Morgunblaðið - 30.03.2009, Blaðsíða 6

6 FréttirINNLENT
MORGUNBLAÐIÐ MÁNUDAGUR 30. MARS 2009
nýjar vörur komnar í hús
Dugguvogi 2 / s: 557 9510 / www.patti.is
Patti húsgögn
Opnunartími : Mánudaga - Föstudaga frá 9 til 18 og Laugardaga frá 11 til 16
FRÉTTASKÝRING
Eftir Halldóru Þórsdóttur
halldorath@mbl.is
SAMSTAÐA um aðild að Evrópu-
sambandinu en jafnframt áfram-
haldandi félagshyggjustjórn voru
meginþemu landsfundar Samfylk-
ingarinnar sem fór fram nú um
helgina. Um 1.700 flokksmenn sátu
fundinn og er hann sá fjölmennasti
til þessa.
Samfylkingarfólk fór með hvetj-
andi veganesti inn á landsfundinn,
sitjandi í ríkisstjórn og með jákvæð-
ar niðurstöður úr skoðanakönn-
unum. Sú skoðun hefur ennfremur
fengið byr undir báða vængi að nú
sé runninn upp tími jafnaðarstefnu
og þar með flokks jafnaðarmanna.
Þetta kom meðal annars fram í máli
Dags B. Eggertssonar, sem var
kjörinn varaformaður Samfylking-
arinnar á laugardaginn, en hann
sagði flokkinn standa á tímamótum.
Samstaða flokksmanna bæði for-
ystu og annarra flokksmanna um
Evrópusambandið kom ítrekað
fram. Segja má að það hafi verið
samtvinnað flestöllum málaflokk-
um og sagði Jóhanna Sigurð-
ardóttir formaður Evrópumálin
vera mest áberandi af málefnum
flokksins.
Í stjórnmálaályktun Samfylking-
arinnar segir að með því að hefja
sem fyrst aðildarviðræður við Evr-
ópusambandið verði leitast við að
skapa þjóðarsátt um ábyrga efna-
hagsstjórn. Lagt er til að samráðs-
hópar hagsmunaaðila komi að við-
ræðum við ESB, þar á meðal
fulltrúar atvinnuvega og launafólks,
samtaka sveitarfélaga og umhverf-
is- og jafnréttissamtaka. Þar sem
sérhver samningur við ESB er ein-
stakur, benti Jóhanna á að tvöföld
atkvæðagreiðsla hefði lítinn tilgang
þegar þjóðin vissi ekki hvað í boði
væri með aðildinni.
Auk almennra hagsbóta er Evr-
ópusambandsaðild ætlað að leið-
rétta þann lýðræðishalla sem EES-
samningurinn felur í sér.
Segja má því að þótt stefnan sé
tekin á félagshyggjustjórn muni
samfylkingarfólk tæplega láta af
kröfum um ESB.
Í þágu þeirra sem þurfa
Samfylkingin leggur áherslu á að
aðeins þeir sem þurfi eigi að njóta
fyrirgreiðslu, það skuli vera leið-
arljós í að stýra heimilunum úr
skuldavandanum. Almennt gagn-
rýndu fundarmenn hina svokölluðu
20% hugmynd um niðurfellingu
skulda.
Hins vegar ályktaði landsfundur
svo að leitað skyldi leiða til að skipta
byrðinni af verðtryggingunni milli
lántakenda og lánveitenda í ljósi ný-
legs verðbólguskots. Kom fram að
„snúa yrði við þeirri öfugþróun“
sem hér hefði orðið í jafnvægi skatt-
byrða milli hátekjufólks og lág- og
millitekjufólks. Hugmyndir voru
uppi um þrepaskiptan tekjuskatt en
ekki hefur þó verið tekin afstaða til
einstakra mála af því tagi.
Morgunblaðið/Ómar
Landsfundur Ekki þótti öllum fullsvarað hvernig ætti að bregðast við efnahagsvandanum. Evrópusambandið væri þó fyrsta skrefið í rétta átt.
Evrópa á öllum sviðum
 Nýr varaformaður segir flokk jafnaðarmanna standa á tímamótum
 Tvöföld atkvæðagreiðsla hefur lítinn tilgang án þess að vitað sé hvað býðst
DAGUR B. Eggertsson borgarfulltrúi var kjörinn nýr varaformaður
Samfylkingarinnar á laugardag. Hann sigraði þar Árna Pál Árnason,
leiðtoga á lista í Suðvesturkjördæmi. Viðmælendur Morgunblaðsins á
landsfundinum höfðu talið báða koma afar sterklega til greina og mikil
spenna ríkti þegar úrslitin voru kynnt.
Dagur, sem fékk um tvo þriðju atkvæða, sagði málefni sveitarfélaga
lengi hafa verið Samfylkingunni hugleikin. Sem varaformaður og borg-
arfulltrúi myndi hann efla tengslin á milli ríkis og sveitarfélaga og auka
á breiddina innan flokksforystunnar. Ólíkt mörgum borgarfulltrúum
stefnir Dagur eindregið á Reykjavík í næstu borgarstjórnarkosningum.
