Fréttablaðið - 02.07.2011, Blaðsíða 52

2. júlí 2011 LAUGARDAGUR24
1. Drangey
Fyrir miðjum Skagafirði er
Drangey, þverhnípt og grósku-
mikil eyja þar sem Grettir
sterki hafðist við undir sitt síð-
asta og var veginn. Fyrir utan
hrikalega náttúrufegurð er fjöl-
breytt fuglalíf í eynni. Eyjan er
stundum nefnd „vorbæra Skag-
firðinga“, en heimamenn sækja
þangað egg á vorin.
2. Grettislaug
Við Eyðibýlið Reyki yst á Reykja-
strönd, er Grettislaug, þar sem
Grettir hlýjaði sér eftir Drang-
eyjarsundið. Gott er að láta
ferðaþreytuna fjara úr sér í laug-
inni, en stutt frá er rekafjaran í
Sandvík og Glerhallavík.
3. Mælifellshnjúkur
Eitt helsta kennileiti Skagafjarð-
ar er Mælifellshnjúkur, sem
gnæfir yfir Skagafjörð í 1.138
metra hæð. Sagt er að í björtu
veðri sjáist á hnjúkinn úr tíu
sýslum en útsýnið af tindinum
er líka stórfenglegt. Gönguleið-
in er stikuð frá Mælifellsdal og
er uppgangan tiltölulega auðveld.
4. Sögusetur íslenska hestsins
Það stappar nærri goðgá að fara
til Skagafjarðar án þess að gefa
íslenska hestinum gaum. Sögu-
setur íslenska hestsins á Hólum
í Hjaltadal er heppilegur staður
til þess, þar sem saga íslenska
hestsins er sögð með aðstoð leik-
mynda, kvikmynda og annarra
muna.
5. Flúðasigling á Vestari-Jökulsá
Fyrir þá sem eiga börn sem eru
tólf ára eða eldri er margt vit-
lausara en að taka sér fjölskyldu-
ferð á hendur í Vestari-Jök-
ulsá í Skagafirðinum, í gegnum
töfrandi gljúfur og fallegt lands-
lag. Einnig er boðið upp á flúða-
siglingar á Hvítá á Suðurlandi og
öllu meira krefjandi ferðir á Aust-
ari-Jökulsá, og víðar.
6. Glaumbær – Byggðasafn
Skagfirðinga
Öll helstu hversdagsáhöld sem
Skagfirðingar notuðu fyrr á
öldum má sjá í Glaumbæ. Torf-
bærinn sjálfur er samstæða
þrettán húsa og við Glaumbæ eru
svo tvö 19. aldar timburhús.
7. Sturlungaslóðir
Ásbirningar réðu lögum og lofum
í Skagafirði og háðu þar marga
hildi við Sturlunga og fleiri valda-
ættir. Frægastir þeirra atburða
er sjálfsagt Örlygsstaðabardagi,
þar sem Gissur Þorvaldsson felldi
feðgana Sighvat Sturluson og
Sturlu son hans, og Flugumýra-
brenna, þar sem óvinir Gissur-
ar reyndu að brenna hann inni. Í
Upplýsingamiðstöðinni í Varma-
hlíð er sögukort og upplýsingar
um staði og þjónustu á Sturlunga-
slóðum. Skáldsögur Einars Kára-
sonar, Óvinafagnaður og Ofsi, eru
kjörin undirbúningslesning – nú
eða bara Sturlunga.
8. Víðimýrarkirkja
Víðimýrarkirkja er ein af örfáum
varðveittum torfkirkjum lands-
ins. Jón Samsonarson, smiður og
alþingismaður, reisti kirkjuna
1834 en hún var friðlýst tæpri
öld síðar. Víðimýrarkirkja er opin
gestum alla daga.
9. Ólafshús og Kaffi Krókur
Fyrir ferðalanga sem vilja gera
vel við sig í mat og drykk er
Ólafshús við Aðalgötu á Sauðár-
króki kjörinn áfangastaður. Á
matseðlinum er lögð áhersla á
gæðamat úr héraði. Í forrétt má
til dæmis fá sér grafið fjallalamb,
smjörsteikta Hólableikju í aðal-
rétt og skagfirskt skyr í eftir-
rétt. Pitsur og hamborgarar eru
einnig á boðstólum. Beint á móti
Ólafshúsi er Kaffi Krókur sem er
í eigu sömu aðila.
10. Sundlaugin á Hofsósi
Aðeins rúmu ári eftir að hún
var opnuð er sundlaugin á Hofs-
ósi orðin nær ómissandi áfanga-
staður þeirra sem eru á ferð um
Skagafjörð, enda er útsýnið út
fjörðinn óviðjafnanlegt.
8
7
6
5
4
10
9
3
2
1
Drangey
Sauðárkrókur
Blönduós
Varmahlíð
H
éraðsvötn
Bylgjulestin sem fagnar 25 ára
afmæli Bylgjunnar með ferð um
Ísland í sumar, verður á Sauðárkróki
og verður þátturinn Ævintýraeyjan
með Hemma Gunn og Svansý
sendur þaðan út.
við Laugalæk
Útsalan
hefst mánudaginn 4.júlí
1
Skín við sólu Skagafjörður
Skagafjörður er eitt dýrmætasta djásn landsins, höfuðvígi hestamanna og forkunnarfagur og stútfullur af sögu og menningu. Á
ferð sinni um Skagafjörð fór Fréttablaðið í flúðasiglingu, gekk um söguslóðir Sturlunga og gæddi sér á góðmeti út héraði.
■ HÁTÍÐIR OG VIÐBURÐIR FRAM UNDAN:
Landsmót hestamanna
Landsmót hestamanna, ein vinsælasta
hátíð landsins, stendur nú yfir á Vind-
heimamelum í Skagafirði og lýkur á
sunnudag.
Hólahátíð
Hin árlega Hólahátíð verður haldin
12. til 14. ágúst næstkomandi. Auk
helgihalds, pílagrímagangna og menn-
ingarviðburða verður sérstök fjölskyldu-
dagskrá á laugardeginum.
Sveitasæla
Skagfirskir bændur og Reiðhöllin
Svaðastaðir við Sauðárkrók blása til
landbúnaðarsýningar og bændahátíðar
í Skagafirði 20. ágúst. Þar verður meðal
annars sveitamarkaður, vélasýning,
gæðingakeppni og grillveisla þar sem
skemmtikraftar úr röðum heimamanna
láta ljós sitt skína.
Laufskálarétt
Tveggja daga stóðréttarhátíð
Laufskálarétt í Hjaltadal er vinsælasta
stóðrétt landsins en þangað mæta
árlega allt að þrjú þúsund gestir. Lauf-
skálarétt fer fram síðustu helgina í
september.