Morgunblaðið - 23.07.2009, Blaðsíða 4

4 FréttirINNLENT
MORGUNBLAÐIÐ FIMMTUDAGUR 23. JÚLÍ 2009
FRÉTTASKÝRING
Eftir Önund Pál Ragnarsson
onundur@mbl.is
ANNAÐHVORT verður afgreiðslu
Icesave-málsins frestað fram á
haust eða það fellur í atkvæða-
greiðslu á Alþingi. Þetta eru þeir
tveir kostir sem eru í stöðunni, sam-
kvæmt heimildum Morgunblaðsins,
sem herma að allt að fimm þing-
menn VG séu tilbúnir að fella málið
ef ekki nást fram á því veigamiklar
breytingar.
Þeirra á meðal er Guðfríður Lilja
Grétarsdóttir. „Ég samþykki ekki
Icesave í núverandi mynd. Ég hef
lesið öll gögn og allt sem ég hef kom-
ist yfir varðandi málið og mun ekki
styðja það í núverandi mynd,“ segir
hún. „Ég hefði talið best að fresta
málinu til að freista þess að leita sem
bestrar niðurstöðu fyrir Ísland og
breiðrar samstöðu um málalyktir.“
Þá vék Lilja Mósesdóttir sæti í
efnahags- og skattanefnd í gær, þar
sem hún vildi ekki skrifa undir álit
meirihluta nefndarinnar um Icesave,
heldur vera óbundin í atkvæða-
greiðslunni í þingsal. Bjarkey Gunn-
arsdóttir tók hennar sæti þess í stað
og skrifaði undir álitið.
Þingmaður VG segir að ráðherr-
um og nefndarformönnum hafi verið
tjáð trekk í trekk að annaðhvort
verði gefinn meiri tími eða málið
verði einfaldlega fellt í atkvæða-
greiðslu.
Gunnar Haraldsson, forstöðu-
maður hagfræðistofnunar HÍ, átti
vinnufund með fulltrúum í fjár-
laganefnd í gærmorgun og skilar í
dag tillögum til nefndarinnar um
hvernig stofnunin geti rýnt gögnin í
Icesave-málinu, hversu langan tíma
það muni taka og hvað það muni
kosta. Að sögn nefndarmanns taldi
Gunnar í gær að slík vinna gæti tek-
ið að minnsta kosti tíu daga.
Viðmælendur telja flestir líklegt
að verði úttekt hagfræðistofnunar
talin æskileg, og taki svo langan
tíma, verði ákveðið að fresta af-
greiðslu málsins í dag.
Guðbjartur Hannesson, formaður
fjárlaganefndar, segist vitaskuld
hafa heyrt þessa umræðu um frest-
un, en hún hafi ekki verið rædd
formlega hjá fjárlaganefnd. Enginn
bilbugur sé á nefndinni. „Ég hef ekki
verið að gera neina liðskönnun í mál-
inu. Við vinnum ennþá eftir því að
við séum að reyna að ljúka þessu
máli og teljum að það sé mikilvægt,“
segir Guðbjartur. Fjárlaganefnd
muni þó ekki fara fram úr sér og
muni gera allt í sínu valdi til að ná
samstöðu um ríkisábyrgðina.
Icesave sett á ís?
 Alþingi á barmi þess að fresta afgreiðslu Icesave-málsins
 Hagfræðistofnun tilgreinir í dag tímamörk fyrir álitsgerð
Utanríkismálanefnd afgreiddi Icesave-málið til fjárlaganefndar í gær, fyr-
ir sitt leyti. Var þar talsvert ósætti við fulltrúa minnihlutans í nefndinni
sem vildu að nefndin fjallaði meira um það. Ekki var samstaða í nefndinni
og reiknað með fjórum álitum þaðan.
Efnahags- og skattanefnd mun skila áliti til fjárlaganefndar í dag. Þar
var það sama upp á teningnum. Minnihlutinn ósáttur og taldi ekki ástæðu
til að afgreiða málið, þar sem fjárlaganefnd hefði það áfram til skoðunar
og enn kæmu fram ný atriði í málinu.
Þá funduðu lögfræðingar, sem deilt hafa um Icesave-samningana, með
fjárlaganefnd í gær en ekki varð eiginleg niðurstaða í deiluefnum þeirra.
