Morgunblaðið - 04.09.2009, Side 39

Minningar 39
MORGUNBLAÐIÐ FÖSTUDAGUR 4. SEPTEMBER 2009
✝ Guðrún Sig-urbjörg Bjarna-
dóttir fæddist á
Hvammstanga 20.10.
1930. Hún lést á
Landspítalanum 24.8.
2009.
Foreldrar hennar
voru Jórunn Jak-
obsdóttir, f. 1.2. 1894
á Neðri-Þverá í Vest-
urhópi, d. 4.3. 1969 á
Hvammstanga, og
Bjarni Gíslason, f.
7.10. 1889 á Varmá
Mos., d. 2.6. 1972 á
Hvammstanga. Systkini Guðrúnar:
Jakob Svavar, f. 12.3. 1923 og Guð-
rún Sigurbjörg, f. 14.5. 1925, d.
1927.
Guðrún giftist 10.12. 1949 Guð-
mundi Jónssyni, f. 7.5.1925 á Ref-
steinsstöðum í Víðidal. Foreldrar
Guðmundar voru Halldóra Margrét
Guðmundsdóttir frá Kotum í Ön-
undarfirði, f. 26.6.1886, d. 28.8.
1963 og Jón Lárusson kvæðamaður,
f. í Holtastaðakoti Langadal A-
Hún., f. 26.12. 1873, d. á Hvamms-
tanga 14.4. 1959. Systkini Guð-
mundar eru Sigríður, f. 1915 d.
1998, Pálmi, f. 1917, María, f. 1918,
Kristín, f. 1922, d. 2009 og Jónas, f.
1925. Synir Guðrúnar og Guð-
mundar eru: 1 )Bjarni, f. 18.6. 1949,
kvæntur Eygló Ólafsdóttur, f. 29.9.
Matthías Óskarsson, f. 1983, unn-
usta Berglind Sölvadóttir, f. 1986.
2) Unnar Atli, f.18.8. 1955, sonur
hans er Eyjólfur, f. 1987. 3) Jón
Halldór, f. 25.9. 1957, kvæntur Mar-
gréti Veru Knútsdóttur, f. 1963,
börn þeirra eru: a) Guðmundur, f.
1986, unnusta Arna Óttarsdóttir, f.
1985, b)Hrefna Sif, f. 1989, c)Sóley
Rún, f. 1999, 4) Reynir, f. 15.10.
1967, unnusta Pernille Wulff, f.
1967, synir Reynis: a) Emil Arnar, f.
1989, b) Guðjón Andri, f. 1990, unn-
usta María Leferink, f. 1991, c)
Breki Sveinn, f. 1995, d) Viktor
Darri, f. 1996, e) Mads Christian
Buch, f. 2002.
Eftir barnaskólann og Alþýðu-
skólann á Hvammstanga starfaði
Guðrún Sigurbjörg (Didda) sem að-
stoðarráðskona í vegavinnuflokk í
nokkur sumur. Didda nam við Hús-
mæðraskólann á Blönduósi vet-
urinn 1947-1948, um það leyti lágu
leiðir þeirra Guðmundar saman.
Húsmæðraskólamenntun hennar
nýttist vel á búskaparárum þeirra
hjóna. Eftir stofnun heimilis sinnti
hún mest heimilisstörfum. Þegar
elstu synirnir voru uppkomnir hóf
Didda störf á saumastofunni Drífu.
Henni líkaði vel við þau störf, enda
átti hún vinsældum þar að fagna.
Didda var glaðlynd og spaugsöm og
undi sér vel með samstarfsfólki
sínu, hún vann á sumastofunni þar
til hún fór á eftirlaun. Félagsstörf-
um sinnti hún, var bæði í Kven-
félaginu Björk og söng í Kirkju-
kórnum á Hvammstanga um árabil.
Guðrún Sigurbjörg verður jarð-
sungin frá Hvammstangakirkju kl.
15 í dag.
1954, börn Bjarna
eru: a) Íris Fjóla, f.
