið upp HD
myndskeið og tengt við HDMI tengi í
sjónvarpinu. Einn besti myndavéla-
síminn á markaðnum í dag. Einkar
öflugur netsími og leikjatölva ásamt
því að bjóða upp á fullkomið Ovi Maps
GPS leiðsögukerfi.
Nokia N8
0 kr. útborgun
og 7.499 kr. á mán. í 12 mán.
Netið í símann, 100 MB,
fylgir með í 1 mánuð.
Staðgreitt: 89.990 kr.
Partý Alias
spilið fylgir á
meðan birgðir
endast
Við afborgunarverð á farsímum bætist 250 kr. greiðslugjald á mánuði.
Síðasti einræðisherra
Evrópu tryggði sér völdin
í Hvíta-Rússlandi fjórða
kjörtímabilið í röð með
kosningasigri, sem fáir
telja þó marktækan. Sjö
mótframbjóðendur forset-
ans voru handteknir ásamt
hundruðum mótmælenda.
„Lögleysa, einræði – hvað annað
er hægt að kalla þetta,“ segir
Natalia Pohodnja, móðir í Hvíta-
Rússlandi, sem beið fyrir utan
fangelsið í Minsk, þar sem sonur
hennar var í haldi. „Það er verið
að berja börnin okkar.“
Sonurinn hafði verið viðstadd-
ur mótmæli sem stjórnarandstað-
an efndi til að kvöldi kjördags í
Minsk, þegar Alexander Lúka-
sjenkó forseti hafði tryggt sér
völdin fjórða kjörtímabilið í röð.
Tugir þúsunda tóku þátt í mót-
mælunum gegn kosningasvindli
og voru hundruð þeirra handtek-
in, þar á meðal sjö þeirra sem
buðu sig fram til forsetaembættis-
ins gegn Lúkasjenkó. Anatólí Kúl-
esjov, talsmaður innanríkisráðu-
neytis landsins, segir að þeir sem
skipulögðu þessar „fjöldatruflan-
ir“ geti átt yfir höfði sér allt að
fimmtán ára fangelsi.
Flytja þurfti einn mótframbjóð-
endanna, Vladimír Nekljajev, á
sjúkrahús, en aðstoðar maður
hans segir að stuttu síðar hafi sjö
borgaralega klæddir menn komið
á sjúkrahúsið, vafið utan um hann
teppi og flutt burt meðan eigin-
kona hans mótmælti hástöfum
þessari meðferð.
Opinber niðurstaða bráðabirgða-
talningar atkvæða var sú að Lúka-
sjenkó hefði hlotið nær 80 prósent
atkvæða. Öryggis- og samvinnu-
stofnun Evrópu, ÖSE, sagði hins
vegar talningu atkvæða verulega
ábótavant í helmingi kjördæma,
þannig að kosningaúrslitin teldust
vart marktæk. Stofnunin fylgdist
með framkvæmd kosninganna.
ÖSE fordæmdi sömuleiðis
ofbeldi lögreglunnar þegar hún
dreifði mannfjöldanum sem tók
þátt í mótmælafundinum á sunnu-
dagskvöld.
Leiðtogar Bandaríkjanna og
margra Evrópuríkja fordæmdu
Lúkasjenkó einnig fyrir það
ofbeldi sem mótframbjóðendur
hans og stuðningsmenn þeirra
urðu fyrir að kvöldi kjördags.
Alexander Lúkasjenkó er 56
ára og hefur verið forseti Hvíta-
Rússlands í sextán ár. Þetta er
í þriðja sinn sem Lúkasjenkó
efnir til forsetakosninga eftir að
hann tók við völdum fyrir sextán
árum. Í bæði fyrri skiptin hlaut
hann vel yfir 80 prósent atkvæða
og í bæði skiptin, rétt eins og nú,
var hann harðlega gagnrýndur
fyrir að hagræða úrslitunum sér
í hag.
