Morgunblaðið - 30.03.2009, Blaðsíða 12

12
MORGUNBLAÐIÐ MÁNUDAGUR 30. MARS 2009
FRÉTTASKÝRING
Eftir Ágúst Inga Jónsson
og Ragnar Axelsson
GÖTURNAR kvíslast um Urr-
iðaholtið, en umferð er ekki mikil um
svæðið. Á einstaka stað eru iðn-
aðarmenn að störfum í slakkanum
ofan við vatnið. Náttúran er einstök
á þessu svæði enda miðaðist skipulag
hverfisins við tengingu við náttúr-
una.
Rætt var um tímamótaverkefni við
uppbyggingu nýs bæjarhluta þegar
framkvæmdin var kynnt í apríl árið
2007. Metnaðarfullt skipulagið hefur
fengið alþjóðlegar viðurkenningar og
mikla umræðu. Farið var að selja
lóðir á svæðinu fyrri hluta árs 2007
og var talsverð eftirspurn fyrstu
mánuðina. Síðan hægðist á og eftir
bankahrunið hefur nánast allt verið í
frosti.
Ráðgert var að í suðurhlíðum Urr-
iðaholts, ofan við Urriðavatn, yrði
risið myndarlegt íbúðahverfi í árslok
2014 með 4.400 íbúum í 1.625 íbúð-
um. Þar yrði jafnframt atvinnu- og
þjónustuhúsnæði á um 150 þúsund
fermetrum í viðskiptastræti á norð-
anverðu holtinu. Áætlað er að fjögur
til fimm þúsund manns starfi þar.
Innan við 10 byggingaleyfi
hafa verið gefin út
Fyrstu lóðirnar fyrir um 350
íbúðaeiningar á vestursvæðinu voru
byggingahæfar og gatnagerð lokið af
hálfu bæjarins á miðju síðasta ári.
Ráðgert er að í þessum fyrsta áfanga
verði um eitt þúsund íbúar. Þær upp-
lýsingar fást núna að rúmlega helm-
ingur lóða í áfanganum hafi verið
verið seldur, en á heimasíðu Urr-
iðaholts ehf. segir í frétt frá 19. nóv-
ember 2007 að alls hafi lóðir undir
278 íbúðir verið seldar í Urriðaholti.
Sala á lóðum segir þó aðeins hluta
sögunnar, því innan við 10 bygg-
ingaleyfi hafa verið gefin út af bygg-
ingafulltrúanum í Garðabæ. Eitt hús
er langt komið í byggingu, en nokkr-
ir aðrir hafa byrjað framkvæmdir.
Lóðaverð tekur mið af staðsetn-
ingu og stærð og kemur fram, á
heimasíðu Urriðaholts ehf., að verð
fyrir þær einbýlishúsalóðir sem eru
óseldar er á bilinu frá 17,9 milljónum
króna upp í 24 milljónir. Verðið hefur
ekki lækkað frá því sem auglýst var á
síðasta ári.
Það er félagið Urriðaholt sem
stendur fyrir framkvæmdum í sam-
nefndu holti. Eigendur Urriðaholts
ehf. eru Styrktar- og líknarsjóður
Oddfellowreglunnar með 2/3 hluta í
félaginu, en sjóðurinn á mikið land í
Heiðmörkinni, og félagið Visk-
usteinn ehf. er með þriðjung hluta-
fjár. Aðaleigendur þess félags eru
þeir bræður Jón og Sigurður Gísli
Pálmasynir.
Auk landsins sem Oddfellowregl-
an lagði inn í félagið hefur Urriðaholt
ehf. lagt í mikinn kostnað vegna und-
irbúnings og skipulags. Sá kostnaður
fæst ekki gefinn upp, en mun vera yf-
ir 500 milljónir króna.
Kostnaður Garðabæjar við gatna-
gerð í fyrsta áfanga er um 550 millj-
ónir króna. Urriðaholt ehf. mun vera
ábyrgt fyrir kostnaði af gatnagerð.
Garðabær hefur fengið greiddar 350
milljónir af kostnaði sínum og hefur
tryggingar fyrir þeim 200 milljónum
sem eru útistandandi.
Garðabær fer með skyldur sveit-
arfélags á svæðinu og annast m.a.
gatnagerð og innheimtir gatnagerð-
argjöld. Urriðaholt ehf. selur hins
vegar byggingarréttinn að lóðum á
svæðinu ásamt tilheyrandi leigulóð-
arréttindum.
Til að tryggja skjóta og
vandaða uppbyggingu
„Til að tryggja skjóta og vandaða
uppbyggingu skóla, íþróttamann-
virkja og sundlaugar hefur Urr-
iðaholt ehf. skuldbundið sig til að
leggja rúmlega 1,3 milljarða króna til
þessara verkefna,“ segir í frétta-
tilkynningu Garðabæjar og Urr-
iðaholts frá 20. apríl 2007. Framlagið
greiðist hlutfallslega á hverja íbúð
jafnóðum og byggingarleyfi fyrir
einstakar lóðir eru gefin út.
Byrjað er að hanna skóla, leik-
skóla og íþróttamannvirki í hverfinu,
en bærinn fær ákveðna upphæð af
hverri seldri lóð til uppbyggingar
þessara mannvirkja. Hönnun grunn-
og leikskóla byggist á hug-
myndafræði hverfisins og verður um
svokallaðan náttúruskóla að ræða.