„Ruglið í Reykjavík sem Sjálfstæðisflokkurinn bauð upp á er á ein-
hvern hátt eins og undanfari þess að ljóst var að það er ekki sjálfsagt að
menn ráði við erfið mál í pólitík. Stóra verkefnið núna er að endurreisa
traust á stjórnmálum og stofnunum samfélagsins.“
Ráða ekki allir við erfið mál
Morgunblaðið/Ómar
Borgarfulltrúinn Mikil spenna ríkti um kjör varaformanns. Dagur fór
víða um land í aðdraganda landsfundar til að kynna framboðið.
AÐ sögn Jó-
hönnu Sigurð-
ardóttur verður
megináhersla
lögð á að núver-
andi stjórn-
arflokkar haldi
áfram í rík-
isstjórn.
„Það hefur
komið greinilega
fram á þessum
landsfundi, bæði í mínum ræðum
sem formanns Samfylkingarinnar og
eins í landsfundarályktun.“
Hins vegar sé alveg ljóst að sam-
fylkingarmenn vilji aðild að ESB,
skýr rök hafi verið færð fyrir því á
fundinum að þannig sé hagsmunum
þjóðarinnar sé best komið. Vinstri-
græn hafi á sínum landsfundi lagt
áherslu á að málið yrði útkljáð í þjóð-
aratkvæðagreiðslu, það hafi ekki
verið skýrt nánar og þyrfti að ræða
betur milli flokkanna.
Best geymdir á bekknum
Þótt Samfylkingin hafi ekki álykt-
að gegn samstarfi með Sjálfstæð-
isflokknum sagði Jóhanna í ræðu
sinni að í uppbyggingarstarfinu væri
best fyrir íslenskt samfélag að Sjálf-
stæðisflokkurinn yrði áfram á
stjórnarandstöðubekknum að lokn-
um kosningum.
Uppbyggingarstarfið sagði hún
þegar hafið, verðbólgan hefði verið
hamin og vextir á niðurleið. Frá
landsfundi lægju fyrir ályktanir um
að ákvæði yrði sett í stjórnarskrá um
þjóðareign auðlinda og horft væri af
fullri alvöru til fækkunar ráðuneyta.
Skattahækkanir einar myndu ekki
leysa vanda ríkisfjármálanna.
Í heildina leit Jóhanna þó björtum
augum fram á við; þótt vandinn væri
mikill væri hann viðráðanlegur.
Landsfundargestir fögnuðu ákaft í
lok ræðu hins nýja formanns.
Stefnt að
samstarfi
við VG
Uppbyggingarstarfið
er þegar hafið
Jóhanna
Sigurðardóttir
Í UMRÆÐUM um atvinnumál kom
fram að afar brýnt væri að koma í
veg fyrir brottflutning ungs fólks frá
Íslandi. Ungir jafnaðarmenn kváð-
ust sumir hafa íhugað þann mögu-
leika. Þá hefur mikið af ungu fólki
misst atvinnu undanfarið.
Oddný Sturludóttir borgarfulltrúi
sagði nauðsynlegt að skapa þannig
samfélag að ungt fólk þyrfti ekki að
velja á milli starfsframa og fjöl-
skyldu eins og víða annars staðar.
Þjónusta á sviði leikskóla og velferð-
armála ætti að vera það góð að hún
laðaði til Íslands fólk sem væri að
íhuga sína stöðu, t.a.m. að loknu
námi erlendis.
Viðmælendur á landsfundi sögðu
að því yrði að gæta að mennta-
kerfinu og eflingu rannsókna.
Þarf að halda
í ungt fólk
MARGIR telja að bankahrunið hafi
leitt til þess að umhverfismálum hafi
verið vikið til hliðar. Helgi Hjörvar
þingmaður telur svo ekki vera, eins
og hann lýsti á landsfundi, umhverfið
væri ekki bara „2007“. Nú væri al-
þjóðleg viðleitni í þá átt að menn
horfðu til umhverfismála sem hluta af
lausn vandans. Við hefðum einmitt
ekki gætt að sjálfbærri þróun. Mar-
grét Sverrisdóttir tók í sama streng
og sagði að umhverfismálanna vegna
gæti hún hugsað sér að ganga bundin
til kosninga. Ísland á að stefna að því
að verða fyrst þjóðríkja til að nota
eingöngu hreina innlenda orku til
húshitunar, í atvinnulífinu, þ.m.t.
sjávarútvegi, og í samgöngum innan-
lands. Umhverfishópur Samfylking-
arinnar, sem starfaði undir stjórn
þingkonunnar Þórunnar Sveinbjarn-
ardóttur, lagði einnig til að hag-
rænum hvötum, þ.e. skattaívilnunum
og -afsláttum, yrði beitt til að draga
úr notkun jarðefnaeldsneytis á Ís-
landi, sér í lagi vegna bifreiða.
Umhverfið er ekki 2007
Vilja beita skattaívilnunum til að draga úr notkun jarðefna-
eldsneytis og losun gróðurhúsalofttegunda frá bifreiðum
Umhverfið Draga þarf úr notkun
bifreiða á jarðefnaeldsneyti.