1971; hennar börn. 1)
Sunna Marý Vals-
dóttir, f. 1990 unnusti
hennar er Ævar
Smári Marteinsson, f.
1990, sonur þeirra
Hafsteinn Snær, f.
2007. 2) Margrét Ýr
Austmann Viðarsd., f.
1998. 3) Viðar Örn
Austmann Viðarsson,
f. 2000. b) Valgeir
Ágúst, f. 1977, unn-
usta Monika Jagusi-
ak, f. 1982. c) Rúnar Bjarni, f. 1979,
börn hans eru Natalía, f. 2003 og
Baltasar Diljan, f. 2007. d)Tinna
Gunnur, f. 1984, sonur hennar er
Jóhannes Liljan Árnason, f. 2004,
börn Eyglóar eru: a)Anna Guðrún
McCall, f. 1972, gift Steven Earl
McCall, f. 1976, sonur þeirra er
Kristmann Ísak, f. 2005. b) Steinunn
Helga Óskarsdóttir, f. 1975, maki
Arnfreyr Kristinsson, f. 1974, dæt-
ur þeirra eru: 1) Eygló Ósk, f. 1992,
unnusti Atli Steinn Stefánsson, f.
1988, þeirra sonur andvana fæddur
Baldvin Ingi 2009 2) Arney Helga, f.
1998 3) Rebekka Ýr, f. 2004. c)
Kristmann Óskarsson, f. 1979, maki
Karitas Sæmundsdóttir, f. 1981,
börn þeirra eru Brynjar Már, f.
2004 og Rakel Eva, f. 2008. d)
Móðir mín er til moldar borin í
dag. Og sorgin ríkir á meðal okkar.
Hún var búin að fá nokkur áföll
hvað heilsufar varðar í gegnum tíð-
ina. Vorið 2002 lá hún á milli heims
og helju um nokkurt skeið, en með
góðri hjálp á Borgarspítala og síðar
á sjúkrahúsinu á Hvammstanga
fékk hún þokkalega heilsu á undra-
skömmum tíma. Líklegt er að þessi
reynsla hafi haft áhrif á viðhorf
hennar, og ég held að hún hafi ekki
óttast margt upp frá því. Hún var
þakklát öllu því góða fólki sem
starfaði við hjúkrun hennar og að
heimahjúkrun á Hvammstanga til
hinsta dags.
Foreldrar mínir hafa alltaf verið
samrýmd og hennar vilji var að geta
búið heima og verið sjálfri sér nóg
að miklu leyti; þetta veittist henni.
Eitt sinn er við bræður vorum all-
ir fluttir burtu, spurði ég hana hvort
þau yrðu ein um jólin. Hún neitaði
því, sagði að þau yrðu tvö.
Á vordögum voru mamma og
pabbi farin að líta til 60 ára hjú-
skaparafmælis þann 10 des. nk.
Hún þrýsti á að flýta því og halda
upp á það nú í sumar. Þessi fyrsta
og síðasta stóra veisla þeirra var
vegleg og ógleymanleg öllum gest-
um, sem voru systkini þeirra, við
bræðurnir og okkar fjölskyldur, og í
dag minnumst við þess öll með
þakklæti.
Ég vil þakka þér, mamma, fyrir
samfylgdina, ég kveð þig með sökn-
uði.
Pabbi, Unnar, Jón og Reynir.
Megi góður guð gefa okkur styrk í
sorginni.
Bjarni Guðmundsson.
Móðir mín var einstök móðir og
að lýsa henni myndi gera allt fölt í
kring, og orða mér væri vant að lýsa
hvernig eða af hverju; kannski eins
og rósin. Hún fölnaði ekki þó hún
veiktist og væri átta vikur út úr
heiminum vegna veikinda fyrir sjö
árum og náði sér alveg eftir það.
Hugulsöm var hún og mundi til
dæmis afmælisdaga barna og
barnabarna og var allan tímann vel
meðvituð um hvað var að gerast til
hinstu stundar.
