Skinfaxi - 01.08.2011, Qupperneq 32
32 SKINFAXI – tímarit Ungmennafélags Íslands
Á þessu ári eru 100 ár liðin síðan Tryggvi
Gunnarsson athafnamaður gaf Ungmenna-
félagi Íslands spildu úr landi Öndverðar-
ness í Grímsnesi til eignar sem síðar hlaut
nafnið Þrastaskógur. Stjórn UMFÍ skipaði
100 ára afmælisnefnd Þrastaskógar. Í henni
sátu Björn B. Jónsson formaður, Einar Kr.
Jónsson og Jón Sævar Þórðarson.
Í tilefni af afmæli skógarins var sett upp
veglegt upplýsingaskilti um skóginn við
Þrastalund. Á skiltinu eru kort af skóginum
með gönguleiðum og örnefnum, upplýs-
ingar um gefandann og saga skógarins
sett fram í stuttu máli. Einnig var hliðið
fræga, sem Ríkarður Jónsson hannaði fyrir
80 árum, lagfært og sett í upprunalegt horf.
Hópur ungmenna frá Selfossi gekk alla
göngustíga skógarins í sumar og tíndi rusl
og klippti slútandi greinar. Fyrr á árinu
voru tré og runnar fjarlægð frá göngustíg-
um þar sem þrengdi að gangandi fólki.
Þrastaskógur skartaði því sínu fegursta á
aldarafmæli skógarins.
Afmælisskógargöngur
Í júlímánuði sl. var boðið upp á afmælis-
skógargöngur öll þriðjudagskvöld kl. átta.
Nær tvö hundruð manns mættu í þessar
göngur. Hver ganga hafði ákveðið þema
þar sem nokkrir einstaklingar skiptu á milli
sín leiðsögn. Fyrst var saga skógarins sem
Björn B. Jónsson og Einar Kr. Jónsson
leiddu, þar næst lífið í skóginum sem var
undir leiðsögn dr. Bjarna Diðriks Sigurðs-
sonar, síðan fuglar í skóginum sem Örn
Óskarsson líffræðingur sá um og síðast
var tekin fyrir almenn skógrækt þar sem
Böðvar Guðmundsson var í leiðsögn.
100 ár liðin síðan Tryggvi Gunnarsson gaf UMFÍ Þrastaskóg:
Um 200 manns tók þátt í
Þrastaskógargöngum
Árvissar skógargöngur
„Við vorum mjög ánægð með viðtökur
almennings í skógargöngunum í sumar
og þær fóru reyndar fram úr okkar björt-
ustu vonum. Það hafa margir sett sig í
samband og spurt hvort göngurnar verði
ekki árviss viðburður hér eftir. Þetta sýnir
að göngurnar hittu svo sannarlega í mark,“
sagði Björn B. Jónsson, formaður afmælis-
nefndar Þrastaskógar, í samtali við Skinfaxa.
Björn sagði að tímamótanna hefði verið
minnst með ýmsum hætti.
Upplýsingaskilti og hlið
Ríkarðs Jónssonar
„Við vorum með hópa af ungu fólki sem
hreinsaði skóginn vel. Við gerðum enn-
fremur aðgengið að skóginum betra
þannig að búið er að klippa greinar sem
voru farnar að vaxa inn í göngustíga. Það
eru ákveðin minnismerki í skóginum sem
ber að varðveita, eins og hliðið sem Rík-
arður Jónsson hannaði og teiknaði á sín-
um tíma. Hliðið er orðið 80 ára gamalt og
var ákveðið taka það í gegn og koma því í
upprunalega mynd. Þessu er lokið og við
settum meira að segja réttan lit á hliðið.
Hliðið á því nú að vera nákvæmlega eins
og það var upphaflega. Við höfum einnig
komið upp veglegu upplýsingaskilti sem
er sex metrar á breidd og tveir metrar á
hæðina. Skiltið á vonandi eftir að nýtast
mörgum sem eiga eftir að koma í skóginn
í framtíðinni. Við gerðum því mikið að
því að minnast afmælisins með því opna
skóginn betur og gera hann aðgengilegri
fyrir almenning,“ sagði Björn B. Jónsson.
Í skógargöngu í
Þrastaskógi í sum-
ar. Björn B. Jónsson,
fyrrverandi for-
maður UMFÍ, segir
frá sögu Þrasta-
skógar.
Bjarni Dagur
Sigurðsson, skóg-
fræðingur, segir frá
lífinu í skóginum.
Alls voru haldnar
fjórar skógargöng-
ur í tilefni 100 ára
afmælis Þrasta-
skógar.