Fréttablaðið - 02.07.2011, Blaðsíða 64
2. júlí 2011 LAUGARDAGUR36
sport@frettabladid.is
VALITOR-BIKAR KARLA verður í fullum gangi um helgina þegar átta liða úrslit keppninnar fara
fram. Fyrsti leikurinn er í dag þegar Þór tekur á móti Grindavík. Á morgun tekur BÍ/Bolungarvík síðan á
móti Þrótti, ÍBV sækir Fjölni heim og stórleikur umferðarinnar er síðan um kvöldið er KR tekur á móti
Keflavík. Sá leikur verður í beinni útsendingu á Stöð 2 Sport. Markaþáttur er síðan eftir leikinn.
Hlynur Bæringsson körfuboltamaður
Það er oft þægilegt að hafa ein-
hvern til að skella skuldinni á
þegar illa gengur. Réttlæta lélega
frammistöðu. Ég þekki það enda
oft gert það sjálfur, íþróttahúsið
lélegt, rútan óþægileg, hinir gaur-
arnir mun stærri, miklu ríkari
líka og eiga því að geta eitthvað,
ég stóð mig því fínt „per dollar“.
Ég spilaði við Yao Ming, hann át
okkur lifandi, en miðað við launin
hans þá vann ég eiginlega.
Algengast er þó að kenna bless-
uðum dómurunum um, því þeir
eru eins og við íþróttamennirn-
ir, sumir geta verið besti íþrótta-
maður vallarins á meðan aðrir
eru alveg úti á túni og hafa litla
tilfinningu fyrir leiknum.
Ég er ábyggilega ekki auðveld-
asti leikmaðurinn fyrir dómara.
Ég hef stundum viðrað skoðanir
mínar aðeins of mikið fyrir þeirra
smekk, enda hef ég alltaf rétt
fyrir mér – að eigin mati.
Ég vorkenni þeim ekkert sér-
staklega að hlusta á og stjórna
íþróttamönnum með adrenalínið
í botni. Það er hluti af starfinu,
svo lengi sem menn fara ekki yfir
strikið og eru ekki persónulegir.
Í úrvalsdeildunum fá dómarar
ágætlega borgað og þola því alveg
smá læti.
Hins vegar ættu íþróttamenn
að forðast það að gagnrýna dóm-
ara í fjölmiðlum af tveimur
ástæðum. Sú fyrri og augljósari
er að það er ekki hluti af þeirra
starfi að láta hrauna yfir sig þar.
Sú ástæða er dómarans vegna.
Hin er fyrir leikmanninn/þjálf-
arann, því aldrei líta menn jafn
illa og aumingjalega út í fjölmiðl-
um eins og þegar þeir væla yfir
dómaranum. Sérstaklega þeir sem
gera það oft.
Í fótboltanum hérna heima eru
tveir þjálfarar sem tapa aldrei
nema dómarinn hafi verið á móti
þeim, jafnvel þó að mati sérfræð-
inga séu liðin þeirra bara alls ekk-
ert góð í fótbolta. Það síðasta sem
mér dettur í hug þegar þeir væla
undan dómaranum er að dómar-
inn hafi í raun verið lélegur. Frek-
ar að liðið sé almennt lélegra en
hin liðin. Enda kemur yfirleitt í
ljós að dómarinn hafði rétt fyrir
sér, þó að sjálfsögðu með undan-
tekningum.
Oft eru dómarar lélegir og eiga
skilið að vera skammaðir, eins og
leikmennirnir. Best er þó fyrir
báða aðila að sleppa því í fjöl-
miðlum. Sérstaklega fyrir íþrótta-
mennina, því þá líta þeir út eins
og fífl.
Ekki væla yfir dómaranum í fjölmiðlum
FÓTBOLTI „Ég er ekki enn búinn að
sjá bréfið frá KSÍ. Ég mun fara
yfir málið og síðan mun ég skýra
mitt mál. Það er ekki flókið. Þessi
ummæli áttu ekki að meiða neinn,“
sagði Guðjón við Fréttablaðið í
gær. Það er framkvæmdastjóri
KSÍ, Þórir Hákonarson, sem skýt-
ur ummælum hans á borð aga-
nefndarinnar. Það er svo hennar
að úrskurða hvort refsa beri Guð-
jóni fyrir ummælin.
