Morgunblaðið - 13.07.2009, Qupperneq 13

Daglegt líf 13
MORGUNBLAÐIÐ MÁNUDAGUR 13. JÚLÍ 2009
Lamisil Once 1% húðlausn inniheldur 10 mg af terbínafíni (sem hýdróklóríð). Lamisil Once er einskammta meðferð við
fótsvepp (tinea pedis).Ekki má nota Lamisil Once ef til staðar er ofnæmi fyrir terbínafíni eða einhverju öðru innihaldsefni
lyfsins. Lamisil Once er eingöngu ætlað til útvortis notkunar. Lyfið er eingöngu ætlað til húðmeðferðar á fótum. Lamisil
Once á ekki að nota á meðgöngu nema brýna nauðsyn beri til. Konur með barn á brjósti eiga ekki að nota Lamisil Once.
Börn og unglingar undir 18 ára aldri eiga ekki að nota lyfið þar sem reynslu skortir af slíkri notkun. Lyfið á einungis að
bera á einu sinni. Best er að bera Lamisil Once á húðina eftir sturtu eða bað. Lyfið verður að bera á báða fætur, jafnvel
þótt einkenni sjáist einungis á öðrum fæti. Þetta tryggir eyðingu sveppsins. Hann getur leynst víðar á fótum þótt ekki
sjáist nein merki um hann. Lamisil Once er mild lausn og ertir sjaldnast húðina. Geymið þar sem börn hvorki ná til né sjá.
Lesið vandlega leiðbeiningarnar sem fylgja hverri pakkningu. Markaðsleyfishafi: Novartis Healthcare. Umboð á Íslandi:
Artasan ehf., Suðurhrauni 12a, 210 Garðabæ.
Drepur fótsveppinn
- þarf aðeins að bera á einu sinni
½½
Notaðu alla Lamisil
Once® túpuna á báða
fæturna til að forðast
að sýkingin taki sig
upp á ný
Berðu Lamisil
Once® á:
á milli tánna, bæði undir
þær og ofan á
bæði á iljar og jarka
24h
Til að ná sem bestum
árangri skal ekki þvo
fæturna í sólarhring
1 32
Eftir Kristínu Heiðu Kristinsdóttur
khk@mbl.is
Þ
að er gaman að láta
gamla drauma rætast og
það þurfti ekki annað en
kreppu til að svo yrði,“
segja konurnar kátu,
þær Þóra Benediktsdóttir og Elín-
borg Þorsteinsdóttir, en þær opnuðu
saman Gallerí 21 á Skólavörðustíg
21 þann 21. maí síðastliðinn. „Við
höfum tröllatrú á þessari happa-
þrennu enda höfum við fengið frá-
bærar móttökur og það hefur verið
nóg að gera hjá okkur. Það er svo
gaman hvað hugarfar gagnvart ís-
lenskri hönnun er jákvætt núna,“
segja þær vinkonurnar sem virkja
saman krafta sína á ólíkum sviðum.
Þóra er myndlistarkona og málar ol-
íuverk sem eru til sölu í galleríinu en
Elínborg hannar og saumar klæðin
fín uppi á lofti. Galleríið er því einnig
vinnustofa og þar fer mikil sköpun
fram.
Stærðir fyrir alla
„Þetta er allt saman frekar frjálst
og opið. Fötin sem ég hanna hér og
sauma, þau eru ekki í neinum fyr-
irfram ákveðnum stærðum, ég læt
fötin passa á hvern og einn, hvernig
sem viðkomandi er í laginu. Ann-
aðhvort eigum við til stærð viðkom-
andi eða búum hana til. Ég sauma
flíkurnar eftir máli ef þess er óskað,“
segir Elínborg, eða Ella, eins og hún
er oftast kölluð, en hún hefur ára-
tugareynslu af saumaskap og hönn-
un. „Ætli ég hafi ekki verið þrettán
ára þegar ég saumaði fyrstu flíkina
en það voru árshátíðarföt sem ég
saumaði úr gardínum sem ég fann á
háaloftinu heima. Þegar ég var ný-
skriðin yfir tvítugt þá datt okkur
Þóru í hug að stofna saman sauma-
stofu. Við saumuðum allskonar föt,
bæði fyrir verslanir og veitingahús,
undir merkinu Gína. Það var brjálað
að gera en það átti ekki mjög vel við
Þóru að sitja alltaf við saumavél, svo
hún hætti. Núna dró ég fram gömlu
góðu Gínumerkin og nota þau á flík-
urnar hér í galleríinu,“ segir Ella,
sem stofnaði saumastofuna Saumsp-
rettuna þegar hún var 28 ára.
