Morgunblaðið - 10.08.2009, Síða 9

Fréttir 9INNLENT
MORGUNBLAÐIÐ MÁNUDAGUR 10. ÁGÚST 2009
ÚTSAL A
25-50% afsláttur
af völdum vörum
Hæðasmára 4 • 201 Kópavogur
Sími 555 7355 • www.selena.is
Opið 11-18 virka daga, 11-15 laugard.
LAGERSALA 50-70% AFSL.
Max Mara, Hverfisgötu 6, 101 Reykjavík, sími 562 2862
Eftir Sigurð Boga Sævarsson
sbs@mbl.is
DRANGEYJARSUND var gamall
draumur. Síðustu mánuði hef ég
stefnt markvisst að þessu með
reglulegum sjósundsæfingum og nýt
frábærrar aðstöðu við höfnina hér.
Bý einnig að leiðsögn Ermar-
sundskappans Benedikts Hjartar-
sonar,“ segir Heiða Björk Jóhanns-
dóttir, tvítug Sauðárkróksmær.
Fjórir sjósundskappar syntu í
fyrrakvöld úr Drangey á Skagafirði í
land á Reykjastönd. Þau Þorgeir
Sigurðsson, Þórdís Hrönn Pálsdóttir
og Heiða Björk syntu stystu leið í
land, sem er 6,7 km. Heimir Örn
Sveinsson fór hins vegar Grett-
issund sem er 800 metrum lengri
leið, en þá er synt til lands úr Upp-
gönguvík í Drangey.
Heiða Björk er fyrst kvenna að
synda Drangeyjarsund sem hún fór
á 2,25 klst. Hún fór í sjóinn kl. 18:09
og náði landi kl. 20:40. Allt gekk vel
nema gróður í fjöruborði á Reykja-
strönd gerði landtöku erfiða.
Sundið gamall draumur
„Þetta var frábærlega skemmti-
legt. Sjórinn var spegilsléttur og
mér leið vel á þessu svamli. Sem
stelpa æfði ég sund og keppti í mörg
ár. Draum minn um að reyna við
Drangeyjarsund má líklega rekja til
þess og eins þess að við höfum eyj-
una hér fyrir augunum á Króknum
þar sem fólk er nánast alið upp við
söguna af afreki Grettis endur fyrir
löngu,“ segir Heiða sem þreytti
Hríseyjarsund fyrr í sumar og er því
komin í ágæta æfingu. Drangeyj-
arsundið hefði þó ekki orðið að veru-
leika nema björgunarsveitarmenn
hefðu fylgt sundfólki eftir og fyrir þá
hjálp þakkar Heiða.
Fjögur syntu úr Drangey að Reykjaströnd
 Tvær konur
meðal sundkapppa
 Skemmtilegt
sund og sléttur sjór
Heitt bað Heiða, Þorgeir, Þórdís og Heimir skelltu sér í heita Grettislaug-
ina að sundi loknu og var það kærkomið og hressilegt bað.
Ljósmyndir/Feykir
Landtaka Heiða Björk Jóhannsdóttir kemur á land eftir Drangeyjarsund.
STEINGRÍMUR
J. Sigfússon fjár-
málaráðherra er
aðalræðumaður
á Hólahátíð um
næstu helgi. Að-
alræður hátíð-
arinnar hafa oft
vakið mikla at-
hygli, enda hafa
þeir forystumenn
þjóðarinnar, sem
hafa verið ræðumenn, gjarnan not-
að tækifærið og komið þar með
stefnumarkandi ummæli.
Nú sem endranær einkennist há-
tíðin á hinu forna biskupssetri í
Hjaltadal af fjölbreyttri dagskrá.
Gestir fá tækifæri til að ferðast um
gamlar þjóðleiðir og taka þátt í
helgihaldi. Þá verða flutt erindi.
Málmfríður Finnbogadóttir verk-
efnisstjóri flytur pistilinn Menning-
arminjum mætt og Birgir Guð-
mundsson, lektor við Háskólann á
Akureyri, fjallar um fjölmiðlun
undir yfirskriftinni Minjar fortíðar
– miðlar nútíðar og framtíðar.
sbs@mbl.is
Steingrímur
á Hólahátíð
Steingrímur J.
Sigfússon
DAVÍÐ Oddsson
virðist ekki hafa
búið yfir sér-
fræðikunnáttu í
hagfræði eða
bankastarfsemi,
og af þeim sök-
um var hann ekki
í stakk búinn að
koma í veg fyrir
fjármálahrunið
eða leika jákvætt hlutverk í kjölfar
þess.
Þetta segir Anne Sibert, sem á
sæti í peningastefnunefnd Seðla-
banka Íslands, í grein sem birt er á
fræðavefnum Vox (www.vox-
eu.org). Þar fjallar hún um það
hvort Grænland, sem færist í áttina
að auknu sjálfstæði, gæti orðið hið
nýja Ísland. Í greininni segir hún að
þrátt fyrir að Davíð Oddsson sé fjöl-
hæfur maður þá hafi hann skort
þekkingu á ofangreindum sviðum.
