Fréttablaðið - 01.06.2011, Blaðsíða 46
1. júní 2011 MIÐVIKUDAGUR34
Breska söngkonan Cheryl Cole hyggst
láta lítið fyrir sér fara eftir að hún var
óvænt rekin úr bandaríska X-Factor.
Baulað var á Simon Cowell í Bretlandi
nýverið.
Breska þjóðin er æf yfir þeirri meðferð sem söng-
konan Cheryl Cole fékk í Bandaríkjunum. Hún
var látin taka hatt sinn og staf eftir nokkra þætti
af ameríska X-Factor þar sem framleiðendur
voru handvissir um að fólkið í Ameríku myndi
ekki skilja þykkan „geordie“-hreim söngkonunn-
ar, en það kallast talandi fólks frá iðnaðarborg-
inni Newcastle. Sá orðrómur gekk einnig fjöllum
hærra að Cole hefði verið of þung og að hún hefði
þjáðst af heimþrá en flestir fjölmiðlaspekingar
eru sammála um að hreimurinn hafi orðið henni
að falli.
Cole hefur verið í miklu uppáhaldi hjá Bretum.
Til að mynda er baulað á fyrrverandi eiginmann
hennar, Ashley Cole, hvar sem hann stígur niður
fæti á enskum knattspyrnuleikvöngum en hann
er bakvörður hjá Chelsea. Simon Cowell, hinn
heimsfrægi skaphundur úr Idolinu, gæti verið
kominn í sama bás því áhorfendur raunveruleika-
þáttarins Britain’s Got Talent bauluðu á sjón-
varpsmanninn þegar hann gekk í sjónvarpssalinn
á mánudagskvöld þar sem hann er hluti af dóm-
nefndinni. Sjálfur viðurkenndi hann að Cole ætti
sennilega aldrei eftir að tala við sig aftur. „Hún
er búin að fá nóg af mér,“ hefur breska blaðið The
Sun eftir honum.
Náinn vinur Cowells greinir jafnframt frá því
að sjónvarpsmógúllinn hafi ítrekað reynt að ná
tali af Cole en án árangurs. „Cowell líður mjög
illa yfir því sem gerðist, hann veit að þetta var
klúður en hún vill ekkert hlusta á hann. Þau
voru mjög náin og töluðu reglulega saman í
síma en nú vill hún ekki heyra á hann minnst.
Honum líður eins og hann hafi misst ástvin.“
Samkvæmt heimildum The Sun ákvað
Cheryl að horfa ekki á Simon Cowell í sjón-
varpinu heldur kaus að leita eftir hentugum
sumarfrísstöðum á netinu. „Hún hefur bara
notið þess að vera í faðmi fjölskyldu sinnar og
náinna vina, hún er bara að slaka á. Henni finnst
illa að sér vegið og er eiginlega búin að fá nóg af
þessu miskunnarleysi skemmtanabransans. Núna
vill hún bara eyða smá tíma með fólki sem hún
treystir.“ freyrgigja@frettabladid.is
CHERYL COLE DREGUR SIG Í HLÉ
Í VONDUM MÁLUM
Cheryl Cole hefur sett Simon
Cowell út af sakramentinu og
vill ekki tala við hann eftir að
hafa verið rekin úr bandaríska
X-Factor. Baulað var á Cowell
í Britain’s Got Talent og
áhorfendur lýstu yfir stuðningi
sínum við Cole. Cowell
er þar með kominn í hóp
með Ashley Cole, sem fær
reglulega að finna fyrir hatri í
sinn garð á enskum knatt-
spyrnuvöllum eftir að hafa
svikið Cheryl í tryggðum.
Tónlistarkonan Sólveig Þórðardótt-
ir, sem kallar sig Sollu Soulful, hefur
nú gefið út sína fyrstu plötu, Open a
Window.
Platan inniheldur lög og texta eftir
hana sjálfa og má heyra í þeim áhrif
frá sálartónlist, djassi og blús. Platan
átti upphaflega að koma út fyrir síð-
ustu jól en vegna þess hve seint hún
kom til landsins ákvað Solla að fresta
útgáfunni. „Ég sé ekki eftir því. Þetta
er meiri sumarplata hvort sem er,“
segir Solla, sem útskrifaðist af djass-
og rokkbraut FÍH fyrir tveimur árum.
Lögin á plötunni fjalla mest um
ástina og hennar fylgifiska. „Ég sem
voða mikið út frá minni persónulegu
reynslu. Textarnir eru bjartir og
dimmir í senn. Stundum fara þeir út á
ævintýralegar slóðir en meginþemað
er ástin,“ segir hún.
En hvaðan kemur nafnið Solla
Soulful? „Mér fannst nafnið Solla
vera eitthvað svo einmanalegt eitt og
sér. Ég hugsaði með mér hvaða nafn
myndi bæði lýsa sjálfri mér og tónlist-
inni. Ég er „soulful“ í túlkun og tón-
listin er líka undir áhrifum frá sálar-
tónlist.“
Með henni á plötunni eru Ragnar
Emilsson á gítar, Ingi Björn Ingason
á bassa, Egill Örn Rafnsson á
trommur og Kjartan Valdemarsson
á píanó og Hammond. Þær Sandra
Ósk Snæbjörnsdóttir og Unnur Birna
Björnsdóttir spila einnig á strengi í
nokkrum lögum.
Útgáfutónleikar vegna plötunnar
verða á Café Rosenberg 8. júní kl.
21.30. - fb
Solla Soulful með sumarplötu
FYRSTA PLATAN Sólveig Þórðardóttir, eða Solla Soulful, hefur gefið út
sína fyrstu plötu. FRÉTTABLAÐIÐ/GVA
Söngkonan Dannii Minogue og
eiginmaður hennar, ruðnings-
kappinn fyrrverandi Kris
Smith, hafa ákveðið að prófa
reynsluskilnað. „Við erum
komin aftur heim til Melbourne
sem ein fjölskylda. Samband
okkar og Ethans mun ávallt
halda áfram,“ sögðu þau í yfir-
lýsingu sinni, en Ethan er eins
árs sonur þeirra. Minogue, sem
er systir söngkonunnar Kylie,
kynntist Smith fyrir þremur
árum á Ibiza. Þau hafa gefið til
kynna að þau ættu í vandræðum
með hjónabandið á Twitter-síð-
unni og kemur skilnaðurinn því
fáum á óvart.
Skilnaður
hjá Minogue
Michael Douglas er smám saman
að komast aftur á ról eftir að hafa
greinst með krabbamein í hálsi.
„Mér líður ansi vel. Eftir afar
erfiða meðferð finnst mér eins
og ég sé að vakna aftur til sjálfs
mín,“ segir Douglas í samtali við
breska OK!. „Krabbameinið er
farið og það hefur ekki látið á sér
kræla aftur. Fyrsta árið verð ég
að fara í skoðun í hverjum mán-
uði en mér finnst læknarnir vera
mjög bjartsýnir.“
Douglas bætti því við að þessi
reynsla hefði kennt honum að
meta allt í kringum sig upp á
nýtt. „Ég er ákaflega þakklátur
fyrir það líf sem ég hef lifað og
þann árangur sem ég hef náð.
Ég er ótrúlega heppinn að hafa
hitt Catherine Zetu-Jones og
hafa hafið nýtt fjölskyldulíf með
henni. Þessi barátta hefur fært
mig nær fjölskyldunni.“
Douglas sátt-
ur með sitt
SÁTTUR Douglas kveðst vera ánægður
með sitt líf; baráttan við krabbameinið
hafi kennt honum að meta hlutina upp
á nýtt. NORDICPHOTOS/GETTY