Síðustu árin þá kvöddumst við
eða heilsuðumst með kossi og þá
beint á munninn. En nú svo snöggt
á brott þú fórst og tómið, söknuðinn
sem eftir er, set ég í mínar góðu
stundir og minningar. Þín minning
lifir. Hjartans þakkir fyrir sam-
fylgdina, elsku mamma mín.
Þinn sonur,
Unnar.
Mamma mín, hún Guðrún Sig-
urbjörg Bjarnadóttir, er fallin frá,
eða Didda eins hún var alltaf nefnd
af sínum nánustu. Ég ímyndaði
mér að Didda væri gælunafn sem
Jakob bróðir hennar hefði gefið
henni í æsku og þýddi systir og trúi
því enn. Ég veit að stundum vorum
við fjórir synirnir henni erfiðir að
ýmsu leyti, en heimilið var ástríkt,
þó að kærleiksorðin væru kannski
færri stundum en það sem fólst í
öllu hinu ósagða. Vinnudagurinn
gat verið langur hjá húsmóður á
þessum árum, föt voru saumuð og
bætt og ýmis matur gerður.
Í hugann koma minningar um
haustin, þegar fjárhópar voru
reknir niður þorpið fram hjá Sól-
völlum og mórótta rollan hún
Gretja vakti athygli sumra í fjöl-
skyldunni. Önnur haustminning
leitar einnig á hugann, þegar vænn
slurkur af löppum, nýsviðnum og
soðnum, ilmaði um allt hús. Þá var
veisla.
Pabbi vann langan vinnudag
lengst af sinnar starfsævi enda fór
það svo að umsjón með heimilinu
var að mestu í höndum mömmu.
Mamma sá um að muna eftir af-
mælum barnabarna og annarra úr
fjölskyldunni, sá um heimilisverkin
að miklu leyti alla sína búskapar-
tíð, eftir því sem heilsa og kraftar
leyfðu.
Árið 2002 veiktist mamma alvar-
lega og var haldið sofandi svo vik-
um skipti og var á stundum vart
hugað líf. Ekkert annað en krafta-
verk virtist hjálpa henni að ná aft-
ur fyrri heilsu og það var stór
stund er hún komst aftur heim um
5 mánuðum seinna.
Elsku mamma, það er sárt að
kveðja þig, en fjölskyldan reynir að
hugga sig við allar góðu minning-
arnar sem við eigum um þig, við
þökkum aukaárin sjö sem við feng-
um með þér og ekki síst góða sam-
veru sem við áttum öll, þessi glæsi-
legi hópur, á Hvammstanga í
sumar. Hvíl þú í friði, elsku
mamma.
Jón Halldór.
Kveðja til mömmu.
Þú áttir þrek og hafðir verk að vinna
og varst þér sjálfri hlífðarlaus og hörð.
Þú vaktir yfir velferð barna þinna,
þú vildir rækta þeirra ættarjörð.
Frá æsku varstu gædd þeim
góða anda,
sem gefur þjóðum ást til sinna landa,
og eykur þeirra afl og trú,
en það er eðli mjúkra móðurhanda
að miðla gjöfum eins og þú.
Ég flyt þér, móðir, þakkir þúsundfaldar,
og þjóðin öll má heyra kvæðið mitt.
Er Íslands bestu mæður verða taldar,
þá mun þar hljóma fagurt nafnið þitt.
Blessuð sé öll þín barátta og vinna,
blessað sé hús þitt, garður
feðra minna,
sem geymir lengi gömul spor.
Haf hjartans þakkir, blessun barna
þinna,
– og bráðum kemur eilíft vor.
(Davíð Stefánsson frá Fagraskógi.)
Hvíl í friði, mamma og amma.
Reynir Guðmundsson og synir.
Í dag kveð ég tengdamóður mína,
Guðrúnu Sigurbjörgu Bjarnadótt-
ur.
