Fréttablaðið - 02.04.2011, Qupperneq 66

heimili&hönnun6
„Þétt íbúðarbyggð einkennir hverfið en það er þó
alger lega grænt því innan þess eru engar bíla götur.
Fólk má samt eiga bíla og fyrir þá eru geymslur í
hálfniðurgröfnum bílakjöllurum sem mynda bragga-
form á yfirborðinu,“ byrjar Edda Ívarsdóttir þegar
hún er beðin að útskýra teikningar sínar af nýju skipu-
lagi við Laugarnesið.
Edda er að læra umhverfisskipulag við
Landbúnaðar háskóla Íslands á Hvanneyri en það er
inngangur að landslagsarkitektúr og skipulagsfræði.
Miðað er við að ljúka því á þremur árum en Edda tekur
það á tveimur og hálfu og er á lokasprettinum. Eitt af
verkefnunum í vetur snerist um að teikna nýtt íbúðar-
hverfi þar sem iðnaðarhverfið er við Klettagarða og
Köllunarklettsveg og tengja það byggðinni í nágrenn-
inu; græna svæðinu á Laugarnesinu sjálfu, fjörunni og
Laugardalnum. Það var unnið í þremur hlutum; tveir
þeir fyrri voru unnir í hóp en hver einstaklingur í
hópnum útfærði sínar hugmyndir í síðasta hlutanum.
Edda gerir ráð fyrir um 900 íbúðum á svæðinu.
Þar verða engir einkagarðar en hins vegar sér hún
fyrir sér gróðurhús ofan á þökum á hafnarsvæðinu
og göngustíga þangað. Einnig stíga inn á Laugar nesið
og strandlengjuna, sem er sú síðasta náttúrulega við
norðurströnd Reykjavíkur. „Ég setti einn náttúru-
leikskóla inn á kortið sem tengist græna svæðinu og
ströndinni. Svo færu grunnskólabörn í Laugarnes-
skóla og Laugalækjarskóla yfir göngubrýr eða um
undirgöng.“ En sér hún fyrir sér að hugmyndir henn-
ar eigi eftir að verða að veruleika? Þá hlær hún. „Þetta
er auðvitað skólaverkefni og verður að skoðast sem
slíkt.“ - gun
Algerlega grænt hverfi
● Hugmyndalegt frelsi nýtur sín vel í verkefnum þeirra sem leggja stund á
umhverfisskipulag við Landbúnaðarháskóla Íslands. Dæmi um það eru teikningar Eddu
Ívarsdóttur af nýju hverfi við Laugarnesið.
Edda Ívarsdóttir við teikningar af hinu nýja hverfi í grennd
við Klettagarða. Þær eru skólaverkefni hennar í umhverfis-
skipulagi við Landbúnaðarháskóla Íslands. MYND/ÁSKELL ÞÓRISSON
Fjölbýlishúsahverfið. Þar sést í bílageymslurnar, sem eru hálfniðurgrafnar og með
braggaþökum.
Göngustígar og brú yfir lækinn setja svip á umhverfið.
-sælureitur innan seilingar!
Svalaskjól
Smi›sbú› 10 | 210 Gar›abær | Sími: 554 4300 | Fax: 564 1187 | www.solskalar.is
YFIR 40
LITIR Í
BOÐI!
Engir póstar
Innbyggðar vatnsrennur
Frábært skjól
gegn vindi og regni
Allt sem þú þarft
Lesendur okkar
eru á öllum aldri
– og við þjónum
þeim öllum