Þá segir hún að svo virðist sem
forsætisráðherra Íslands, fjár-
málaráðherra og íslenskar eftirlits-
stofnanir hafi lítið gert til að
stemma stigu við vexti íslensku
bankanna.
Segir Davíð hafa
skort þekkingu
Anne Sibert
STJÓRN og
kjaranefnd fé-
lags eldri borg-
ara á Selfossi tel-
ur að fyrirheit í
samstarfsyfirlýs-
ingu ríkisstjórn-
arinnar frá 11.
maí s.l., um að
staðinn verði eft-
ir fremsta megni
vörður um kjör lágtekjufólks, hafi
brostið. Þetta er meðal þess sem
kemur fram í opnu bréf til Árna
Páls Árnasonar, félags- og trygg-
ingamálaráðherra.
Í bréfinu er ríkisstjórnin m.a.
hvött til að draga þegar í stað til
baka þær skerðingar sem urðu á
kjörum öryrkja og aldraðra er tóku
gildi 1. júlí s.l. með breytingum á
lögum um almannatryggingar.
Skerðingar verði
dregnar til baka
Árni Páll Árnason
TVEIR voru fluttir á sjúkrahús eft-
ir að bifreið valt við Þórisós á
Sprengisandsleið í gærmorgun.
Að sögn lögreglunnar á Hvols-
velli er fólkið ekki talið vera alvar-
lega slasað.
Átta voru í bifreiðinni, sem er af
gerðinni Volkswagen Caravelle.
Ekki lá fyrir í gær hvers vegna bif-
reiðin valt.
Bílvelta á
Sprengisandsleið
Fréttir á SMS
Eftir Sigurð Boga Sævarsson
sbs@mbl.is
UM helgina brá Jónína Jóhanna
Kristjánsdóttir á Ísafirði sér í kaj-
aksiglingu á Pollinum þar vestra.
Þetta væri ekki í frásögur færandi,
nema sakir þess að hún er 87 ára
og því væntanlega elsti kajakræðari
landsins. Hún er hins vegar ekki
byrjandi í faginu, sigldi síðast á kaj-
ak á Ísafjarðarpolli árið 1938, þá
sextán ára gömul. Ákvað þá að
prófa þetta skemmtilega sport ein-
hverntíma seinna sem hún líka
gerði, nú 71 ári seinna.
Óskaplega skemmtilegt
„Þetta var óskaplega skemmti-
leg,“ sagði Jóhanna í samtali við
Morgunblaðið. „Þegar ég var ung-
lingur hér á Ísafirði var talsvert um
að fólk væri að róa á skektum hér á
Pollinum. Einhverntíma komst ég í
slíka siglingu og fannst gaman.
Hefði sjálfsagt gert meira af þessu
hefðu skyldur lífsins ekki komið til,
eins og að eiga sex börn og koma
þeim á legg.“
Það var sonur Jónínu, Halldór
Sveinbjörnsson ljósmyndari og
prentsmiðjustjóri á Ísafirði, sem
bauð móður sinni í þessa lystisigl-
ingu. Hann er einn af þekktari kaj-
akræðum landsins.
„Ég hef kynnst kajaksiglingunum
í gegnum Halldór. Meðal annars
séð hjá honum fjölda skemmtilegra
ljósmynda úr siglingum hér um
Djúpið. Það kom því margt til að
mig langaði aftur að prófa þetta,“
segir siglingakonan sem elur með
sér þann draum um að prófa sig
næst á mótorhjóli.
Vill fjórhjól
„Reyndar liggur beint við vera
með fjórhjól. Ég flutti hingað í
þjónustuíbúðir aldraðra á Hlíf fyrir
nokkrum árum og í fyrra skilaði ég
inn bílprófinu. Er hins vegar bæj-
arpúki í mér og þætti því afar
þægilegt að hafa fjórhjól til að
grípa í, svo ég gæti skotist fyrir-
hafnarlítið niður í bæ,“ segir Jó-
hanna sem er fædd og uppalin á
Ísafirði og starfaði lengi við sund-
laugina þar í bæ – og er vestra vel
þekkt sem Adda Massa. Hún var
búsett í Reykavík í fjórtán ár en
þegar heilsan fór að gefa sig, taldi
hún rétt að snúa aftur á heimaslóð-
ir vestra og í skjól sona sinna
tveggja sem þar búa. Og viti menn;
þá braggaðist Jóhanna svo hún er
við bestu heilsu í dag.
Kjarnakona á níræðis-
aldri siglir kajak vestra
 Fór 87 ára á kajak  Fannst óskaplega skemmtilegt
Í HNOTSKURN
» Kajaksiglingar njóta æmeiri vinsælda. Aðstæður
góðar á Vestfjörðum.
» Jónína Jóhanna sigldi síð-ast á kajak fyrir 71 ári
»Vill prófa sig á mótorhjólieða fjórhjóli sem liggur
beinna við fyrir bæjarpúka.
Ljósmynd/Bæjarins besta
Sigling Mæðginin Jónína Jóhanna Kristjánsdóttir og Halldór Sveinbjörnsson höfðu bæði gaman af siglingunni þar
sem þau renndu sér um Ísafjarðarpollinn við bestu skilyrði á fallegum ágústdegi. Hér hverfur aldursbilið!