Morgunblaðið - 04.09.2009, Blaðsíða 17

Fréttir 17VIÐSKIPTI | ATVINNULÍF
MORGUNBLAÐIÐ FÖSTUDAGUR 4. SEPTEMBER 2009
Eftir Þorbjörn Þórðarson
thorbjorn@mbl.is
ENDURSKIPULAGNING Byrs
sparisjóðs er nú á lokastigi en allir
erlendir kröfuhafar sparisjóðsins,
alls nítján að tölu hafa skrifað undir
samkomulag sem felur m.a. í sér
niðurfellingu og afskrift krafna á
hendur sparisjóðnum, samkvæmt
heimildum Morgunblaðsins.
Stærstu kröfuhafarnir eru þýsku
bankarnir HSH Nordbank og Bay-
erische Landesbank og austurríski
bankinn Raiffeisen Zentralbank Ös-
terreich (RZB) sem er þriðji stærsti
banki Austurríkis og var, eins og
þýsku bankarnir, mjög virkur í lán-
veitingum til Íslendinga.
Byr nýtti sér ákvæði í neyðarlög-
unum og sótti um 10,6 milljarða
króna stofnfjárframlag frá ríkis-
sjóði, en umsókn Byrs er ófrágeng-
in í fjármálaráðuneytinu.
Ekki liggur fyrir hversu stóran
stofnfjárhlut ríkissjóður fær í Byr
sparisjóði í staðinn.
Ragnar Z. Guðjónsson, forstjóri
Byrs, segir að starf þýsks banka-
sérfræðings hafi skipt sköpum fyrir
endurskipulagninguna. Ekki aðeins
af þeirri ástæðu að helstu viðsemj-
endur eru þýskumælandi. „Hann er
mikill fagmaður og hann hefur
komið að svona verkefnum margoft
og það auðveldar öll samskipti.“
Endurreisn Byrs að ljúka
Morgunblaðið/Kristinn
Fagmennska Forstjóri Byrs segir að vinna þýsks bankasérfræðings hafi
skipt sköpum. Stærstu kröfuhafar Byrs eru þýskir og austurrískir bankar.
 Kröfuhafar fella niður kröfur sínar  Vinna Þjóðverjans
skipti sköpum fyrir endurskipulagningu, segir forstjóri
VÖRUSKIPTA-
JÖFNUÐUR
landsmanna í
síðastliðnum
mánuði var hag-
stæður um 12,6
milljarða kr. Út-
flutningur nam
44,1 ma. kr. og
innflutningur
31,5 ma. kr.
Þetta kemur
fram í tölum Hagstofunnar, sem
bendir á að nú hafi vöruskiptin ver-
ið hagstæð tólf mánuði í röð. Hag-
stofan segir nú að afgangur á vöru-
skiptum hafi verið ofmetinn um
tæplega 8 milljarða króna fyrstu
sjö mánuði ársins vegna vanskila á
tollskýrslum. Á þessum tímapunkti
sé hins vegar um að ræða meira
verðmæti útfluttra sjávarafurða og
iðnaðarvara og minna verðmæti
innflutts eldneytis í ágúst sl. miðað
við júlí.
IFS greining fjallar um vöru-
skiptajöfnuðinn í pistli í gær. Þar
segir að þrátt fyrir að útflutningur
hafi verið ofmetinn á fyrstu sjö
mánuðum ársins svari það ekki
spurningum um veikingu krón-
unnar. Fall krónunnar í sumar
valdi áhyggjum og fáar haldgóðar
vísbendingar um þá staðreynd séu
finnanlegar. sbs@mbl.is
Vöruskipta-
jöfnuðurinn
áfram í plús
Fiskur Fluttur út
fyrir gjaldeyri
SKRÁNING
hlutabréfa Öss-
urar hf. í kaup-
höll Nasdaq
OMX í Kaup-
mannahöfn hef-
ur verið sam-
þykkt.
Hlutabréf Öss-
urar verða op-
inberlega skráð
og tekin til við-
skipta í dag, 4. september. Hluta-
bréf Össurar verða áfram skráð í
Kauphöll Íslands.
Útgefið hlutafé Össurar er 423
millj. kr. og skiptist á jafn marga
hluti. Í gær var gengi bréfa í Öss-
uri 121,5 kr. og samkvæmt því er
markaðsvirðið um 50 ma. kr.
„Við munum áfram leggja metn-
að okkar í að þjóna núverandi
hluthöfum sem og nýjum,“ segir
Jón Sigurðsson forstjóri Össurar á
vefsetri fyrirtækisins. Þar segir að
frá því félagið var skráð á hluta-
bréfamarkað hafi sala þess tutt-
ugufaldast og Össur sé nú al-
þjóðlegt fyrirtæki. Skráning í
Kaupmannahöfn er eðlilegt fram-
hald. „Skráningunni er ætlað að
auka viðskipti með hlutabréf í fé-
laginu, stuðla að eðlilegri verð-
myndun þeirra og styðja við fram-
tíðarvöxt.“ sbs@mbl.is
Össur á
markað í
Danmörku
Jón Sigurðsson for-
stjóri Össurar.