Með nokkrum fátæklegum orð-
um langar mig að þakka henni fyrir
samfylgdina. Þegar ég kom inn á
heimili þeirra Diddu og Munda fyr-
ir 11 árum tóku þau á móti mér með
opinn og hlýjan faðm. Það var fyrir
7 árum að hún veiktist alvarlega, en
með þrautseigju og góðra manna
hjálp steig hún á fætur eftir 6 mán-
aða baráttu á sjúkrahúsum í
Reykjavík og Hvammstanga og gaf
hún okkur þessi góðu ár með sér.
Vil ég þakka henni hversu vel
hún tók á móti mínum börnum og
barnabörnum, ferðirnar okkar
saman til Danmerkur, stundirnar
við spilamennsku, spjall, hlátur og
gamansögur sem við áttum saman á
Tanganum og heimili okkar Bjarna.
Það er svo ótal margt sem ég
gæti talið upp og sagt, en það geymi
ég í góðri minningu um góða
tengdamóður.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir)
Ég bið góðan Guð að gefa
tengdapabba, sonum og fjölskyld-
um þeirra styrk í sorginni.
Guð blessi minningu þína. Hvíl í
friði.
Þín tengdadóttir,
Eygló.
Mig langar að minnast Diddu
ömmu með örfáum orðum við þessi
leiðarlok. Ég var svo heppin að búa
nálægt ömmu og afa og datt oft í
hug að skreppa í heimsókn til
þeirra eða til ömmu í vinnuna, ekk-
ert var erindið né hafði ég mikið að
spjalla um sem krakki en einhverra
hluta vegna datt mér þetta oft í
hug.
Í dag hugsa ég að ég hafi alltaf
fundið að ég væri velkomin (eða
mig hafi vantað plástur á einhverj-
ar skrámur). Það eru alltaf allir, og
hafa alltaf verið, velkomnir á Sól-
velli og alltaf er boðið uppá kaffi og
það besta sem til er. Síðustu árin
hafa vöfflurnar verið vinsælar hjá
fullorðnum, börnum og dýrum.
Ekki var óalgengt að afi tæki fram
nikkuna eða spilaði eitthvað á org-
elið og kunnu barnabörnin vel að
meta það og sungu með, einnig var
yfirleitt kíkt í skúrinn til afa og ein-
hverju sinni dvaldist okkur þar og
komu einhverjir nýklipptir og vel
stutthærðir út úr skúrnum þá.
Amma var heimakær og hana
skipti miklu máli fjölskyldan, fólkið
sitt og velferð þeirra. Amma og afi
voru eitt, bestu vinir og falleg hjón.
Amma var hrein og bein, einlæg og
heiðarleg, og með góða kímnigáfu.
Þegar mamma átti mig, stóðu þau
við bakið á henni og er ég ömmu
óendanlega þakklát fyrir það sem
og allt spjallið við mig og seinna
meir börnin mín. Mér finnst ómet-
anlegt að þau hafi fengið að kynn-
ast langömmu og -afa, tengjast
þeim og eigum við í dag margar og
góðar minningar.
Við kveðjum ömmu, langömmu
og langalangömmu með þakklæti
og góðum minningum.
Íris Fjóla, Sunna Mary,
Margrét Ýr, Viðar Örn og
Hafsteinn Snær.
Elsku amma.
Við viljum kveðja þig með nokkr-
um hlýjum orðum.
Við þökkum þér fyrir það hversu
vel þú tókst á móti okkur fyrir um
11 árum þegar mamma okkar og
Bjarni tóku saman, við urðum strax
hluti af fjölskyldunni ykkar.
Þú varst lengi á spítala fyrir um 7
árum síðan þar sem þú barðist fyrir
lífi þínu og hafði betur en þrátt fyr-
ir veikindin varst þú alltaf með bros
á vör og kát í skapi.
