Árdís - 01.01.1949, Qupperneq 30

28
ÁRDÍ S
Blikmyndir úr sögu Mikleyjar
Efiir Ingibjörgu Jónsson
Flutt í Mikleyjarkirkju 13. júní 1949
Margar konur, sem sitja þetta tuttugasta og fjórða ársþing
Bandalags lúterskra kvenna, hafa ekki áður komið til Mikleyjar.
Við hugsuðum sem svo að þær myndu hafa meiri ánægju af ferð
sinni ef þær kyntust að litlu leyti sögu eyjarinnar, og völdum
því það efni. Erindið verður óhjákvæmilega nokkuð persónulegt
og bið ég velvirðingar á því. Ég takmarka efnið að mestu leyti
við það, sem ég þekti bezt til og svo við hinn kirkjulega þátt sög-
unnar vegna þess að við erum hingað komnar, í vissum skilningi,
í kirkjulegum erindum. —
Þessi eyja hafði fengið nafnið , Big Island, áður en íslendingar
námu hana, því hún er önnur stærsta eyjan í Winnipegvatni — 18
mílur á lengd og 6 mílur þar sem hún er breiðust. — íslendingar,
er þeir komu hingað, þýddu strax nafnið, og varð það mun til-
komumeira og fegurra á þeirra tungu; þeir nefndu eyjuna Mikley
og sjálfa sig Mikleyinga.
Litlar sögur fara af Mikley áður en íslendingar komu. Telja
má þó víst að hún hafi í aldaraðir, verið áningarstaður frum-
byggja landsins, índíánanna, á ferðum þeirra um þetta mikla vatn.
Eyjan var vaxin þéttum skógi að austanverðu og þar hefir verið
gott til dýraveiða, en að vestan eru grassléttur og er ekki ólíklegt
að þar hafi vísundar haldið sig. Steinn hefir fundist hér, sem
líkur er þeim, er Indíánar notuðu til að rota þessar skepnur.
Eftir að Hudson Bay félagið stofnaði loðskinna verzlun sína
á 17 öld, sóttu Indíánar til York Factory víðsvegar af sléttunum
með vörur sínar. Þeir mæltu sér oftast mót á Winnipegvatni. Þeir,
sem komu ofan Assiniboine og Rauðána, munu oft hafa lent
barkarkænum sínum við þessa strönd, slegið upp tjöldum sínum,
kynt elda, haldið veizlur og dansað, eins og þeirra var venja, því
þeir voru glaðsinna menn og frjálslegir, og gerðu sér litlar á-
hyggjur út af morgundeginum.
Ekki eru menn sammála um það hverjir hafi fyrstir hvítra
manna komið á þessar slóðir. Þykir sumum líklegt að íslendingar
hafi komist á skipum sínum frá Hudsonflóanum til Winnipeg-