Meðferðin alfarið til fjárlaganefndar
Morgunblaðið/Eggert
Gallaðir samningar? Lögfræðingar mættu á fund fjárlaganefndar í gær, en ekki fékkst niðurstaða. Ástráður Haralds-
son, Steinunn Guðbjartsdóttir, Eiríkur Tómasson og Ragnar H. Hall lögðu sitt af mörkum til að upplýsa nefndina.
Úr ranni Vinstrihreyfingarinnar –
græns framboðs er nú fullyrt að
tveir möguleikar séu í Icesave-
málinu: Því verði frestað til
hausts og meiri tími gefinn, að
öðrum kosti verði það fellt.
Guðfríður Lilja
Grétarsdóttir
Guðbjartur
Hannesson
Eftir Silju Björk Huldudóttur
silja@mbl.is
„MÉR finnst þetta algjörlega fráleitt.
Það er mikill ábyrgðarhluti af ráð-
herra í ríkisstjórn í mjög viðkvæmu
máli að fara út í
svona loftfim-
leikaæfingar til
heimabrúks,“ seg-
ir Steingrímur J.
Sigfússon fjár-
málaráðherra um
ummæli Maxime
Verhagen, utan-
ríkisráðherra Hol-
lands, þess efnis
að samþykki Al-
þingi ekki Ice-
save-samninginn þá geti það seinkað
inngöngu Íslands í Evrópusam-
bandið.
Að mati Steingríms er tenging
Verhagens ekki aðeins röng heldur
einnig óviðeigandi og ljóst að hún geri
ekkert nema ógagn. „Þannig að mér
finnst þetta algjörlega forkastanleg
framganga af hans hálfu.“ Spurður
hvort ekki megi óttast að ummæli
Verhagens endurspegli í reynd af-
stöðu hollenskra stjórnvalda vísar
Steingrímur því á bug. „Ég sé nú
seint fyrir mér ríkisstjórn standa ber-
skjaldaða uppi með afstöðu af þessu
tagi,“ segir Steingrímur og tekur
fram að eftir samtöl íslenskra og
breskra embættismanna í gær megi
ljóst vera að bresk stjórnvöld séu
mjög hissa á ummælum Verhagens.
„Bresk stjórnvöld taka skýrt fram
fyrir sitt leyti að þau blandi þessum
málum [ESB-umsókn Íslands og Ice-
save-samningnum] ekki saman.“
Inntur eftir því hvort íslensk
stjórnvöld hyggist bregðast formlega
við ummælum hollenska utanrík-
isráðherrans segist Steingrímur hafa
rætt málið við Össur Skarphéðinsson
utanríkisráðherra, þar sem það sé í
hans höndum að bregðast formlega
við. Tekur hann fram að þeir séu
sammála um að mótmæla þyrfti um-
mælum hollenska utanríkisráðherr-
ans.
Algjörlega aðskilin mál
Aðspurður segist Steingrímur von-
ast til þess að ummæli Verhagens
hafi ekki neikvæð áhrif á íslenska
þingmenn þegar komi að því að af-
greiða Icesave-samninginn. „Ég vona
að menn haldi þessum málum al-
gjörlega aðgreindum, sem þau eru,
og skoði efni máls í hverju tilviki.
Þetta Icesave-mál er mjög stórt og
erfitt, mjög flókið og afdrifaríkt fyrir
okkur sem land þannig að það er ekk-
ert skrýtið að um það séu skiptar
skoðanir og lítil ánægja. Það er engu
að síður veruleikinn að við þurfum að
kljást við þetta á einhvern farsælan
hátt.“
Steingrímur segir fjárlaganefndina
og þingið munu fá þann tíma sem það
telji sig þurfa til að vinna málið vel.
„Það verður að hafa það ef einhvern
dráttur verður á afgreiðslu málsins
mældur í einhverjum dögum eða vik-
um. En það er ekki æskilegt að af-
greiðslan tefjist mjög lengi þar sem
það getur haft áhrif á og tafið aðra
hluti,“ segir Steingrímur og nefnir í
því samhengi endurskoðun Alþjóða-
gjaldeyrissjóðsins á samstarfsáætl-
uninni, endurreisn íslenska banka-
kerfisins og afgreiðslur hinna
Norðurlandanna á lánum. „Þetta
hangir allt saman með óheppilegum
hætti. Því miður er það hinn pólitíski
veruleiki þó fáir vilji við það kannast
opinberlega.“
Reiknar með fyrirvörum
Steingrímur telur allar líkur til
þess að fjárlaganefnd muni leita leiða
til að styrkja stöðu íslenska ríkisins
með fyrirvörum við Icesave-
samninginn sem kveði á um öryggis-
ákvæði og útgönguleiðir ef til slíks
þyrfti að grípa. „Ég veit að nefndin er
að skoða slíkt,“ segir Steingrímur og
tekur fram að íslensk stjórnvöld hafi
visst svigrúm í því hvernig þau búi að
málinu að sinni hálfu en vissulega sé
því svigrúmi takmörk sett. „Þetta
verður skoðað af lögfróðum aðilum og
þeim sem þekkja samninginn út og
inn sem og lagaumhverfið í kringum
hann. Það verður reynt að vinna
þetta eins vandlega og hægt er,“ seg-
ir Steingrímur.
