Fréttablaðið - 05.03.2011, Síða 70

5. mars 2011 LAUGARDAGUR38
1965 LEIKARAFJÖLSKYLDA
Carlos Irwin Estevez fæðist í New York hinn 3. septem-ber, yngsti sonur leikarans Martins Sheen og Janet
Templeton. Systkini hans, Emilio, Ramon og Renée, eru
öll leikarar. Fjölskyldan flyst fljótlega til Kaliforníu
og gerir Charlie það gott í hafnaboltaliði skólans síns
áður en hann gerist góður vinur drengja á borð við Rob
Lowe og Sean Penn, sem síðar verða vinsælir leikarar.
Nokkrum vikum fyrir útskrift er Charlie rekinn úr
skólanum og ákveður þá að gerast leikari. Honum
bregður fyrst fyrir í kvikmyndinni The Execution of
Private Slovik árið 1974, níu ára gömlum.
1984 Á TOPPINN
Fyrsta alvöru hlutverk sitt fær Sheen í kvik-myndinni Red Dawn. Aukahlutverk í unglinga-
myndinni Ferris Bueller‘s Day Off og aðalhlutverk
í stríð- og Óskarsverðlaunamynd Olivers Stone,
Platoon, fylgja í kjölfarið árið 1986. Ári síðar, 1987,
hlýtur Charlie mikið lof fyrir frammistöðu sína í
annarri mynd eftir Oliver Stone, Wall Street. Eftir
tvær myndir með Emilio bróður sínum, Young
Guns (1988) og Men At Work (1990), fer að síga
á ógæfuhliðina hjá Charlie í hlutverkavali þegar
B-myndir og misgáfulegar grínmyndir taka nær
alfarið við hjá honum.
1990 VOÐASKOT
Sheen fiktaði við áfengi og fíkniefni
á unglingsárum eins
og gengur og gerist
í Hollywood, en hóf
óhófið þó fyrst fyrir
alvöru við tökur á
myndinni Wall Street
árið 1986. „Þá var ég
sífullur,“ sagði hann
síðar í viðtali. „Tök-
urnar fóru fram í
New York, ég var að
skemmta mér fram
til klukkan þrjú eða fjögur á hverri nóttu og
þurfti svo að mæta klukkan sex á morgnana
til að leika á móti Michael Douglas. Ég skil
ekki ennþá hvernig þetta gekk upp.“
Í janúar 1990 er Charlie handtekinn fyrir
að skjóta unnustu sína, Kelly Preston, í
handlegginn fyrir mistök. Engar kærur eru
lagðar fram á hendur honum en samband
Sheens og Preston líður undir lok skömmu
síðar. Síðar á árinu fer Charlie í sína fyrstu
fíkniefnameðferð.
1995 VÆNDISKÚNNI
Charlie er eitt af aðalvitnunum í réttar-höldunum gegn Hollywood-mellumömm-
unni Heidi Fleiss. Hann segist hafa eytt yfir
50.000 dollurum í þjónustu vændiskvenna
Fleiss og segist vera mest fyrir „klappstýru-
týpuna“. Sama ár giftist Charlie í fyrsta skipti
af þremur, fyrirsætunni Donnu Peele, en
þau skilja ári síðar. 1997 er Charlie dæmdur
í tveggja ára skilorðsbundið fangelsi fyrir
líkams árás á Brittany Ashland, unnustu sína,
og ári síðar tekur hann inn of stóran skammt
af kókaíni og gengst undir aðra fíkniefna-
meðferð.
2000 VELGENGNI Í SJÓNVARPI
Þ etta ár færir Charlie sig yfir í sjónvarp með góðum
árangri þegar hann tekur við
aðalhlutverki Michaels J. Fox
í gamanþáttaröðinni vinsælu
Spin City og hlýtur Golden
Globe verðlaunin að laun-
um. 2003 tekur hann að sér
hlutverk nafna síns Charlie
Harper í þáttunum Two
and a Half Men. Fljótlega
verður Sheen launahæsti
sjónvarpsleikari sögunnar
með allt að tveimur millj-
ónum dala fyrir hvern
þátt, ef marka má slúður-
pressuna. Þættirnir njóta
mikilla vinsælda, allt þar til
framleiðslu er hætt á þeim í
byrjun þessa árs þegar Sheen
rakkar niður aðalframleiðanda
þáttanna í útvarpsviðtölum. Nú
hyggur Charlie á risavaxið
skaðabótamál vegna tekju-
missisins.
2006 SUBBULEGUR
SKILNAÐUR
Charlie skilur við eiginkonu númer
tvö, leikkonuna Denise
Richards, sem hann gift-
ist árið 2003 og eignað-
ist tvær dætur með. Í
hönd fer illvíg barátta
fyrir dómstólum, þar
sem Richards sakar
Sheen meðal annars
um heimilisofbeldi,
spilafíkn, að horfa
á barnaklám og
reyna að neyða hana
í fóstur eyðingu.
Charlie sakar Den-
ise á móti um að
vera „hæfileika-
laust svín“.
2009 UMTAL-
AÐUR
Sheen er hand-tekinn á jóla-
dag í Aspen í
Colorado-ríki.
Hann viðurkenn-
ir að hafa hótað
þriðju eiginkonu
sinni, Brooke
Mueller, með hnífi.
Árið eftir er hann
dæmdur í þrjátíu
daga skilorðsbundið
fangelsi, mánaðarlanga
fíkniefnameðferð og 36
klukkustunda reiðistjórn-
unarnámskeið fyrir vikið.
Næsta árið eru fregnir af
stjórnlausri hegðun hans
tíðar. Í lok árs 2010 sækir hann
um skilnað frá Mueller. Í vikunni fjar-
lægðu lögregluþjónar 23 mánaða gamla
tvíbura hjónanna af heimili Sheens, þar
sem hann býr með tveimur nýjum kær-
ustum sínum. Charlie lætur einkenni-
lega í viðtölum, talar í sífelldum frös-
um á borð við „Winning!“, sem hann
endurtekur í sífellu, og ótalmargir
velta fyrir sér geðheilsu leikarans.
Sigrar og töp
Charlie Sheen
Þrátt fyrir rúman aldarfjórðung í sviðsljósinu hefur
Charlie Sheen aldrei verið jafn mikið milli tannanna
á fólki og síðustu vikur vegna tíðra frétta af gegndar-
lausri eiturlyfjaneyslu, ofbeldi og fleiru miður geðs-
legu. Kjartan Guðmundsson stiklar á stóru yfir feril
leikarans, sem margir telja helsjúkan á geði.