Fréttablaðið - 28.07.2011, Blaðsíða 16

16 28. júlí 2011 FIMMTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Trúmál
Nína Björg
Vilhelmsdóttir
djákni
Í kirkjunni starfar stór og ólíkur hópur einstaklinga. Þar eru bæði leikmenn og
lærðir. Organistar, sjálfboðaliðar, djákn-
ar, kirkjuverðir, prestar og ræstingafólk
svo eitthvað sé nefnt. Verkefnin eru æði
mörg og misjöfn. Sum hafa verið unnin
í kirkjunni í langan tíma en önnur eru
nýrri, líkt og staða djáknans.
Flestir djáknar á Íslandi starfa ýmist
á stofnun eða í kirkjum landsins. Starf
þeirra er kærleiksþjónusta, diakonia.
Kærleiksþjónustan er eitt af kjarnaat-
riðum kristindómsins og byggir á helgi-
haldi kirkjunnar, helgihaldi sem mótast
af orðum og verkum kærleiksþjónust-
unnar. Með réttu má því segja að kær-
leiksþjónustan sé framlengdur armur
lofgjörðarinnar inn í hversdaginn. Kær-
leiksþjónustunni er oft skipt upp í tvennt
til einföldunar, þ.e. líknarþjónusta og
fræðsluþjónusta. Allt starf djáknans
miðar að því að vera með einstaklingnum
í hinu hversdaglega, því sem mætir við-
komandi á hverjum degi, gleði og sorg.
Margir djáknar starfa með börnum í
kirkjunni. Það er mikil blessun að fá að
fylgjast með þeim vexti sem víða hefur
orðið í barnastarfi kirkjunnar og einnig
í trúarþroska barnanna sem mörg hver
hafa sótt starf í kirkjunni í yfir 10 ár.
Biskup Íslands hefur lagt ríka áherslu á
að hlúa vel að ungviði landsins og hann
hefur jafnframt hvatt sóknarnefndir
kirknanna að forðast það í lengstu lög að
skera niður í barna- og æskulýðsstarfi.
Vegna orða biskups sem og þeirrar
staðreyndar að starf djákna er mikil-
vægt í okkar ágæta samfélagi hryggir
það mig að heyra af uppsögnum djákna
og því að verið sé að leggja niður stöður
djákna. Kærleiksþjónustan er einn af
lykilþáttum kirkjunnar eins og kemur
fram í yfirskrift Þjóðkirkjunnar; biðj-
andi, boðandi, þjónandi. Hlutverkin
innan kirkjunnar eru ólík og æði mis-
jöfn. Djáknar eru kallaðir til að sinna
ákveðnum verkefnum, organistar öðrum
og prestar enn öðrum. Það mikilvæga
er að allir þekki sitt starfssvið og vinni
saman að því sem skiptir mestu máli, að
boða, biðja og þjóna.
Kærleiksþjónustan er mikilvæg í
dag og djáknar eru kallaðir til að sinna
henni. Ég tel að með því að leggja niður
embætti djákna sem og með uppsögnum
þeirra sé kirkjan að stíga óheillaskref,
ekki síst fyrir þá sem nýta sér þjónustu
djákna.
Djáknar!
Neytendavernd
Ef marka má viðteknar hagfræði-
kenningar getur hið opinbera í
ákveðnum tilfellum aukið hag-
kvæmni markaðarins með lögum
eða reglugerðum sem stuðla eiga
að verndun neytenda. Dæmi um
slíkt eru samkeppniseftirlit, lyfja-
eftirlit og matvælaeftirlit. Það gildir
þó um þetta eins og margt annað að
auðvelt er að ganga
of langt en
fregnir bárust
af tveimur
slíkum
dæmum í
vikunni.
Stungið á kýlum
Í öðru tilfellinu lýsti Heilbrigðiseftir-
litið því yfir að kökubasarar þar sem
þátttakendur baka kökurnar sjálfir
væru ólöglegir og þeim bæri að loka
strax. Kvenfélögum um land allt til
mikillar armæðu. Í hinu tilfellinu
bannaði Neytendastofa Hagkaupum
að auglýsa tax-free daga án þess að
tilgreina sérstaklega afslátt í pró-
sentum. Tilefni úrskurðarins voru
reglulegar kvartanir til stofunnar
frá einstaklingum sem kunna
ekki prósentureikning. Neyt-
endavernd er góðra gjalda
verð en er þetta ekki
fulllangt seilst?