Framherji BÍ/Bolungarvík-
ur, Tomi Ameobi, sem er dökkur
á hörund, fékk gult spjald í leik
Þróttar og BÍ, að því er virtist
fyrir litlar sakir. Þetta er fjórða
gula spjaldið sem Ameobi fær
í sumar og hann er því í banni á
morgun er BÍ spilar aftur gegn
Þrótti, að þessu sinni í átta liða
úrslitum Valitor-bikarsins.
„Ég varpaði fram spurningu
eftir leikinn. Stöð 2 sýndi þetta
atvik og ég held að menn hafi séð
að það var ekki mikil inneign fyrir
þessu gula spjaldi,“ sagði Guðjón,
en honum finnst Ameobi ekki hafa
notið sanngirni hjá dómurum í
sumar.
„Þetta er ekki leikmaður sem
hendir sér í grasið. Hann reyn-
ir að standa af sér tæklingar og
gerir það oft. Hann er ekki að fá
neitt fyrir það. Þetta er heiðar-
legur maður á alla kanta. Hann
stendur í lappirnir og reynir ekki
að fiska. Það var samt byrjað að
sparka í hann í fyrsta leik og það
er ekkert lát á því. Hann er samt
kominn með fjögur gul spjöld en
ég veit ekki alveg hversu mörg
spjöld andstæðingurinn hefur
fengið fyrir að brjóta á honum.“
Þjálfarinn beinskeytti segir að
það sé ekki hans hlutverk að skipta
sér af hlutum sem hann fái ekki
breytt en engu að síður verði hann
að láta í sér heyra þegar við á.
„Mitt hlutverk er fyrst og
fremst að þjálfa liðið mitt. Mér
ber samt líka skylda til þess að
verja mennina mína. Ef ég tel að
mínir menn fái ósanngjarna með-
ferð þá verð ég að verja þá. Ég
held að það geti allir tekið undir
það að þessi ákveðni leikmaður
hafi fengið harkalega meðferð.“
Eins og áður segir getur Guðjón
ekki notað krafta Ameobi á morg-
un þegar BÍ/Bolungarvík spilar
stærsta leik í sögu félagsins. Þá
koma Þróttarar í heimsókn og í
verðlaun fyrir sigur í þeim leik
er undanúrslitasæti í bikarkeppn-
inni.
„Það er mjög slæmt að vera án
hans enda er hann lykilmaður. Það
er engu að síður mikil stemning
fyrir leiknum. Menn eru að vakna
til lífsins á svæðinu gagnvart því
að hér séu í gangi viðburðir sem
séu skemmtilegir og athyglisverð-
ir. Það er jákvætt. Það var frábær
stemning á leiknum gegn Blikum
og stuðningsmannasveitin Bláir
og marðir fór á kostum,“ sagði
Guðjón Þórðarson.
henry@frettabladid.is
Mér ber skylda til þess
að verja mína leikmenn
Ummæli Guðjóns Þórðarsonar, þjálfara BÍ/Bolungarvíkur, verða á borði aga- og
úrskurðarnefndar KSÍ eftir helgi. Guðjón velti því upp eftir leik síns liðs gegn
Þrótti hvort dómaranum líkaði ekki hörundslitur Tomi Ameobi hjá BÍ.
UNDRANDI Ameobi trúði ekki sínum
eigin augum þegar hann fékk gula
spjaldið í leiknum gegn Þrótti.
FRÉTTABLAÐIÐ/ANTON
UMMÆLIN ÁTTU EKKI AÐ MEIÐA NEINN Guðjón segist ekki hafa ætlað að meiða
neinn með ummælunum. Hann segir engu að síður að Ameobi fái ekki sanngjarna
meðferð hjá dómurum. FRÉTTABLAÐIÐ/ANTON
ÁN FÉLAGS Óvíst er hvar Eiður Smári
mun spila á næstu leiktíð. MYND/ANTON
FÓTBOLTI Arnór Guðjohnsen,
umboðsmaður og faðir Eiðs
Smára Guðjohnsen, sagði í sam-
tali við Fréttablaðið í gær að ekk-
ert nýtt væri að frétta af málum
sonar síns. Sögusagnir hafa verið
uppi þess efnis að hugur Eiðs
Smára leitaði til MLS-deildar-
innar í Bandaríkjunum en Arnór
segir þær sögusagnir ekki eiga
við rök að styðjast.
Eiður Smári er samningslaus
sem stendur en hann lauk síð-
asta tímabili sem lánsmaður hjá
Fulham í ensku úrvalsdeildinni.