„Loftfimleika-
æfingar til
heimabrúks“
Fjármálaráðherra segir þingið fá tíma
Steingrímur
J. Sigfússon
Í HNOTSKURN
»Fjármálaráðherra segirbresk stjórnvöld ekki
blanda saman Icesave-
samningnum og ESB-umsókn
Íslands líkt og hollenski utan-
ríkisráðherrann hefur gert.
»Hann útilokar ekki að af-greiðsla Icesave-
samningsins geti dregist um
einhverja daga eða jafnvel
vikur.
HÆPIÐ er að Hollendingar tefji eða
komi í veg fyrir aðild Íslands að Evr-
ópusambandinu (ESB) verði Icesave-
samkomulagið ekki samþykkt á Al-
þingi.
Þótt einróma samþykki fulltrúa
allra aðildarríkja sé skilyrði fyrir að-
ildarviðræðum og inngöngu segir
Aðalsteinn Leifsson, stjórnmálafræð-
ingur og lektor við viðskiptadeild Há-
skólans í Reykjavík, mjög ólíklegt að
Hollendingar myndu leggja stein í
götu Íslendinga með því að veita ekki
samþykki sitt. Þótt þeim væri í lófa
lagið að tefja viðræðu- og aðildarferlið
með ýmsum hætti telur Aðalsteinn
hæpið að þeir beiti slíkum brögðum.
„Þeir [Icesave-samningarnir] eru
ekki þess eðlis að önnur aðildarríki og
framkvæmdastjórn ESB muni líða
það að þeir séu notaðir til að koma í
veg fyrir aðild Íslands,“ segir Aðal-
steinn og kveður ríki hafa gengið í
ESB þrátt fyrir
erfið deilumál við
aðildarríki sem
fyrir eru. Þó hafi
pólitískar milli-
ríkjadeilur komið
til skoðunar við
aðildarviðræður
og nefnir Aðal-
steinn Gíbraltar-
deiluna milli
Breta og Spánverja sem dæmi um
það.
Yfirlýsingar Maximes Verhagens,
utanríkisráðherra Hollands, um að
verði Icesave-samkomulagið ekki
samþykkt geti það tafið fyrir aðild Ís-
lands að ESB telur Aðalsteinn vera
„til heimabrúks en ekki formlega af-
stöðu hollensku ríkisstjórnarinnar“.
Lagalega sé Hollendingum þó heimilt
að neita að veita samþykki.
skulias@mbl.is
Hæpið að Hollendingar
tefji eða hindri ESB-aðild
Aðalsteinn
Leifsson
Í LEYNILEGUM uppgreiðslusamn-
ingi við Breta vegna Icesave segir að
skilningur minnisblaðs frá árinu
2006 um ábyrgð á innistæðum gildi
ekki lengur. „[Í því] er hvergi minnst
á ríkisábyrgð en þar var réttinda Ís-
lendinga gætt og það var íslenski
tryggingasjóðurinn sem átti að fara
með málið,“ segir Höskuldur Þór-
hallsson, þingmaður Framsókn-
arflokks og fulltrúi hans í fjár-
laganefnd, en hann óskaði eftir
framlagningu minnisblaðsins.
Höskuldur furðar sig á því að
skilningur minnisblaðsins skuli ekki
standa enn. „Núna er rétturinn alfar-
ið Breta og hann er svo einhliða að
lögfróðir menn segjast aldrei hafa
séð annað eins,“ segir Höskuldur og
kveður hann að hefði þessi skiln-
ingur fengið að standa myndi málið
fara eftir íslenskum lögum. Eins og
staðan sé núna falli málið undir
breskan rétt. skulias@mbl.is
Minnisblaði um
ábyrgð ýtt til hliðar í
uppgreiðslusamningi