Fréttablaðið - 13.05.2011, Qupperneq 28

2 föstudagur 13. maí
núna
✽ Sumar og sól
augnablikið
Útgáfufélag 365 miðlar ehf. Umsjón Sara McMahon Forsíðumynd Valgarður Gíslason Útlitshönnun
Kristín Agnarsdóttir Auglýsingar Sigríður Hallgrímsdóttir sigridurh@365.is og Sigríður Dagný
Sigurbjörnsdóttir sigridurdagny@365.is Föstudagur Skaftahlíð 24, 105 Reykjavík, sími 512 5000
blogg vikunnar
New York, New York
Bloggið www.
lefashionimage.
blogspot.com er
skemmtileg lesning.
Þar eru fallegar
myndir og flott
tíska sem hvort
tveggja gleður
augað. Síðunni
er haldið úti af
stúdínu frá New
York, sem eins
og svo mörgum
öðrum stúdínum
finnst gaman að
láta sig dreyma um
að eignast fallegar
flíkur og ferðast
til framandi landa.
Þessum draumum deilir hún svo
með heimsbyggðinni á netinu.
Íslenskt, já takk!
Hin íslenska Hildur Ragnars held-
ur úti bloggsíðunni www.hilrag.
com. Síðan er stútfull af flottri
tísku, björtum litum
og skemmtilegu
skarti. Hún er
einnig uppfærð
mjög reglulega
og því er þetta
síða sem má
heimsækja nán-
ast daglega.
Danska tímaritið Cover heimsótti
Dóru Dúnu Sighvatsdóttur og fékk
að mynda bæði hana og heimili
hennar í bak og fyrir. Afrakstur
heimsóknarinnar má sjá í nýjasta
tölublaði tímaritsins.
Dóra Dúna hefur búið í Kaup-
mannahöfn í fjögur ár og deilir
fallegri íbúð með danskri kærustu
sinni, Djunu Barnes, sem er vin-
sæll plötusnúður þar í borg. Dóra
Dúna rekur einnig kaffihúsið The
Log Lady í hliðargötu af Strikinu.
Viðtalið í Cover er mjög veglegt og
þar svarar Dóra öllum spurning-
um blaðamanns samviskusam-
lega ásamt því að sýna honum
íbúðina sína, sem er afskaplega
falleg. - sm
Viðtal við Dóru Dúnu Sighvatsdóttur í Cover:
Býður í heimsókn
Býður í heimsókn Tískutímaritið Cover
heimsótti kaffihúsaeigandann Dóru Dúnu
Sighvatsdóttur á dögunum. Viðtalið við
hana má lesa í nýjasta tölublaði Cover.
Á VARIRNAR Chubby Stick varasalvinn frá Clinique gerir varirnar silkimjúkar og
fallegar. Varasalvinn fæst í átta ólíkum litum og gefur vörunum því léttan lit ásamt
því að koma í veg fyrir þurrk. Stórsniðugt í snyrtibudduna í sumar.
Þ óra Eggertsdóttir og Guðrún Heimisdóttir standa á bak
við hönnunarfyrirtækið Puzzled
by Iceland. Þær hafa þróað og
framleitt púsluspil sem eru sér-
staklega hugsuð sem minjagripir.
Samstarf vinkvennanna, sem
hafa þekkst í áratug, hófst á
meðan þær voru báðar í fæðing-
arorlofi. Einn dag er þær sátu á
kaffihúsi veltu þær fyrir sér hvað
tæki við að orlofinu loknu og
ákváðu að stofna fyrirtæki saman.
„Við ákváðum að skapa okkar
eigið starf og stofna fyrirtæki; það
eina sem vantaði upp á var hvers
konar fyrirtæki við ættum að
stofna,“ útskýrir Guðrún glaðlega.
Þær stöllur skrifuðu niður
ýmsar ól íkar hugmyndir að
fyrirtækjum og ákváðu að lokum
að vinna áfram með hugmynd-
ina að púslunum. Þær fengu til
liðs við sig nokkra áhugaljós-
myndara sem þær fundu á vef-
síðunni Flickr.com og að lokum
höfðu þær uppi á framleiðanda
í Kína. Fallegar myndir úr ís-
lenskri náttúru prýða púslu-
spilin, þar á meðal ljósmynd af
Öxarárfossi, Hvítserki, litlu lambi
og fallegu hrossi, svo fátt eitt sé
nefnt. Hverju púsli fylgir einnig
skemmtilegur fróðleikur um
myndefnið. „Viðtökurnar hafa
verið ótrúlega góðar en þar sem
fyrstu púslin komu út í nóvem-
ber höfum við enn ekki upplifað
ferðamannasumar á Íslandi. Við
erum mjög spenntar fyrir sumrinu
og höfum beðið lengi eftir því.“
Þær Þóra og Guðrún hlutu
annað sætið í Gullegginu hjá Inn-
ovit og ætla að nota þann styrk
til að fara út með vörumerk-
ið, sem þær hafa fengið skrá-
sett. „Vörumerkið heitir Puzzled
by og okkur langar að þróa það
áfram. Kannski verða eftir nokk-
ur ár einnig komin púsluspil sem
heita þá Puzzled by Norway eða
Germany,“ útskýrir Guðrún.
Puzzled by Iceland fæst meðal
annars í Minju, Eymundsson og
Leifsstöð. - sm
Guðrún Heimisdóttir og Þóra Eggertsdóttir hanna falleg púsl:
HUGMYNDIN
FÆDDIST Í ORLOFI
Puzzled by Þóra Eggertsdóttir, til vinstri, og Guðrún Heimisdóttir ásamt dætrum sínum, Alexöndru og Huldu. Vinkonurnar hanna
skemmtileg púsl sem hafa slegið í gegn. MYND/TOMASZ ÞÓR VERUSON
STJÖRNUMAMMA Söngkonan
Gwen Stefani sást rölta um stræti
Lundúna með yngri son sinn, Zuma.
Söngkonan var flott klædd að venju.