Arkitektar hafa skilað inn frum-
hönnun en framkvæmdum verður
væntanlega áfangaskipt og byggt
upp í samræmi við uppbyggingu í
hverfinu og fjölgun barna á skóla-
aldri. Tímasetningar liggja ekki fyr-
ir.
Á síðasta ári greiddi Garðabær 22
milljónir króna fyrir hönnun. Meðal
verkefna bæjarins í ár er að malbika
götur í Urriðaholti.
Lóðir í Urriðaholti voru bæði seld-
ar til fyrirtækja og einstaklinga und-
ir einbýlishús, parhús, raðhús og lítil
fjölbýli með fjölbreyttar stærðir
íbúða. Mikil vinna var lögð í að skipu-
leggja Urriðaholt með það fyrir aug-
um að íbúar fái sem best notið úti-
vistar og nálægðar við Urriðavatn og
Heiðmörk. Í skipulagsvinnu var unn-
ið með forsendur sjálfbærrar þróun-
ar að leiðarljósi og áhersla lögð á að
Urriðaholt skari fram úr í umhverf-
ismálum.
Meðal annars má nefna að til að
tryggja náttúrulegan vatnsbúskap í
Urriðavatni átti úrkoma ekki að
renna í hefðbundin niðurföll heldur
beint út í jarðveginn. Enn fremur var
kveðið á um í skilmálum að notuð
verði vistvæn byggingarefni.
Talsvert hefur verið um að kann-
aðir hafi verið möguleikar á að skila
lóðum, en slíkt er ekki mögulegt, að
sögn Jóns Pálma Guðmundssonar,
framkvæmdastjóra Urriðaholts ehf.
Ekki er um úthlutun sveitarfélags að
ræða, heldur sölu fyrirtækis, sem
hefur lagt í kostnað vegna uppbygg-
ingarinnar.
Frestun á byggingu húss
fyrir Náttúrufræðistofnun
Af einstökum fyrirtækjum sem
keyptu lóðir í Urriðaholti voru Ís-
lenskir aðalverktakar stórtækastir.
Fyrirtækið keypti heila götu í Urr-
iðaholti, Mosagötu, og hugðist ÍAV
byggja þar 77 íbúðir. ÍAV hefur ekki
hafist handa frekar en aðrir sem
keyptu lóðir undir fjölbýlishús. Þar á
bæ bíða menn átekta og meta mögu-
leikana í stöðunni.
Þórunn Sveinbjarnardóttir, þáver-
andi umhverfisráðherra, tók fyrstu
skóflustungu að nýju húsi Nátt-
úrufræðistofnunar Íslands í Urr-
iðaholti um mitt síðasta sumar. Það
verður 3.500 fermetrar að stærð og á
að standa við Jónasartorg, vestast á
Urriðaholti. Ráðgert var að stofn-
unin flytti í lok þessa árs og þar með
myndi ljúka hálfrar aldar bið eftir
varanlegum heimkynnum.
Urriðaholt ehf. hafði samið við Ís-
tak um að byggja húsið fyrir Urr-
iðaholt, sem verður eigandi þess, en
Náttúrufræðistofnun hefur gert
leigusamning til 25 ára. Fjármögnun
framkvæmda lá fyrir síðastliðið
haust þegar bankarnir féllu, en nýi
Landsbanki hefur ekki endurnýjað
samninga um lánsloforð. Búið var að
taka grunninn, setja upp vinnubúðir
og hönnun hússins er að fullu lokið.
Verkefninu hefur verið frestað í sam-
ráði við Náttúrufræðistofnun meðan
unnið er að fjármögnun.
Á háholtinu ráðgerir Grund, dval-
ar- og hjúkrunarheimili, að reisa
Fyrirmyndarhverfi
Í HNOTSKURN
»Rammaskipulag fyrir Urr-iðaholt í Garðabæ fékk í
lok árs 2007 verðlaun fyrir
áherslu á lífsgæði í borg-
arskipulagi, frá samtökunum
Livable Communities.
»Til að tryggja nátt-úrulegan vatnsbúskap í
Urriðavatni er úrkoma ekki
látin renna í hefðbundin nið-
urföll heldur beint út í jarð-
veginn.
»Listaverkið Táknatréðstendur á Urriðaholti, en
það er samstarfsverkefni
Gabríelu Friðriksdóttur og
fleiri.
» Íbúar í Urriðaholti fá aðkostnaðarlausu heimavörn
Securitas í eitt og hálft ár.
»Golfklúbburinn Oddur ogUrriðaholt ehf. sömdu um
að fyrstu skráðir íbúar í fyrsta
áfanga Urriðaholts er tryggð-
ur aðgangur að Oddi.
Framtíðarsýn Mikil vinna var lögð í skipulagningu Urriðaholts með það fyrir augum að íbúar fái notið útivistar og
nálægðar við náttúruperlur. Grænir geirar ganga í gegnum hverfið og þjóna sem útivistarsvæði og gönguleiðir.
Hægagangur Stefnt var að markvissri uppbyggingu í Urriðaholti með skýrt afmörkuðum byggingartíma. Þær áætlanir
 Eitt hús komið vel á veg í Urriðaholti
 Lóðaskil ekki möguleg í hverfinu
 Ekki er byrjað á skólabyggingum
Fasteignabólan