Fréttablaðið - 01.06.2011, Blaðsíða 54

1. júní 2011 MIÐVIKUDAGUR42
MORGUNMATURINN
„Ég er mjög vanaföst á
morgunmatinn, annaðhvort er
það Cheerios með rúsínum eða
hafragrautur með eplum og
kanil.“
Guðrún Margrét Örnólfsdóttir, markaðs-
stjóri Smáralindarinnar.
„Það er gáfulegra að spúa reyk
en svona bulli. Ég hefði til að
mynda ekki gefið mikið fyrir
Engla alheimsins ef það hefði
ekki mátt reykja í myndinni,“
segir Friðrik Þór Friðriksson
kvikmyndaleikstjóri.
Samkvæmt þingsályktunar-
tillögu um aðgerðaáætlun um
tóbaksvarnir, sem Siv Friðleifs-
dóttir lagði fram á Alþingi, segir
að óæskilegt sé að leikarar reyki
í íslenskum bíómyndum og á leik-
sviði. Jafnframt segir í henni:
„leikrit og kvikmyndir sem reykt
er í ættu ekki að fá opinbera
styrki eða annan stuðning af
skattfé. Þetta er ekki gert til að
hindra listrænt frelsi eða tjáningu
heldur til að sporna við þekktum
aðferðum tóbaksframleiðenda við
óbeinar auglýsingar á tóbaki.“
Friðrik rifjar upp að einhvern
tímann hafi hann fengið bréf um
að hann mætti ekki sýna umferð-
arlagabrot í myndum sínum.
„Það eru alltaf einhverjir gæjar
sem vilja hafa vit fyrir okkur. Ég
hef sjálfur aldrei reykt en þessi
tillaga er bara bull.“ Þess ber
að geta að afar sjaldgæft er að
þingsályktunartillaga frá þing-
manni stjórnarandstöðuflokks sé
samþykkt.
Leikstjórinn Baltasar Kormákur
er ómyrkur í máli gagnvart tillög-
unni. „Þetta er hættulegt skref og
aðferðin, að leggja það til að hætta
að styrkja kvikmyndir og leikrit
sem reykt er í, er sérlega ógeð-
felld því það væri þá fyrsta skref-
ið til að beita ríkisstyrkjum til
ritskoðunar. Það væri mun gáfu-
legra að hafa leiðbeinandi óskir
um að þetta yrði ekki gert meira
en nauðsynlegt væri en maður
spyr sig: hvað næst? Á að banna
alla áfengisneyslu á hvíta tjaldinu
og bíómyndir þar sem er blótað?
Kvikmyndir eiga ekki að vera upp-
eldis- eða áróðurstæki heldur eiga
þær að endurspegla samfélagið.“
Baltasar leikstýrði sem kunn-
ugt er kvikmyndinni Contraband
BALTASAR KORMÁKUR: KVIKMYNDIR EIGA EKKI AÐ VERA UPPELDISTÆKI
Fyrsta skrefið til að beita
ríkisstyrkjum til ritskoðunar
í Bandaríkjunum þar sem
umræðan um tóbaksvarnir er hvað
háværust og í þeirri mynd sjást
nokkrar persónur reykja. „Mynd-
verin óska eftir því að það sé ekki
reykt meira en nauðsyn krefur.“
Þórir Snær Sigurjónsson, fram-
leiðandi hjá ZikZak, segist sjálfur
ekki vera hrifinn af reykingum í
bíómyndum nema þeim sem not-
aðar eru í listrænum tilgangi. Til
að mynda í Svörtum á leik, sem
gerist 1999-2000 þegar reykinga-
menningin var allt öðruvísi en hún
er í dag, sjáist persónurnar reykja.
„Við höfum hins vegar notast við
herbal-sígarettur í okkar mynd-
um sem eru án tóbaks og nikótíns.
Mér finnst persónulega að menn
eigi að fara varlega í að banna en
það er kannski sjálfsagt að menn
hafi þetta bak við eyrað, bann væri
eiginlega ekki alveg hægt.“
freyrgigja@frettabladid.is
ÓSÁTTIR
Baltasar Kormákur, Friðrik Þór Frið-
riksson og Þórir Snær Sigurjónsson
eru óánægðir með þingsályktunar-
tillögu níu þingmanna úr öllum
flokkum um tóbaksvarnir. Þeir segja
ómögulegt að banna alla reykingar
í kvikmyndum og leikritum en
menn gætu hins vegar haft það
bak við eyrað að gera ekki meira
úr reykingum en nauðsyn
krefur. Reykingar Badda og
hans félaga í Djöflaeyjunni
hefðu orðið fyrir barðinu
á reykingabanninu og
Djöflaeyjan hefði sennilega
átt í miklum erfiðleikum
með að fjármagna sig.
