Fréttablaðið - 02.07.2011, Blaðsíða 16
2. júlí 2011 LAUGARDAGUR16
Þið segist ekki þekkja hvort annað,
en hefur þú, Elísabet, lesið viku-
blaðið Monitor sem Björn hefur rit-
stýrt undanfarin tvö ár? Og þekk-
irðu bókmenntaverk Elísabetar,
Björn?
Elísabet: Nei, ég vissi ekki að
Monitor væri til fyrr en við ákváð-
um að hittast, en þó klingdi það
einhverjum bjöllum. Synir mínir
voru ægilega hneykslaðir yfir því.
Þeir sögðu mér að Monitor væri
stuðblað. Svo las ég það loks í gær
og er bara svakalega hrifin, sér-
staklega af forsíðunum – mjög
flottar og mikill karakter í þeim.
Einnig talaði ég við vin minn nú í
morgun, Heiðar Sumarliðason leik-
stjóra, og hann sagði að þetta væri
hnakka- og skinkublað. Sonur minn
hlýtur þá að vera hnakki ef hann
les blaðið og ég sagði Heiðari að
hann skyldi ekki kalla son minn
hnakka. Þá sagði hann; „Bíddu,
tók hann ekki þátt í fegurðarsam-
keppni?”
Björn: Ég hef alltaf vitað hver
Elísabet er og man til að mynda
eftir Fótboltasögubókinni hennar.
Ég hef reyndar ekki lesið bókina
ennþá en ætla mér að gera það. En
svo þekki ég tvíburasyni hennar,
Jökul og Garp, og eru það ekki
hennar helstu verk?
Elísabet: Jú, og einn strákur í við-
bót, Kristjón.
Þið eruð sitt af hvorri kynslóðinni.
Elísabet, veist þú hvað gerðist árið
sem Björn fæddist, 1984? Og veist
þú Björn hvað gerðist á fæðing-
arári Elísabetar, 1958?
Elísabet: Mér finnst eins og það
eigi að vera eitthvað sem ég ætti
að muna frá árinu 1984 en ég man
eiginlega ekkert nema að tvíbur-
arnir mínir fæddust. Maður þarf
að gúgla þegar maður á að muna
svona langt aftur.
Björn: Ég man þrennt frá fæð-
ingarári Elísabetar. HM í knatt-
spyrnu var haldið í Svíþjóð og Pelé
sló þar í gegn, 17 ára gamall, og
Boris Past ernak hlaut bókmennta-
verðlaun Nóbels. Michael Jackson
fæddist ...
Elísabet: Mundirðu þetta?
Björn: Já, þetta var mitt sérsvið
innan Gettu betur liðsins í mennta-
skóla – Nóbelsverðlaun og eitthvað
svona dót.
Elísabet: Geturðu þá sagt mér
hvort að ég fái Nóbelinn? Eins og
árið 2030 og eitthvað?
Björn: Ég get því miður ekki spáð
í framtíðina en get sagt ykkur að
þetta er mjög grunnur fróðleikur.
Maður lærði sigurvegara og ártöl
en ef þið farið að kryfja mig um
Pasternak veit ég ekki annað en
að hann skrifaði doktor Sívagó. Ég
veit ekkert um Ísland á þessum
tíma.
Elísabet: Steinn Steinarr dó árið
1958.
Björn: Hann hefur þá bara verið
fimmtugur eða hvað?
Elísabet: Rétt. Mér fannst það allt-
af svo dramatískt að hann skyldi
deyja á árinu sem ég fæddist, mig
langaði alltaf svo að hitta hann. En
þú getur þá kannski hjálpað mér
með mína spurningu, hvað gerð-
ist árið 1984? Voru ekki einhver
stjórnarskipti?
Björn: Voru það þá Ólafur Jóhann-
esson og Geir... hvers son er
hann...?
Elísabet: Hallgrímsson.
Björn: Já, var ekki ríkisstjórn
Ólafs skipt út fyrir ríkisstjórn
Geirs?
Elísabet: Eða var það ekki öfugt –
Geir út fyrir Ólaf?
Björn: (Við blaðamann) Seturðu
þetta nokkuð í viðtalið?
Hrina verðhækkana er fram undan
að sögn hagfræðings Alþýðusam-
bandsins. Ef þið mættuð gefa
hverju heimili í landinu fokdýra
munaðarhluti – hvað mynduð þið
setja í pakkann?
Björn: Íþróttaskó, hlaupagalla,
iPod, úr og Labrador-hund svo
allir fari út að hlaupa. Ég hef svo
mikla trú á að útivera og hreyfing
sé besta meðalið við allri vanlíðan.