Nýráðinn knattspyrnustjóri Ful-
ham, Martin Jol, hefur staðfest
að Eiði Smára verði ekki boðinn
samningur hjá félaginu. - ktd
Arnór blæs á sögusagnir:
Eiður Smári
ekki á leið til
Bandaríkjanna
Valitor-bikar kvenna
Fylkir - FH 3-2
0-1 Aníta Lísa Svansdóttir (1.), 1-1 Anna Björg
Björnsdóttir (40.), 1-2 Aníta Lísa Svansdóttir
(59.), 2-2 Ruth Þórðar Þórðardóttir (70.), 3-2
Laufey Björnsdóttir, víti (85.)
KR - Grindavík 1-0
1-0 Margrét Þórólfsdóttir (11.)
Stjarnan - Valur 0-1
0-1 Caitlin Miskel (58.)
Upplýsingar frá fótbolti.net
ÚRSLIT
TENNIS Spánverjinn Rafael Nadal
og Serbinn Novak Djokovic
mætast í úrslitaleik í einliða-
leik karla á Wimbledon-mótinu
í tennis á sunnudag. Nadal batt
enda á draum Breta um fyrsta
sigur heimamanns í 75 ár þegar
hann lagði Skotann Andy Murray
í fjórum settum 5-7, 6-2, 6-2 og
6-4 í gær.
Fyrr um daginn hafði Djokovic
sigur á Frakkanum Jo-Wilfried
Tsonga einnig í fjögurra setta
leik 7-6, 6-2, 6-7 og 6-3.
Djokovic og Nadal eru efstir
á heimslistanum og því reiknað
með hörkuleik. Nadal sigraði á
mótinu í fyrra og á titil að verja.
Leikurinn verður í beinni
útsendingu á norsku sjónvarps-
stöðinni NRK1 á sunnudag.
Úrslitaleikurinn í kvennaflokki
fer fram í dag. Þar mætir Rúss-
inn Maria Sharapova Petru Kvi-
tovu frá Tékklandi sem keppir
í úrslitum á stórmóti í fyrsta
skipti. - ktd
Úrslitaleikurinn á Wimbledon:
Djokovic og
Nadal mætast
KÖRFUBOLTI Íslenski landsliðs-
maðurinn í körfuknattleik, Pavel
Ermolinskij, hefur skrifað undir
eins árs samning við sænska
meistaraliðið Sundsvall Dragons.
Jakob Örn Sigurðarson og Hlynur
Bæringsson leika með liðinu.
„Ég var með nokkur tilboð og
fyrirspurnir frá öðrum liðum
en forráðamenn Sundsvall voru
mjög ákveðnir og vildu fá svör
strax. Mér leist mjög vel á þetta
allt saman og það skemmir ekki
fyrir að vera með þá Hlyn og
Jakob sem liðsfélaga. Þetta er
mjög sérstakt allt saman og ég
velti því fyrir mér hvort það
verði ekki opnaður Íslendingabar
í Sundsvall,“ sagði Pavel og hló.
Þjálfari sænsku meistaranna
er Peter Öqvist nýráðinn þjálfari
karlalandsliðsins í körfuknatt-
leik. - ktd
Íslenskum drekum fjölgar:
Pavel Ermolins-
kij til Sundsvall
Í ATVINNUMENNSKU Á NÝ Pavel hefur
áður spilað sem atvinnumaður í Frakk-
landi og á Spáni. MYND/VILLI
FÓTBOLTI Bikarmeistarar Vals
komust í undanúrslit Valitor-
bikars kvenna í knattspyrnu
í gærkvöldi með 1-0 útisigri á
Stjörnunni í Garðabæ. Það var
Bandaríkjamaðurinn Caitlin
Miskel sem skoraði eina mark
leiksins í síðari hálfleiknum.
Liðin mættust í úrslitaleik keppn-
innar í fyrra þar sem Valskonur
höfðu betur.
Í Árbænum var boðið upp á
markaveislu þar sem 1. deildar-
lið FH sótti Fylki heim. Liðsmenn
Helenu Ólafsdóttur komust tví-
vegis yfir í leiknum en þurftu að
lokum að játa sig sigraða.
Þá komst KR í undanúrslit með
naumum 1-0 sigri á Grindavík.
Dregið verður í undanúrslit
keppninnar á mánudag. - ktd
Valitor-bikar kvenna:
Valskonur í
undanúrslit
MARKASKORARI Caitlin Miskel hefur
skorað fimm mörk í sumar. MYND/HAG