Fréttablaðið - 05.03.2011, Qupperneq 8

5. mars 2011 LAUGARDAGUR8
1. Hvað heitir nýr framkvæmda-
stjóri Þróunarsamvinnustofnunar?
2. Hvaða fyrirtæki á Íslandi falast nú
eftir pólsku fyrirtæki í sömu grein?
3. Hvað kosta dýrustu miðarnir
á fyrirhugaða hljómleika Eagles í
Reykjavík?
SVÖR
1. Engilbert Guðmundsson
2. Actavis 3. 20 þúsund krónur.
BRETLAND Howard Davies sagði af
sér í gær sem rektor London School
of Economics, eins virtasta háskóla
Bretlands, vegna tengsla sinna við
Gaddafí og son hans, Saíf al-Islam
Gaddafí, þann sama son og nú
birtist reglulega í fjölmiðlum sem
helsti talsmaður
Líbíustjórnar út
á við.
Saíf er fyrr-
verandi nem-
andi skólans,
fékk þar dokt-
orsgráðu í heim-
speki árið 2008.
Doktorsritgerð-
in hefur síðan
verið sögð inni-
halda bæði stolna kafla og svo ein-
hverja kafla, sem Saíf á að hafa
fengið einhvern annan til að skrifa
fyrir sig.
Þegar svo í ljós kom að Davies
hafði fyrir hönd skólans tekið við
styrk frá Líbíu, úr sjóði sem Saíf
stjórnar, upp á 1,5 milljónir punda,
fór að hitna undir honum á rektors-
stólnum.
Davies segist nú sjá eftir því að
hafa tekið við þessu fé og stjórn
skólans hefur ákveðið að tengslin
við Líbíu verði nú rannsökuð.
Staða breskra háskóla hefur hins
vegar lengi verið sú að þeim hefur
beinlínis verið ætlað að leita sér
fjármagns til rekstrar hjá auðkýf-
ingum.
„Vorkennum fátæka háskól-
anum,“ segir pistlahöfundurinn
Simon Jenkins í Guardian. „Í 25 ár
hefur London School of Economics
verið sagt að finna sér auðæfi til
að sænga hjá, en komst að því að
stundum er fnykur af auðæfunum.“
Jenkins segir að LSE sé ekkert
einsdæmi hvað þetta varðar, þótt
þar hafi ef til vill verið einna lengst
gengið.
Saíf naut reyndar töluverðrar
virðingar meðal málsmetandi
fólks í Bretlandi þar til nú fyrir
skemmstu. Hann gaf sig út fyrir
að vilja koma á umbótum í Líbíu og
styrkurinn átti að nýtast nemend-
um frá Norður-Afríku, einkum þó
upprennandi leiðtogum á borð við
Saíf.
Gaddafí og synir hans hafa á
síðustu árum lagt töluvert upp
úr því að aðlagast vestrænum
viðskiptavenjum. Meðal annars
fengu þeir fyrir nokkrum árum
Michael Porter, virtan sérfræðing
í samkeppnismálum við Harvard-
háskóla, til þess að koma á póli-
tískum umbótum.
Þetta er sá sami Michael Porter
sem er heiðursdoktor við Háskóla
Íslands og kom hingað til lands nú í
haust til að kynna hugmyndir sínar
um jarðvarmaklasa. Porter segir
reyndar að hann hafi slitið tengsl-
in við Líbíu árið 2007 þegar í ljós
kom að ekkert myndi verða þar úr
pólitískum umbótum.
„Við vorum þarna vegna þess
að landið virtist reiðubúið undir
umbætur,“ er haft eftir Porter í
bandaríska dagblaðinu New York
Times. „Og Saíf var aðalumbóta-
maðurinn.“
gudsteinn@frettabladid.is
Sagði af sér vegna
tengsla við Gaddafí
Rektor London School of Economics sagði af sér vegna tengsla við son Gaddafís.
Rektorinn tók við veglegum styrk frá Líbíu eftir að sonurinn hafði fengið
doktorsgráðu. Háskólar í Bretlandi hafa þurft að leita sér fjár hjá auðkýfingum.
SONUR GADDAFÍS Saif al-Islam Gaddafí þótti umbótasinnaður og umgekkst fína
fólkið í Bretlandi. NORDICPHOTOS/AFP
HOWARD DAVIES
VITA er lífið
VITA | Skútuvogi 13a | Sími 570 4444
ÍS
L
E
N
S
K
A
S
IA
.I
S
V
IT
5
39
92
0
3.
20
11
VITA er í eigu Icelandair Group.
GROUP
Kynntar verða spennandi gönguferðir á Korfu,
um fjalllendi Slóvakíu, Dólómíta-alpana á Norður-
Ítalíu og Vestur-Lýkíu í Tyrklandi.
Auk þess mun Heilsuborg kynna starfsemi sína
og bjóða góð kjör fyrir þá sem vilja hressa upp á
formið fyrir gönguferðina.
