Skinfaxi - 01.08.2011, Blaðsíða 16

16 SKINFAXI – tímarit Ungmennafélags Íslands
Þegar Unglingalandsmótið var sett á
Egilsstöðum tilkynnti Helga Guðrún
Guðjónsdóttir, formaður UMFÍ, hvar
Unglingalandsmótin 2013 og 2014 yrðu
haldin. Stjórn UMFÍ ákvað að mótið
2013 færi fram á Hornafirði og 2014 yrði
mótið á Sauðárkróki. Eins og áður hefur
komið fram verður Unglingalandsmót
UMFÍ 2012 haldið á Selfossi.
Ungmennasamband Eyjafjarðar, UMSE,
var valið fyrirmyndarfélagið á 14. Ungl-
ingalandsmóti Ungmennafélags Íslands.
Það var Helga Guðrún Guðjónsdóttir, for-
maður UMFÍ, sem tilkynnti þessa niður-
stöðu á lokaathöfn mótsins á Vilhjálms-
velli. Innganga UMSE vakti mikla athygli
og var mikill metnaður lagður í hana af
hálfu héraðssambandsins. Umgjörð sam-
bandsins var sömuleiðis til fyrirmyndar
á mótinu. Þess má geta að HSÞ var valið
fyrirmyndarfélagið í fyrra á mótinu sem
haldið var í Borgarnesi.
Félagar í UMSE fagna
innilega við afhend-
ingu fyrirmyndar-
bikarsins á Unglinga-
landsmótinu á Egils-
stöðum.
UMSE fyrirmyndarfélagið
Í mótslok á Unglingalandsmótinu á Egils-
stöðum afhenti Helga Guðrún Guðjóns-
dóttir, formaður UMFÍ, Elínu Rán Björns-
dóttur, formanni UÍA, Sigurðarbikarinn.
Þetta var í fjórða sinn sem bikarinn er
afhentur en hann er gefinn til minningar
um Sigurð Geirdal, fyrrverandi fram-
kvæmdastjóra UMFÍ. Gefendur eru
Hafsteinn Þorvaldsson, fyrrverandi for-
maður UMFÍ, og Jónas Ingimundarson,
fyrsti formaður Ungmennafélagsins Þórs í
Þorlákshöfn, sem var stofnað 1960. Bikar-
inn er afhentur í mótslok því héraðssam-
bandi sem heldur Unglingalandsmót hverju
sinni. Bikarinn er því í varðveislu UÍA fram
að næsta móti sem haldið verður á Selfossi.

Elín Rán Björnsdóttir, formaður UÍA,
tekur við Sigurðarbikarnum.
Sigurðarbikarinn
afhentur í mótslok
Unglingalandsmót á Hornafirði
2013 og á Sauðárkróki 2014
Höfn í Hornafirði Sauðárkróki