Elísabet: Gæti ég fengið Siberian
husky? Mínar gjafir yrðu að fjar-
lægja lúpínurnar af Mýrdalssandi
og gamall Nokia-sími. Af hverju?
Þeir eru bara svo æðislegir. Ég
verð líka bara hrædd þegar ég sé
svona síma með snertiskjá eins og
Björn er með. Ég er búin að eiga
minn Nokia í 10 ár og Páll Óskar
líka. Ég myndi einnig vilja gefa
íslenskum fjölskyldum það að vera
ástfangnar, sjá fegurðina, verða
jafnvel reiðar og prófa að setja
mörk. Finna hina innri hreyfingu.
Í kjölfar gagnrýni hefur verið
ákveðið að hætta við námskeið
sem halda átti fyrir stúlkur á
aldrinum 8-15 ára. Á þeim átti að
fræða stúlkurnar um litafræði,
hárgreiðslu, hand- og fótsnyrtingu,
snyrtimennsku, göngu og líkams-
burð, dans og borðsiði. Hvernig
sæjuð þið fyrir ykkur svona skóla
og hvaða kona gæti kennt prins-
essufræði? Er til hinn íslenski
prins?
Elísabet: Ég var einu sinni kölluð
Prins Elísabet.
Björn: Var það vegna þess að þú
reyktir Prins?
Elísabet: Jú, þú ert útsmoginn.
En prinsessuskóli finnst mér bara
góðra gjalda verður af því að stelp-
ur og allir hafa gaman af því að
vera fínir. Þið sjáið til dæmis að
núna, fyrir þessa myndatöku, hélt
ég að það væri bara ég sem þyrfti
að fara á klósettið til að varalita
mig en Björn fór líka.
Björn: Ég fór samt ekki til að vara-
lita mig!
Elísabet: Nei, en svona aðeins til að
laga hárið sko. En í Prinsessu skóla
þyrfti líka að vera Línu langsokks
bekkur þar sem stelpum væri
kennt að brjóta reglur og klæða sig
eins og druslur og þá væri hægt að
blanda þeim lærdómi öllum saman.
Ástæðan fyrir því að Shakespeare
er svona vinsæll er að hann kunni
að blanda. Ein fullkomin lína virk-
ar bara ekki. Prinsessa sem kann
að vera óþekk hefur miklu meira
aðdráttarafl.
Björn: Þetta prinsessuskólamál
var allt frekar klaufalegt en ég
held að þessi kona hafi ekki meint
neitt illt með þessu, þetta var svo-
lítill stormur í vatnsglasi. En ég
er með manneskjuna til að kenna
prinsessu- og prinsahegðun. Það
er Páll Óskar í bæði hlutverk því
hann er náttúrulega bæði prins og
prinsessa Íslands og einhver heil-
steyptasti karakter sem ég hef
talað við. Bæði ótrúlega flottur í
útliti, heill, með hlutina á hreinu og
rétta forgangsröðun. Allir verða að
betri manneskju við að spjalla við
Pál Óskar.
Elísabet: Ég tek undir þetta og ég
myndi einnig ráða mömmu í starf-
ið. Hún myndi kenna þeim arab-
ísku og gera þær að arabískum
prinsessum. Prinsessur verða að
geta tínt kuðunga svo hún myndi
fara með þær niður í fjöru. Looloo
skott, vinkona mín, gæti líka kennt
þeim að búa til prinsa í fjörunni,
hlaðna úr grjóti.
Hinn 84 ára gamli Benedikt páfi
sextándi setti inn sína fyrstu
færslu á Twitter í vikunni. Þið
eruð bæði á Facebook, hver er
síðasti „status“ sem þið settuð
þar inn? Munið þið eftir einhverj-
um slíkum sem vakti sérlega mikil
viðbrögð?
Elísabet: Ég sem set alltaf svo
djúpa og merkilega statusa setti
inn í morgun: „Ég er vöknuð“.
Þetta er það auvirðilegasta sem
ég hef sett inn. Hins vegar setti ég
„Ekki fara í útlegð frá bestu hlið-
um sjálfs þíns“ í gærkvöldi.
Björn: Minn síðasti er „Hverjum er
ekki Osama þótt Obama sé til ama
á Bahama“ en hann er frá 4. maí.
Ég fékk ekki nógu mörg læk á hann
fyrir minn smekk.
