Fréttablaðið - 28.07.2011, Blaðsíða 62

28. júlí 2011 FIMMTUDAGUR50
BESTI BITINN Í BÆNUM
„Þessa dagana er það klárlega
piri piri naanwich á Saffran.“
Sæþór Kristjánsson, úr upptökuteyminu
StopWaitGo.
„Þegar þetta gerðist bjóst maður ekkert við
því að fólk væri í einhverri partístemningu,“
segir Sindri Már Sigfússon, forsprakki Sing
Fang.
Hljómsveitin átti að spila á tónlistarhátíð-
inni Storåsfestivalen í Noregi næsta laugar-
dag en hátíðinni var aflýst vegna voðaverk-
anna þar í landi. Að sögn Sindra Más var
mikil tilhlökkun hjá meðlimum Sin Fang
að spila á hátíðinni áður en atburðirnir áttu
sér stað. Á meðal annarra banda sem áttu
að spila var The Go! Team frá Englandi. Sin
Fang hefur þó ekki gefið Noreg upp á bátinn
því sveitin spilar þar í september. Tónleik-
arnir verða hluti af stórri tónleikaferð um
Evrópu sem hefst í lok ágúst.
Í stað þess að spila á Storåsfestivalen
spilar Sin Fang á Innipúkanum um verslun-
armannahelgina. Þar hefur Sindri Már oft
spilað áður, meðal annars á fyrstu hátíðinni
fyrir níu árum með hljómsveitinni Lovers
Without Lovers. „Við fengum þann dóm eftir
þá tónleika að við hlytum að vera skyldir
einhverjum sem skipulagði hátíðina. Þetta
herti mann bara,“ segir Sindri hress.
Hann hefur í sumar verið að taka upp
nýja Sin Fang-plötu sem kemur út á næsta
ári. Í fyrsta sinn var upptökustjóri honum
til aðstoðar og kom það í hlut Alex Somers,
kærasta Jónsa í Sigur Rós. „Hann er mjög
klár. Það er gaman að þurfa ekki að taka
upp og spila líka. Þetta er búið að vera mjög
skemmtilegt.“
- fb
Noregstónleikum Sin Fang aflýst
EKKI TIL NOREGS Sindri Már og félagar í Sin Fang spila
ekki á norskri tónlistarhátíð vegna voðaverkanna þar í
landi. FRÉTTABLAÐIÐ/STEFÁN
„Hin einfalda staðreynd er sú að
það eru mjög sterkir titlar að koma
út í sumar, sem seljast vel og lyfta
tölunum,“ segir Eiður Arnarsson,
stjórnarmaður í Félagi hljómplötu-
framleiðenda (FHF).
Sala á tónlist jókst um tæp 12
prósent fyrstu sex mánuði ársins,
miðað við sama tímabil í fyrra,
samkvæmt Tónlistanum. Hann er
unninn af FHF og sýnir um það bil
70 prósent af allri smásölu tónlist-
ar á geisladiskum á Íslandi. Eiður
segir söluna á tónlist hér á landi
koma helstu bölsýnismönnunum á
óvart.
Hverjir eru þessir bölsýnis-
menn?
„Eru það ekki bara realistarnir,
þannig séð? Eða menn sem telja
sig vera realista,“ segir Eiður.
„Ég tek svona til orða vegna þess
að það er búið að tala söluna niður
árum saman. Það er alltaf verið
að tala um endalausu minnkun á
plötusölu og auðvitað er það rétt að
einhverju leyti. Ég held að meira
að segja að innan bransans sé að
finna fólk sem heldur að ástandið
sé verra en það er.“
Salan eykst að miklu leyti fyrir
tilstilli söluhárra platna frá Gus
Gus, Bubba Morthens og Helga
Björns. „Þetta er í rauninni ekk-
ert dýpri sannleikur en það, held
ég. Samt mjög ánægjulegt,“ segir
Eiður. - afb
Sala á tónlist sækir í
sig veðrið þetta árið
VINSÆLDIR Hljómsveitin Gus Gus er á meðal þeirra sem valda því að sala á tónlist
eykst fyrstu mánuði ársins.
„Þetta er algjör unaður,“ segir
Davíð Kristinsson um endurkomu
sína á bak við barborðið á Glaum-
bar.
Eins og Fréttablaðið greindi frá
fyrir stuttu hefur Guðfinnur Karls-
son keypt gamla Glaumbar við
Tryggvagötu. Davíð verður rekstr-
arstjóri staðarins en hann vann þar
í mörg ár á sínum tíma.
„Ég stóð þarna vaktina í ein fimm
ár þegar gamli Glaumbar var upp á
sitt besta. Það má því segja að um
endurkomu mína sé að ræða,“ segir
Davíð. Smiðir hamast nú við að ná
aftur upprunalegu útliti staðarins
og stefnt er að opnun í ágúst.