Gönguferðir
Göngu-Hrólfs og VITA 2011
Upplýsingar Vita í síma 570 4453 eða
í gegnum tölvupóst: siljarun@vita.is
www.vita.is/sportlif | www.gonguhrolfur.is
Kynningarfundur
Göngu-Hrólfs og VITA sport
í Heilsuborg, Faxafeni 14,
þriðjudaginn 8. mars kl. 20:00.
Nánari upplýsingar á vitasport.is
Tilkynning
frá Samtökum eigenda
sjávarjarða.
Samtök eigenda sjávarjarða tilkynna hér með að
allar veiðar og önnur atvinnustarfsemi innan netlaga
sjávarjarða þar með taldar hrognkelsaveiðar eru
bannaðar án leyfis eigenda viðkomandi jarða.
Miða skal við fjarlægðarregluna 60 faðma
(115 metrar) og dýptarviðmiðið 12 álnir eða
4 faðma (6,88 metrar) dýpi á stórstraumsfjöru varðandi
fiskveiðar. Innan þessara marka er um svæði í einkaeign
að ræða og geta þeir sem virða það ekki átt von á því
að verða kærðir.
Samtök eigenda sjávarjarða – www.ses.is
REYKJAVÍK Enn virðist langt í að
sátt náist um sameiningaráform
í leikskólum Reykjavíkurborgar
sem kynnt voru í vikunni.
Starfshópur borgarráðs lagði
þar til breytingar á starfi 32ja leik-
skóla í borginni, sem munu leiða til
þess að 30 verða sameinaðir undir
14 yfirstjórnir og tveir verða sam-
einaðir grunnskólum og frístunda-
heimilum.
Rósa Steingrímsdóttir, formaður
Barnanna okkar – Samtaka for-
eldrafélaga leikskóla, sagði í sam-
tali við Fréttablaðið að þau væru
ósátt vegna takmarkaðs samráðs
borgar yfirvalda við foreldra og
fagaðila.
„Foreldrar eru ekki að upplifa
samvinnu eða
samráð í þessu
ferli og lítið
mark er tekið
á þeirra til-
lögum. Okkur
finnst ekki sem
verið sé að for-
ga ngsraða í
þágu barna hér
í borginni með
þessum samein-
ingum.“
Rósa bætir því við að hún telji
hagræðinguna sem hljótist af
þessum aðgerðum vera það litla að
það réttlæti ekki röskunina.
„Svo tapast mikil þekking út úr
greininni við það að segja upp svo
mörgum leikskólastjórum í einu.
Þá fer afar lítið fyrir tali um fag-
legan ávinning í skýrslunni með
tillögunum.“ - þj
Foreldrar leikskólabarna ósáttir við sameiningartillögur í Reykjavík:
Segja börnin ekki sett í forgang
RÓSA
STEINGRÍMSDÓTTIR ÓSÁTT VIÐ SAMEININGAR Foreldrafélag
leikskólanna í Reykjavík er ekki sam-
mála menntayfirvöldum um hagræð-
ingu. FRÉTTABLAÐIÐ/VILHELM
VIÐSKIPTI Landsbankinn mun að öllum
líkindum taka yfir SpKef-sparisjóð sem reist-
ur var á grunni hins gjaldþrota Sparisjóðs
Keflavíkur. Til stóð að ríkið endurfjármagn-
aði sjóðinn en talið er að milljarðar sparist
með því að láta Landsbankann taka hann yfir.
Frá þessu var greint í fréttum Stöðvar 2.
Samningaviðræður standa nú yfir milli
Landsbankans, fjármálaráðuneytisins
og Bankasýslu ríkisins um málið en til
stendur að flytja innlán sparisjóðsins til
Landsbankans. Ríkissjóður mun væntanlega
leggja fjórtán til fimmtán milljarða króna inn
í SpKef til að mæta skuldbindingum vegna
innistæðna en heildarskuldbindingar spari-
sjóðsins nema alls átján milljörðum.
Í frétt Stöðvar 2 sagði jafnframt að viðræð-
ur um yfirtökuna væru langt komnar en svo
virtist sem stjórn SpKef hefði ekki verið höfð
með í ráðum því hluti stjórnar frétti fyrst af
viðræðunum í gegnum fjölmiðla.
Fjármálaráðuneytið sendi frá sér yfirlýs-
ingu í gær þar sem segir að unnið sé að því
að tryggja til frambúðar og með fullnægj-
andi hætti fjármögnun á starfseminni. Engin
ástæða sé fyrir innistæðueigendur að óttast
um fjármuni sína.
SpKef starfrækir sextán útibú og er búist
við því að Landsbankinn reki einhver þeirra
áfram undir sínu nafni. Á annað hundrað
manns starfa fyrir SpKef en óvissa ríkir um
framtíð starfsmannanna. - mþl
Óvissa um framtíð á annað hundrað starfsmanna sparisjóðs:
Landsbankinn tekur líklega yfir SpKef
SPKEF Ríkissjóður mun væntanlega leggja fjórtan
til fimmtán milljarða króna til SpKef til að mæta
skuldbindingum. FRÉTTABLAÐIÐ/PJETUR
Við vorum þarna
vegna þess að landið
virtist reiðubúið undir um-
bætur.
MICHAEL PORTER
PRÓFESSOR
VEISTU SVARIÐ?