Morgunblaðið - 20.10.2009, Qupperneq 11

Fréttir 11INNLENT
MORGUNBLAÐIÐ ÞRIÐJUDAGUR 20. OKTÓBER 2009
Eftir Sigurð Boga Sævarsson
sbs@mbl.is
SÍÐDEGIS í gær voru 26 sjúklingar
inniliggjandi á Landspítalanum
vegna svínaflensunnar, þar af fjórir
á gjörgæsludeild. Um sextíu manns
hafa verið lagðir inn á spítalann frá
upphafi faraldursins og þar af fimm
frá því sl. föstudag. Þrír voru útskrif-
aðir um helgina.
Inflúensan færist í aukana, eink-
um á höfuðborgarsvæðinu en einnig
út um land. Síðustu þrjár vikur lætur
nærri að staðfest tilfelli hafi tvöfald-
ast að fjölda milli vikna. Álag hefur
að sama skapi aukist á starfsfólk
heilbrigðisþjónustu.
Ekki hetjudáðir í heimahúsum
„Það hve margir eru inniliggjandi
á gjörgæslu og almennum deildum af
völdum inflúensunnar er mælikvarði
á alvarleikann,“ sagði Már
Kristjánsson yfirmaður smitsjúk-
dómadeildar Landspítalans, á blaða-
mannafundi í gær. Aðspurður sagð-
ist Már ekki geta greint nákvæmlega
frá líðan þeirra sjúklinga sem nú eru
á gjörgæslu. Það lægi hins vegar í
orðanna hljóðan að sjúklingar væru
ekki vistaðir á slíkri deild nema
ástand þeirra væri alvarlegt. Már
sagði mikilvægt að fólk sem teldi sig
vera með einkenni flensu leitaði að-
stoðar.
„Fólk sem er veikt á ekki að
drýgja hetjudáðir í heimahúsum
heldur leita meðferðar sem fyrst,“
segir Már.
Fólk með undirliggjandi sjúkdóma
er í mesta áhættuhópnum vegna
flensunnar, svo sem þeir sem eru
með hjarta- og öndunarfæra-
sjúkdóma en einnig nýrnabilun og
skorpulifur og eða eiga í baráttu við
krabbamein. Áberandi er að þeir
sem veikst hafa af flensunni hafa
fengið svæsna lungabólgu sem hefur
farið djúpt ofan í lungnavefi.
Áætlanir hafa staðist
Fram kom á blaðamannafundinum
í gær að samkvæmt reynslu úr Eyja-
álfu væru tveir af hverjum þremur
sem veikst hafa af flensunni þar með
undirliggjandi sjúkdóma en
þriðjungur ekki. Mætti ætla að þetta
hlutfall væri á svipuðu róli hér.
Ólafur Baldursson, framkvæmda-
stjóri lækninga á Landspítalanum,
segir áætlanir sem gerðar voru í að-
draganda farsóttarinnar hafa stað-
ist. Hann segir sóttina þó vissulega
taka í. Sjúklingarnir sem liggja á
ýmsum deildum sjúkrahússins eru
sem fyrr segir 26, ámóta margir og
einn sjúkragangur tekur.
„Auðvitað tekur þetta á, nú á
niðurskurðar- og þrengingatímum,“
segir Már sem bætir við að öll al-
menn starfsemi sjúkrahússins gangi
þó greitt fyrir sig. Birgðahald svo
sem vegna lyfja sé í öruggum far-
vegi og sama megi segja um þætti er
snúa að starfsfólki en 80% þess hafa
nú verið bólusett gegn flensunni og
er því verkefni nánast lokið.
„Bólusetning heilbrigðisstarfs-
fólks var mikilvæg. Þegar fólk með
flensuna lagðist inn á spítalann fór
starfsfólk að veikjast. Því vildum við
hraða bólusetningu þess, enda mik-
ilvægt að það standi sem lengst svo
það geti veitt sjúkum aðstoð,“ segir
Haraldur Briem smitsjúkdóma-
læknir. Hann segir að nú sé að hefj-
ast bólusetning fólks sem sinnir
störfum til dæmis á sviði örygg-
isþjónustu og þeirra sem eru með
undirliggjandi sjúkdóma. Í fram-
haldinu kemst fólkið á götunni í
bólusetningu, eða eins og bóluefnið
dugar til og svigrúm heilsugæsl-
unnar leyfir.
Flensan er að færast í aukana
 26 sjúklingar á Landspítala vegna svínaflensu  Tilfelli tvöfaldast milli vikna Fimm lagðir inn um
helgina  Áætlanir sjúkrahússins hafa staðist  Bólusetningu heilbrigðisstarfsfólks er að ljúka
Morgunblaðið/RAX
Flensa Már Kristjánsson frá smitsjúkdómadeild Landspítala, Ólafur Baldursson, framkvæmdastjóri lækninga
Landspítala, Haraldur Briem sóttvarnalæknir og Rögnvaldur Ólafsson hjá almannavarnadeild RLS á fundi í gær.
Í HNOTSKURN
»Um 60 manns hafa veriðlagðir inn á Landspítala frá
upphafi flensufaraldursins.
»Síðustu þrjár vikur hafastaðfest tilfelli nær tvöfald-
ast að fjölda milli vikna.
»Bólusetning fólks sem sinn-ir störfum á sviði örygg-
isþjónustu og þeirra sem eru
með undirliggjandi sjúkdóma
er nú að hefjast.
»Það hve margir eru inni-liggjandi á gjörgæslu og al-
mennum deildum af völdum
inflúensunnar er mælikvarði á
alvarleika hennar.
Alls 26 manns sem hafa veikst af
svínaflensunni liggja nú á Land-
spítala. Tilfellunum fjölgar stöð-
ugt. Bólusetning gengur vel fyrir
sig og starfsemi sjúkrahússins
hefur ekki raskast.