Elísabet: Í fyrradag skrifaði ég
„Hvað er pirringur á ensku?“. Ég
lít á Facebook-stöður sem svona
veiði og hélt í því ljósi að ég fengi
ekkert á þetta en ég fékk einhverj-
ar 30-40 athugasemdir frá alls
konar frægu fólki, svo sem Helgu
Kress og Guðmundi Andra Thors-
syni. Þau höfðu öll skoðun á þessu.
Það er svolítið traust að setja eitt-
hvað eins og „Lífið er dásamlegt“ –
ég fæ fimmtíu læk á það. Svo fékk
ég mikið út á það að segjast eiga
kærasta.
Björn: Já, allt svona er örugg leið
til að fá læk. Einhver ástamál og að
pósta frétt um væntanlegt barn. Ég
hef ekki lent í því að þurfa að pósta
því ennþá, en ég mun örugglega fá
mikið á það. Elísabet er að greini-
lega að beita stærstu möðkunum í
þessari veiði. Svo situr hún pott-
þétt bara og bíður eftir að húrra-
hrópin yfir „Lífið sé dásamlegt“
hrannist inn. Ég neita að fara auð-
veldu leiðina!
Orðið er laust. Þið fáið nokkur orð
til að segja hvað sem er, við hvern
sem er, í meira en 100.000 eintök-
um.
Björn: Ég tileinka þetta pláss
tengdapabba mínum, Reyni Guð-
jónssyni, sem lést í síðustu viku.
Hann er einhver mesti meistari
sem ég hef kynnst og kunni öðrum
fremur að lifa lífinu og njóta þess.
Í minningu hans hef ég eftir orð
Nietzsche: „Lífið er hundrað sinn-
um of stutt til að láta sér leiðast.“
Hann lifði lífinu vel og skemmti-
lega og mér finnst að allir þurfi að
hafa þetta bak við eyrað.
Elísabet: Má ég ekki taka undir
þetta bara? Ég eignaðist þennan
kærasta og þá varð allt svo mikið
mál allt í einu. Hvort ég ætti að
vera kaldhæðin eða góð eða eitt-
hvað annað? Ég hringdi í vin
minn, Óttar Guðmundsson lækni,
og spurði hvernig ég ætti að fara
að þessu. Hann sagði: „Lífið er svo
stutt Elísabet, maður veit aldrei
hvenær það er búið, þannig að þú
skalt bara njóta.“
Að lokum. Hafið þið plankað?
Björn: Nei.
Elísabet: Hvað er plank?
Björn: Það er þegar fólk ligg-
ur staurbeint á maganum á sem
undarlegustu stöðum og lætur
taka mynd af sér við athæfið. Nú
er meira að segja verið að birta
myndir af mönnum eins og Guðna
Ágústssyni að gera þetta.
Elísabet: Eins og fólk sé í líkkistu?
Björn: Nei það liggur á hvolfi, á
maganum. (Björn tekur upp sím-
ann, gúglar með snertiskjánum og
finnur þar dæmi um plank. Hann
réttir Elísabetu símann og sýnir
henni mynd af Guðna Ágústssyni:
„Hér er Guðni Ágústson að planka
garðstól.“
Elísabet: Ég sá svona mynd af syni
mínum á Facebook í gær. Hann var
voða undarlegur. Má ég sjá þetta
(rýnir í skjáinn) – eins og arm-
beygjur?
Björn: Nei, ég er ekki alveg inni í
þessu. En ef fólk hefur gaman af
þessu er þetta frábært.
Elísabet: Ég ætla bara að planka á
þilfarinu hjá Samherja. Ég þarf að
selja þeim 5.000 eintök af bókinni
minni. Mig langar að kaupa mér bíl.
Björn: Ég sýni Elísabetu stuðning
og tek myndina af henni.
Í fyrradag skrifaði ég „Hvað
er pirringur á ensku?“. Ég lít á
Facebook-stöður sem svona veiði
og hélt í því ljósi að ég fengi
ekkert á þetta en ég fékk einhverjar 30-40
athugasemdir frá alls konar frægu fólki.
Á RÖKSTÓLUM
Hrædd við snertiskjásíma
Allir verða að betri manni við að spjalla við Pál Óskar. Þetta er mat Björns Braga Arnarssonar og Elísabetar Jökulsdóttur.
Júlía Margrét Alexandersdóttir hlustaði á þau skipuleggja plank á plani Samherja.
HVAÐ ER PLANK? Björn Bragi Arnarsson blaðamaður útskýrði plank fyrir Elísabetu Jökulsdóttur. „Nú er meira að segja verið að birta myndir af mönnum eins og Guðna
Ágústssyni að gera þetta,“ sagði Björn. FRÉTTABLAÐIÐ/VILHELM