„Með þessum kosningum tókst
ekki að færa Hvíta-Rússlandi það
nýja upphaf, sem þurft hefði,“
hafði fréttastofan AP eftir Tony
Loyd, einum yfirmanna kosn-
ingaeftirlits ÖSE í Hvíta-Rúss-
landi. „Talningin var ógegnsæ.
Íbúar Hvíta-Rússlands eiga betra
skilið og ég reikna með því að nú
geri stjórnin grein fyrir handtök-
um forsetaframbjóðenda, frétta-
manna og baráttufólks fyrir
mannréttindum.“
FRÉTTASKÝRING: Kosningar í Hvíta-Rússlandi
Guðsteinn
Bjarnason
gudsteinn@frettabladid.is
Lúkasjenkó sakaður
um kosningasvindl
ALEXANDER LÚKASJENKÓ Forseti Hvíta-
Rússland heldur fast um stjórnartaumana.
NORDICPHOTOS/AFP
VIÐ FANGELSISMÚRANA Ættingjar og vinir reyndu að fá fréttir af hinum handteknu í gær. NORDICPHOTOS/AFP
Hvíta-Rússland er landlukt ríki milli
Rússlands, Úkraínu, Póllands, Litháens
og Lettlands. Íbúar landsins eru nærri
tíu milljónir, en að flatarmáli er það
tvisvar sinnum stærra en Ísland, um
207 þúsund ferkílómetrar.
Hvíta-Rússland tilheyrði fyrr á öldum
meðal annars furstadæmi Litháens
og síðar rússneska keisaraveldinu, en
varð sjálfstætt ríki um stutt skeið fyrstu
árin eftir fyrri heimsstyrjöldina. Milli
stríða tilheyrði vesturhlutinn Póllandi
en austur hlutinn Sovétríkjunum. Með
samningi Stalíns og Hitlers sumarið
1939 náðu Sovétmenn vesturhlutanum
einnig undir sig og höfðu þar með allt Hvíta-Rússland á sínu valdi þar til
Sovétríkin hrundu árið 1991.
Síðan þá hefur Hvíta-Rússland verið sjálfstætt ríki, en fyrstu forseta-
kosningarnar voru þó ekki haldnar fyrr en 1994. Fram að því var Stanislau
Sjúskevitsj forseti landsins og vann að róttækum markaðsumbætum að
hætti Boris Jeltsín, forseta Rússlands. Eftir að Lúkasjenkó tók við hægði á
markaðsumbótum og hafa stuðningsmenn forsetans talið honum til tekna
að hafa komið í veg fyrir að Hvít-Rússar yrðu fórnarlömb þess sama umróts
í efnahagsmálum og Rússar þurftu að ganga í gegnum.
Lúkasjenkó átti engu að síður gott samstarf við Jeltsín, en eftir að Vladimír
Pútín varð forseti Rússlands árið 2000 versnuðu samskipti ríkjanna nokkuð.
Hvít-Rússar eru háðir Rússum um hráefnisinnflutning og orku og fengu
þessar nauðsynjar lengi vel á sérkjörum, en Pútín hefur reynt að fá þá til að
greiða sama verð fyrir þær og aðrar þjóðir greiða.
Lúkasjenkó hefur þess í stað reynt að komast í náðina hjá Vesturlöndum,
en með takmörkuðum árangri. Þær tilraunir gaf hann þó upp á bátinn í bili
nú fyrir fáum vikum þegar Rússar samþykktu að fella niður tolla á olíu sem
Hvít-Rússar kaupa.
PÓ
LL
AN
D
ÚKRAÍNA
LITHÁEN
LETTLAND
RÚSSLAND
H V Í TA - R Ú SS L A N D
50 km
Minsk
Polatsk
Vitebsk
Orsha
Mahiljov
Bobruisk
Gomel
Matsíj
PinskBrest
Baranavitsí
Hrodna
© GRAPHIC NEWS
Hvíta-Rússland