„Við ætlum okkur að endurvekja
gömlu góðu Glaumbarsstemn-
inguna sem var alveg yndisleg.
Þetta verður aftur íþróttabar með
almennri afþreyingu um helgar,“
segir Davíð en hann hefur marga
fjöruna sopið í skemmtistaðageir-
anum.
„Eftir að ég hætti hjá Glaumbar á
sínum tíma flutti ég til Danmerkur.
Þar átti ég og rak sex skemmtistaði,
eða klúbba, eins og Danirnir kalla
það. Það var ágætis tímabil,“ segir
Davíð og bætir við að hann sé glað-
ur að vera kominn aftur á Glaum-
bar. „Það er besti barinn og besta
vinnuaðstaða sem ég hef kynnst.“
Davíð leggur áherslu á þeir ætli
sér að gera þetta almennilega og
vanda til verka í allri vinnu í sam-
bandi við staðinn. „Maður þarf að
muna að þetta er ekkert áhuga-
mál. Það er 120% vinna að reka
skemmtistað. Gamli Glaumbar var
við lýði í 25 ár og ég er viss um að
nýi Glaumbar verður til næstu 25
árin.“ - áp
Snýr aftur á Glaumbar
BAK VIÐ BARINN Davíð Kristinsson segir
að endurkoman á Glaumbar sé algjör
unaður. FRÉTTABLAÐIÐ/
„Það stefndi í þetta,“, segir skop-
myndateiknarinn Hugleikur
Dagsson, sem fyrir tveimur árum
teiknaði mynd eftir texta lags-
ins Rehab, sem söngkonan Amy
Winehouse gerði frægt, en hún
lést á laugardag.
„Það vill til að ég geri eitthvað
sem verður síðan að veruleika,“
segir Hugleikur, sem telur sig
vinnusaman og að það sé ástæða
þess að hann hitti stundum á hluti
sem rætast.
Ertu þá ekki skyggn?
„Ég er ekki skyggn frekar en
Sigríður Klingenberg,“ segir
hann. Á myndinni má sjá opna
gröf og í íslenskri þýðingu stend-
ur: „Þeir reyndu að fá mig í með-
ferð en ég sagði nei, nei, nei.“
Amy Winehouse barðist sem
kunnugt er við eiturlyfjafíkn síð-
ustu ár og skipti engu hversu oft
hún leitaði hjálpar meðferðar-
stofnana, alltaf snéri hún aftur
til fyrra lífernis sem endaði svo
á hræðilegan hátt á laugardag.
Þetta er ekki í eina skiptið
sem Hugleikur reynist sann-
spár. Í bókinni „Garðarshólmi“
eftir Hugleik má finna teikn-
ingu af rauðu skýi sem dreifð-
ist yfir Evrópu, en skýið átti að
tákna göldrótt Eurovision-lag frá
Íslandi. Hugleikur segir að um
leið og Eyjafjallajökull hóf að
gjósa, hafi fólk hins vegar bent
á að skýið ætti margt líkt með
öskuskýi eldgossins. „Einhvern
tímann skrifaði ég líka leikrit þar
sem ein persónan þótti sláandi lík
Guðmundi í Byrginu. Við fögnuð-
um eiginlega hálfpartinn þegar
þessi perri kom upp á yfirborð-
ið, því þá varð leikritið allt í einu
meira viðeigandi,“ segir Hugleik-
ur og bætir við að hann hafi einn-
ig spáð fyrir ísbjarnardrápunum.
Þrátt fyrir þetta segist Hugleikur
þó trúa á tilviljanir.
En hefur Hugleikur í hyggju á
að setja þessar „tilviljanir“ sínar
saman í spádómsrit? „Það getur
vel verið að ég geri það einhvern
tímann þegar mér leiðist,“ segir
Hugleikur.
kristjana@frettabladid.is
HUGLEIKUR DAGSSON: EKKI SKYGGN FREKAR EN SIGRÍÐUR KLINGENBERG
Teiknaði útför Amy Wine-
house fyrir tveimur árum
TRÚIR Á TILVILJANIR
Hugleikur Dagsson virðist hafa spá-
dómsgáfu hvað varðar skopmyndir sínar,
en hann teiknaði þessa mynd af útför
Amy Winehouse fyrir tveimur árum.
Hann segist þó ekki vera skyggn heldur
trúi hann á tilviljanir.
FRÉTTIR VIÐSKIPTI ÍÞRÓTTIR LÍFIÐ UMRÆÐAN
ÞAÐ ERU ENGIN HÖFT
Í VIÐSKIPTUM Á VÍSI
Meiri Vísir.
Meira sjónvarp, meira
útvarp, meiri fréttir,
meiri upplýsingar,
meiri umræða,
meira líf, meiri íþróttir,
meiri virkni, meira
úrval. Þú færð meira
af öllu á Vísi.
Rakarastofan
Klapparstíg
S: 551 3010