Skinfaxi - 01.08.2011, Síða 20
20 SKINFAXI – tímarit Ungmennafélags Íslands
Dagur íslenskrar náttúru
Ungmennafélag Íslands efndi til herferð-
ar með útvarpsstöðinni Bylgjunni þar sem
brýnt var fyrir landsmönnum að ganga vel
um landið. Helga Guðrún Guðjónsdóttir,
formaður UMFÍ, var í viðtali á Bylgjunni í
morgunþætti stöðvarinnar.
Umhverfisráðherra veitti fjölmiðlaverð-
laun í tilefni dagsins en ætlunin er að veita
slík verðlaun árlega hér eftir. Verðlaunin í
ár hlaut Ragnar Axelsson, ljósmyndari á
Morgunblaðinu. Í rökstuðningi dóm-
nefndar segir:
Sá sem hlýtur Jarðarberið hefur verið
óþreytandi við að sýna okkur náttúru
Dagur íslenskrar náttúru var haldinn hátíðlegur víða um land
16. september sl. Efnt var til margra viðburða víða um land í
tilefni dagsins, þar sem almenningur, skólabörn, náttúru-
fræðingar, fjölmiðlar, háskólafólk, ráðamenn, sendiherrar,
sveitarstjórnarfólk og fjöldi annarra hafa komið við sögu.
Íslands á myndrænan hátt. Ragnar Axels-
son ljósmyndari eða Rax, hefur sérstak-
lega beint sjónum að samspili manns og
náttúru á langri starfsævi. Rax hefur bent
á að náttúran er voldug en um leið við-
kvæm. Og örlög manns og náttúru eru
óaðskiljanleg. Það er því mikilvægt fyrir
manninn að stíga varlega til jarðar, með
auðmýkt, ábyrgð og virðingu. Þessi sjónar-
mið Rax, nálgun hans við myndefnið og
listræn framsetning hafa skipað honum í
fremstu röð ljósmyndara á heimsvísu, gert
náttúru Íslands sýnilega í fjölmiðlum og
fengið tækifæri til að tala sínu eigin máli.
Ný háskólastofnun, Líf- og umhverfis-
vísindastofnun, tók formlega til starfa við
Háskóla Íslands. Í framhaldi af setningar-
athöfn stofnunarinnar var efnt til málþings
um gildi íslenskrar náttúru í Öskju. Erlendir
sendiherrar létu ekki sitt eftir liggja því að
þeir unnu að endurbótum á gönguleið að
Leiðarenda við Bláfjallaafleggjara.
Almenningi gafst kostur á að taka til
hendinni við náttúruvernd, nánar tiltekið
við viðhald göngustíga á leiðinni upp
Esjuna.
Félag áhugafólks um íþróttir aldraðra,
FÁÍA, hélt árlega púttkeppni sína fyrir
60 ára og eldri á púttvellinum við Gull-
smára í Kópavogi. Þátttakan í mótinu
hefur aldrei verið meiri en um 70 kepp-
endur skráðu sig til leiks. Mótið var
keppni á milli einstaklinga og liða. Hver
félagsmiðstöð eða aðrir staðir þar sem
Metþátttaka á púttmóti hjá FÁÍA
aldraðir æfa pútt gátu sent lið til keppni. Í
hverju liði voru fjórir leikmenn og leyfilegt
er að vera með einn varamann. Einstakl-
ingar án liðs gátu einnig skráð sig til leiks.
Í einstaklingskeppninni háðu Karl Lofts-
son, Mosfellsbæ, og Hilmar N. Þorleifsson,
Gullsmára, bráðabana en báðir léku þeir á
66 höggum. Að lokum fór svo að Karl stóð
uppi sem sigurvegari. Hilmar hlaut
annað sæti og í þriðja sæti hafnaði
Hreinn Bergsveinsson, Golfklúbbi Ness,
á 67 höggum.
Í sveitakeppninni sigraði Gullsmári
á 278 höggum, Mosfellsbær lék á 283
höggum og Golfklúbbur Ness á 287
höggum.
Frá keppninni í
Gullsmáranum í
Kópavogi og verð-
launaafhending-
unni.