Faxi - 01.12.1957, Blaðsíða 33
F A X I
141
Árshátíð Iðnaðarmanna
Árshátíð Iðnaðarmannafélags Kefla-
víkur var haldin í samkomuhúsi Njarð-
víkur 23. nóvember og sóttu hófið um
200 manns. Við þetta tækifæri flutti
formaður félagsins, Þorbergur Frið-
riksson, meðfylgjandi ræðu.
Háttvirta samkoma, góðir gestir og fé-
lagar!
Eg býð ykkur öll hjartanlega velkomin
hingað í kvöld.
Iðnaðarmannafél. Keflavíkur var stofnað
4. nóv. 1934 og eru því liðin 23 ár frá
stofnun þess nú í haust. Það má sjá við
lestur fyrstu fundargerða, að áhuginn fyrir
stofnun félagsins var mikill og fundir tíðir
fyrstu árin. Þar einkennast umræðurnar
af áhuga brautryðjendanna og það er
margt, sem þarf að gera. Það eru haldnir
11 fundir fyrsta árið. Menntun iðnaðar-
manna hefur alltaf verið eitt af aðal áhuga-
málum félagsins og því var strax á fyrstu
fundum þess farið að tala um stofnun
iðnskóla og kosin nefnd til að koma því
máli í framkvæmd. 1 þeirri nefnd áttu
sæti: Valdimar Björnsson, Þorsteinn Arna-
son og Guðni Magnússon. Kennsla í skól-
anum hófst svo í fyrsta sinn árið 1935.
Arið 1955 tók svo ríki og bær við rekstri
skólans, samkvæmt nvjum lögum um Iðn-
skóla, en þar sem saga þessa skólastarfs
á vegum félagsins hefur aldrei verið rakin
hér á þessum vettvangi mun ég í fáum
orðum skýra frá þessu starfi, þó seint sé,
en árshátíðir hafa fallið niður undanfarið
af ýmsum ástæðum.
Iðnskóli Keflavíkur tók til starfa árið
1935, eins og ég gat um, en starfaði þá
Þorbergur Friðriksson, form. Iðnaðarmanna-
félags Keflavíkur.
ekki nema tvö ár, og lá síðan niðri til
ársins 1943. Kennarar við skólann þessi
tvö Ivrstu ár voru þeir Ragnar Guðleifs-
son og Skúli H. Skúlason. Þessi tvö fyrstu
ár var kenndur fyrsti og annar bekkur og
var ætlunin, að halda áfram með 3.-—4.
bekk, en engir nýir nemendur bættust
við, svo að þeir, sem byrjuðu þarna luku
námi í Reykjavík. Síðan liggur þetta
skólastarf niðri til ársins 1943, en þá tók
Hermann Eiríksson við stjórn skólans og
hefur starfað óslitið við hann síðan. Frá
byrjun hafa útskrifast frá skólanum 91
nemandi, sem skiptast þannig eftir iðn-
greinum:
1 bakari, 14 skipasmiðir, 8 rennismiðir,
15 vélvirkjar, 4 málarar, 16 húsasmiðir, 3
múrarar, 18 rafvirkjar, 4 húsgagnasmiðir,
3 rakarar, 1 hárgreiðsludama, 3 pípulagn-
ingamenn, 1 án iðnar, eða samtals 91.
19 menn hafa kennt við skólann frá
byrjun, flestir héðan úr Keflavík og
Njarðvík. Þeir eru: Ragnar Guðleifsson,
Skúli Skúlason, Hermann Eiríksson,
Egill Þorfinnsson, Kristinn Pétursson,
Eyjólfur Þórarinsson, Gunnar Þorsteins-
son, Skafti Friðfinnsson, Sveinbjörn Gísla-
son, Bjarni Jónsson, Jóhann R. Ben.,
Arnbjörn Olafsson, Guðjón Hjörleifsson
Bjarni Halldórsson, Jón Valdimarsson,
Jón Sætran, Ingvi B. Jakobsson, Sigurður
Kristjánsson og Kristján Sigurðsson.
I félaginu hefur alltaf starfað skóla-
nefnd, sem sá um rekstur skólans fram
að þeim tíma sem ríki og bær tóku við.
I skólanefnd hafa setið auk þeirra sem ég
taldi áðan: Bjarni Einarsson, skipasm.,
Jóhann Pétursson klæðskeri, Aðalsteinn
Gíslason rafvirki, Ölafur Hannesson
rennismiður. Guðni Magnússon hefur
setið lengst af í nefndinni og unnið ásamt
þessurn mönnum mikið í þágu skólans.
Eftir því sem skólastjórinn tjáði mér,
þá hefur ástundun t skólanum verið góð,
og við gerðum það til gamans að taka
upp nöfn þeirra nemenda sem fengið hafa
yfir 9 í aðaleinkunn á burtfararprófi og
voru þeir 10 talsins. Þeir eru:
Héðinn Skarphéðinsson húsasm. 9,37
Jón Valdimarsson vélvirki . . 9,36
Sveinn Sæmundsson húsasm. 9,27
Adolf B. Þorkelsson rafvirki 9,24
Pétur Jóhannsson rennism. 9,24
Viðar Þórðarson rafvirki 9,20
Hilmar Þórarinsson rafvirki 9,13
Þórhallur Guðjónsson skipasm. 9,11
Halldór Höskuldsson skipasm. 9,07
Sigurður Einarsson rafvirki 9,05
við lestur
^ ° góðra bóka
¥
BÓKABÚÐ KEFLAVÍKUR