Organistablaðið - 01.11.1970, Page 26

MAGNÚS PÁLSSON
Magnús Pálsson fæddist að
Hvalsnesi 2. ágúst 1892 og ól þar
allan aldur sinn, en 'hann andað-
ist 17. júlí s.l.
Hann átti ekki kost á skóla-
göngu umfram það, sem nægði
til fermingar og ibyrjaði barn-
ungur að stunda sjó. Snemma bar
á, liversu laginn hann var við
alls konar smíðar og varð hann
ungur víðkunnur og eftirsóttur
hátasmiður. Á efri árum gerði
liann líkön af gömlum, þekktum
þilskipum og bátuin, og má sjá
m. a. 2 slík í Þjóðminjasafninu, sem 'bera vitni ágætum hagleik hans
og óvenju næmu smiðsauga.
Ungur söng hann við messur í Hvalsneskirkju, en kom ekki að
öðru leyti í snertingu við tónlistina fyrr en árið 1918, er hann að
beiðni prestsins þar, sr. Fr. Rafnars, tók að sér að nema orgelspil
(hjá Þorláki organista í Akurhúsum, Garði) en fyrirsjáanlegt var,
að kirkjan yrði organistalaus innan tíðar. Orgelnám hans varð ekki
lengra en nokkrir mánuðir og tók hann við starfinu ári seinna, 1919,
og gegndi því síðan samfellt í 43 ár, unz heilsan hilaði.
Með náminu vaknaði brennandi áhugi 'hans á tónlistinni og hæfi-
leikar hans í þá átt tóku brátt að segja til sín. Með sjálfsnámi gerð-
ist hann brátt góður organleikari og einkar laginn söngstjóri. Túlkun
hans á viðfangsefnum bar vitni um góðan smekk og hlýtt hjartalag.
Margvíslegur sómi, sem honum var sýndur á tímamótum, bendir til
hversu farsæll og vinsæll hann var í starfi.
Milli 20 og 30 sönglög samdi Magnús um dagana, flest í ákveðnu
tilefni, og voru þau ýmist flutt af kirkjukór eða karlakór, eftir því
sem á stóð. Sjálfur raddsetti hann lög sín og fórst það vel úr hendi,
þvi að eðlisgreindin var rnikil. — Kirkjukór Hvalsneskirkju hyggst
innan skamms gefa út þessi lög Magnúsar.
Magnús var meðalmaður á hæð, þéttvaxinn, kraftalegur enda jötun-
26 ORGANISTABLAÐIÐ