Skemmtistaðurinn Sódóma Reykjavík við
Tryggvagötu hefur verið auglýstur til
sölu.
„Það hafa nokkrir hringt en það er ekk-
ert í hendi,“ segir fasteignasalinn Ástþór
Reynir Guðmundsson hjá Remax, sem
vildi annars ekkert tjá sig um málið.
Eigendur staðarins hafa óskað eftir til-
boðum, en samkvæmt heimildum Frétta-
blaðsins kostar staðurinn á bilinu 25 til
30 milljónir króna og inni í því verði eru
nýleg tæki og búnaður.
Össur Hafþórsson, einn af eigendum
Sódómu, vildi heldur ekkert tjá sig um
söluferlið. Svo virðist engu að síður sem
Össur vilji minnka við sig í skemmtana-
bransanum, enda hefur hann haft í nógu
að snúast undanfarin ár við rekstur Ellef-
unnar og Kaffi Grand, auk þess sem hann
á húðflúrsstofuna Reykjavík Ink ásamt
eiginkonu sinni Lindu Mjöll Þorsteins-
dóttur.
Rúm tvö ár eru liðin síðan Össur tók
við rekstri Sódómu. Þá hafði hann þetta
að segja um kaupin í miðri kreppunni:
„Þetta er svolítið brjálæði og kannski
ekki það gáfulegasta en þörfin eftir þess-
ari stærð af húsnæði er mjög mikil eftir
að Gaukurinn hætti og Organ var lagt
niður. Mér líst vel á þetta.“
Samkvæmt heimildum Fréttablaðsins
hefur rekstur Sódómu gengið vel, enda
hafa fjölmargar hljómsveitir stigið þar á
stokk við góðar undirtektir. - fb
Sódóma til sölu fyrir þrjátíu milljónir
TIL SÖLU Skemmtistaðurinn Sódóma Reykjavík hefur verið
auglýstur til sölu. FRÉTTABLAÐIÐ/PJETUR
Eagles-tónleikarnir í næstu viku munu sennilega
brjóta blað í íslenskri tónleikasögu, því sjaldan eða
aldrei hafa fleiri komið að einum tónleikum. Sam-
kvæmt heimildum Fréttablaðsins verða starfsmenn-
irnir þegar mest lætur tæplega fjögur hundruð.
Eftir því sem Fréttablaðið kemst næst verður
bryddað upp á þeirri nýbreytni að selja sérstakan
Eagles-varning – boli, geisladiska og annað slíkt – í
básum inni í Laugardalshöllinni og á útisvæði. Slíkt
er nokkuð algengt á tónleikum erlendis en hefur ekki
þekkst hérlendis. Í föruneyti Eagles verða alls hundr-
að manns með öllum og lenda einhverjir þeirra strax
á föstudaginn til að undirbúa tónleikana. Í gæslu
og hlutverki ökumanna verða alls hundrað manns
en fimm skutlur og fjórar lúxuskerrur verða meðal
annars til taks fyrir Eagles og aðstoðarmenn. Þá eru
tíu starfsmenn alfarið í því að sinna veitingum fyrir
starfsfólkið og Eagles-menn, en eins og Fréttablaðið
hefur greint frá gera Glenn Frey og félagar nokk-
uð strangar kröfur um hollt mataræði á tónleika-
ferðalögum sínum.
Ísleifur B. Þórhallsson hjá Senu, sem hefur veg og
vanda af tónleikum Eagles, vildi ekki staðfesta starfs-
mannatölur í samtali við Fréttablaðið. Hann taldi
hins vegar liggja í augum uppi að tónleikar af þessari
stærðargráðu og umfangi hefðu ekki verið haldnir á
Íslandi. „Þetta gengur mjög vel, það er mjög gaman
að vinna með þessu fólki og mikill metnaður sem
liggur að baki þessum tónleikum. Það á bara eftir að
skila sér í meiri skemmtun fyrir áhorfendur.“ - fgg
Risavaxnir Eagles-tónleikar
STÓRIR Í SNIÐUM Eagles-menn eru ansi stórir í sniðum. Þeir
ætla að bjóða upp á sölubása með varningi frá sér, en alls
munu tæplega 400 starfsmenn koma að tónleikunum í næstu
viku.
20 %
afsláttur
á Björtum
dögum!