Ekki leita langt yfir skammt
Stundum er óþarfi að leita langt yfir
skammt eins og Kristján Þór Júlíusson,
þingmaður Sjálfstæðisflokksins,
sýndi og sannaði í fyrradag. Kristján
gagnrýndi ríkisstjórnina fyrir að hafa
mistekist að laga stöðu ríkissjóðs en
fyrr um daginn bárust fregnir af því að
ríkisstjórnin hefði ekki getað komið
sér saman um fjármögnun
framkvæmda við nýtt fangelsi
sem á að reisa. Kristján sagði
því: „Þessi átök um fangelsið
sýna vel í hvaða fangelsi ríkis-
stjórnin er búin að koma sjálfri
sér.“ Vel að orði komist.
magnusl@frettabladid.isA
f þeim hörmungarfréttum sem hafa dunið yfir undan-
farna daga hafa hryðjuverkin í Noregi verið mest
áberandi. Það er eðlilegt vegna skyldleika og nálægðar
við Noreg að finna sérstaklega til með þeim, en margir
hafa réttilega bent á að víða annars staðar um heiminn
gerast skelfilegir atburðir á hverjum degi.
Haft var orð á því í fréttum að þegar nöfn og myndir fóru
að birtast af þeim sem létu lífið fyrir hendi hryðjuverkamanns-
ins í Noregi hafi nýtt áfall dunið yfir Norðmenn. Þá hafi ekki
lengur verið um að ræða tölur á blaði heldur hafi missirinn orðið
sýnilegri. Þetta er skiljanlegt en um leið slæmt. Það getur verið
mun auðveldara að útiloka fjöldadauðsföll í öðrum heimshlutum
af því að það er ekki möguleiki að persónugera þau eins mikið.
Við sjáum vissulega hræðilegar
myndir af vannærðum börnum,
og þær eru sláandi, en sjaldnast
fylgja myndunum nöfn eða upp-
lýsingar um afdrif barnanna.
Ástandið í Austur-Afríku
er grafalvarlegt og nú er svo
komið að rúmlega ellefu millj-
ónir manna eru þar hjálpar
þurfi. 700 þúsund börn þar af eru lífshættulega vannærð í Sómal-
íu, Eþíópíu, Keníu og Djíbúti. Óstöðugleikinn í Sómalíu hefur gert
það að verkum að hjálparsamtök og stofnanir eiga erfitt með að
sinna störfum sínum. Rauði krossinn og hálfmáninn hafa þó feng-
ið að dreifa matvælum óáreitt í landinu og nú hefur Matvælahjálp
Sameinuðu þjóðanna hafið dreifingu á matvælum til bágstaddra.
Þá hefur UNICEF, Barnahjálp SÞ, hafið bólusetningarátak til að
reyna að koma í veg fyrir smitsjúkdóma sem geta lagst mjög
þungt á veik börnin.
Þrátt fyrir að frændur okkar Norðmenn hafi verið ofarlega
í huga undanfarið hafa Íslendingar sem betur fer ekki gleymt
minni bræðrum og systrum í fjarlægari löndum. Greint var frá
því í Fréttablaðinu í gær að tugir milljóna króna hefðu safnast
vegna neyðarástandsins sem nú er yfirvofandi. Fjórar íslenskar
stofnanir og samtök standa fyrir söfnun fyrir bágstadda á svæð-
inu og hafa Íslendingar tekið þeim vel, sérstaklega undanfarna
daga. Eins og greint er frá í blaðinu í dag hafa hátt í sjö þúsund
Íslendingar stutt UNICEF um 18,5 milljónir króna. Rúmar níu
milljónir hafa safnast hjá Rauða krossinum auk þess sem 4,3
milljónir verða lagðar til úr neyðarsjóði stofnunarinnar. Barna-
heill og Hjálparstarf kirkjunnar standa einnig fyrir söfnunum.
Svæðisstjóri UNICEF í þessum hluta Afríku undirstrikaði í gær
að hvert einasta framlag skipti miklu máli og taka má undir það.
Auðvitað er frábært að Íslendingar geti sýnt samhug í verki
þegar mikið ríður á. Það er þó ekki síður mikilvægt að þeir sem
það geta leggi ekki aðeins sitt af mörkum þegar ástandið er hvað
allra verst, heldur alltaf. Neyðin í Afríku og víðar í heiminum
er ekki ný af nálinni og hún hverfur ekki þó að við sjáum hana
ekki lengur.
Fátæku ríkin mega ekki gleymast.
Neyðin í Afríku er
ekki ný af nálinni
SKOÐUN
Þórunn Elísabet
Bogadóttir
thorunn@frettabladid.is