Ef þið vissuð af okkur á ferðinni
vilduð þið að við kæmum við á Sól-
völlum og þar beið fullt borð af
kræsingum, vöfflur og kaffi, og
fengu börnin oft að hjálpa afa að
baka vöfflurnar. Það er alltaf gott
og notalegt að koma á Sólvelli, en
það verður skrítið að koma og engin
amma að taka á móti manni.
Þú prjónaðir heil ósköp af ullar-
sokkum og vettlingum á yngri kyn-
slóðina og vakti það alltaf mikla
lukku.
Þið afi hefðuð átt 60 ára brúð-
kaupsafmæli í desember n.k. en
ákváðuð að halda upp á það s.l sum-
ar. Það var haldið stórt og mikið
fjölskyldumót sem tóks vel í alla
stað og eftir öll þessi ár í hjóna-
bandi leiddust þið afi eins og ást-
fangnir unglingar.
Elsku amma, takk fyrir okkur,
Hvíldu í friði.
Anna og Steve,
Steinunn og Arnfreyr,
Kristmann og Karítas,
Matthías og Berglind.
Ég kveð þig, hugann heillar minning
blíð,
hjartans þakkir fyrir liðna tíð,
lifðu sæl á ljóssins friðar strönd,
leiði sjálfur Drottinn þig við hönd.
(Guðrún Jóhannsdóttir.)
Didda mín, þökkum góða vináttu
á liðnum árum.
Við sendum Guðmundi, sonum
hans og fjölskyldum þeirra innileg-
ar samúðarkveðjur.
Ingibjörg og Ágúst,
Esjuvöllum.
Elsku Didda mín.
Nú þegar komið er að hinstu
kveðjustund þá langar mig að
kveðja þig með þessu kvæði og
þakka þér allar góðar stundir síð-
astliðin ár
Hver minning dýrmæt perla að liðn-
um lífsins degi,
hin ljúfu og góðu kynni af alhug
þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir.)
Elsku Mundi minn og fjölskyldan
öll, innilegustu samúðuarkveðjur
til ykkar allra og megi góður guð
styrkja ykkur í sorginni.
Helga Marteinsdóttir.
Guðrún Sigurbjörg
Bjarnadóttir
Elsku Didda amma.
Við viljum þakka þér fyrir
allar góðu stundirnar.
Takk fyrir að vera svona
góð amma.
Nú árið er liðið í aldanna skaut
og aldrei það kemur til baka,
nú gengin er sérhver þess gleði
og þraut,
það gjörvallt er runnið á eilífðar
braut,
en minning þess víst skal þó vaka.
(Valdimar Briem.)
Hvíl í friði, elsku amma.
Eygló Ósk, Arney Helga,
Rebekka Ýr, Brynjar Már,
Kristmann Isak og
Rakel Eva.
HINSTA KVEÐJA
Morgunblaðið birtir minningar-
greinar alla útgáfudagana.
Skil | Greinarnar skal senda í
gegnum vefsíðu Morgunblaðsins:
mbl.is – smella á reitinn Senda efni
til Morgunblaðsins – þá birtist val-
kosturinn Minningargreinar ásamt
frekari upplýsingum.
Minningargreinar
Steinsmiðjan MOSAIK
Hamarshöfða 4 • 110 Reykjavík • sími 587 1960 • www.mosaik.is
MIKIÐ ÚRVAL AF LEGSTEINUM
OG FYLGIHLUTUM
Sendum myndalista
✝
Ástkær eiginkona mín, móðir, tengdamóðir, amma
og langamma,
KRISTÍN ANNA BALDVINSDÓTTIR,
Fossheiði 62,
Selfossi,
andaðist miðvikudaginn 26. ágúst.
Hún verður jarðsungin frá Selfosskirkju laugar-
daginn 5. september kl. 13.30.
Geir Grétar Pétursson,
Grétar Pétur Geirsson, Brynhildur Fjölnisdóttir,
Heimir Freyr Geirsson, Margrét Þuríður Sverrisdóttir,
Sævar Helgi Geirsson,
Anna Lea Geirsdóttir,
barnabörn og barnabarnabörn.