Smíðað og saumað
Þóra og Ella hafa þekkst frá því
þær voru litlar stelpur, en þær ólust
upp saman í Þingholtsstrætinu og
mikill samgangur var á milli fjöl-
skyldna þeirra. Þó svo að Þóra hafi
einbeitt sér að myndlistinni und-
anfarin fimmtán ár, þá hefur sauma-
skapur og hverskonar handverk ver-
ið hluti af hennar lífi allt frá
bernsku. „Pabbi var smiður og
mamma kjólameistari. Þegar ég var
í hönnunarnámi í Iðnskólanum þá
var ég óþolandi af því að ég var alltaf
á smíðaverkstæðinu, mér fannst svo
gaman að smíða húsgögn og geri það
reyndar enn. Mamma var með
saumastofuna sína inni á heimilinu
okkar svo ég lærði nánast sjálfkrafa
að sauma. Og það kom sér vel seinna
í lífinu að vera flinkur á saumavélina,
við Ella saumuðum allt á börnin okk-
ar þegar þau voru lítil og líka á sjálf-
ar okkur. Ég prjónaði líka mikið og
ég var alltaf að búa eitthvað til.
Hönnun í hvaða mynd sem er höfðar
til mín og ég elska að setja hlutina í
nýtt samhengi.“
Ekkert bruðl á krepputímum
Ella sér alfarið um hönnun og
saumaskap á kjólum þeim sem fást í
galleríinu en þær Þóra gera saman
bolina, hálsfestarnar og kragana.
Þóra sér svo um að prjóna litríku
húfurnar. „Hálsfestarnar búum við
til úr kúlum sem við vefjum ýmist
með tafti eða hrásilki. Þessar festar
er hægt að nota við hvað sem er, allt
frá lopapeysum til fínni flíka, enda
renna þær út. Silkikragarnir okkar
hafa líka vakið mikla lukku en þeir
hafa svolítið trúðslegt yfirbragð og
hægt er að móta þá til og breyta í
hvað sem hver vill, til dæmis í blóm,
hárspöng eða belti. Við erum nátt-
úrlega bara snillingar,“ segja þær og
skellihlæja og bæta við að krepp-
ustíll sé á galleríinu þeirra. „Við höf-
um ekkert verið að bruðla í innrétt-
ingum eða öðru. Öll húsgögnin hér
inni sóttum við heim til okkar. Af-
greiðsluborðið er skenkur sem ég
keypti fyrir áratugum síðan, en þá
sagði ég einmitt að hann gæti þjónað
hlutverki afgreiðsluborðs ef ég opn-
aði einhvern tíma mína eigin versl-
un. Þetta sýnir svo ekki verður um
villst að allt hefur sinn tíma,“ segir
Þóra.
Þreföld lukka í Galleríi 21
Morgunblaðið/EggertStemning Á saumastofunni, sem staðsett er uppi á lofti verslunarinnar, er skótau hengt upp á vegginn og notað sem skraut.
Kátar Ella og Þóra umvafðar málverkum Þóru í galleríinu og með hálsfesti og kraga sem þær hanna og búa til sjálfar.
Stærð fyrir alla Kjólarnir hennar
Ellu eru ekki í fyrirfram stærðum
heldur getur hver og einn fengið
sína stærð eftir máli.
Vakið lukku Trúðakragarnir sem
hægt er að breyta í blóm, spangir
eða belti, hafa verið vinsælir.
Nýtt samhengi Þóru finnst gaman
að búa til sína eigin stóla með út-
saumsmyndum.
Festar Þær búa til litríkar háls-
festar úr kúlum og hrásilki.