Morgunblaðið - 20.01.2010, Blaðsíða 8

8 FréttirINNLENT
MORGUNBLAÐIÐ MIÐVIKUDAGUR 20. JANÚAR 2010
Í TILEFNI af 100 ára afmæli
Vatnsveitu Reykjavíkur 2009, hef-
ur Orkuveita Reykjavíkur (OR)
ákveðið að bjóða öllum 4. og 5.
bekkjar nemendum í Grunnskólum
Reykjavíkur á leiksýninguna Bláa
gullið sem fjallar um margbreyti-
leika vatnsins. Leikfélagið Opið út
setur upp sýninguna í samvinnu
við Borgarleikhúsið og var hún
frumsýnd á litla sviðinu hinn 10.
október sl. í leikstjórn Charlottu
Böving. Sýningin hefur það að
markmiði að áhorfendur sjái vatn
í nýju ljósi og upplifi margbreyti-
leika, mikilvægi og töfra bláa
gullsins.
Samstarf OR og Bláa gullsins
Bjóða á Bláa gullið
LAUGARDAGINN nk. kl. 10-16.30
fer fram afmælis- og kynningar-
fundur GSA-samtakanna á Íslandi, í
Vídalínskirkju í Garðabæ. Allir eru
hjartanlega velkomnir.
GSA (Greysheeters Anonymous)
er hópur fólks sem sameiginlega
stefnir á að leysa matarfíknar- og
átröskunarvandamál sín. Til þess
að gerast félagi í GSA þarf aðeins
eitt; löngun til að hætta hömlulausu
ofáti. GSA byggist á Gráu síðunni
og 12 spora kerfi AA-samtakanna
til að byggja upp fráhald frá ofáti
og og býður upp á félagsskap þar
sem fólk getur deilt reynslu sinni
og fengið þann stuðning sem þarf.
Kynningarfundur
um matarfíkn
JAFNRÉTTISSTOFA og sam-
göngu- og sveitarstjórnarráðu-
neytið hafa gefið út bæklinginn
„Eflum lýðræðið – konur í sveitar-
stjórn“ sem ætlað er að hvetja
konur til að bjóða sig fram til
sveitarstjórnarstarfa.
Í bæklingnum hvetja sveitar-
stjórnarkonur úr öllum flokkum
og öllum kjördæmum konur til að
gefa kost á sér til sveitarstjórnar-
starfa og hafa þannig áhrif á sitt
nærumhverfi.
Þrátt fyrir að hlutfall kvenna í
sveitarstjórnum hafi aukist mikið
síðustu áratugina hallar enn veru-
lega á konur.
Við sveitarstjórnarkosningarnar
2006 voru kjörnar 189 konur í
sveitarstjórnir, eða 36% og 340
karlar eða 64%. Í fimm sveitar-
félögum var engin kona kjörin í
sveitarstjórn.
Vilja fjölga konum
Morgunblaðið
var á síðasta
ári mest lesið
á vefnum tima-
rit.is. Þar er
meðal annars
hægt að lesa
dagblöð og tímarit frá fyrri árum.
Fram kemur á vefnum, að mestur
áhugi hefur verið á 20. aldar dag-
blöðunum, en listinn yfir 10 mest
lesnu ritin á síðasta ári er eftirfar-
andi:
Morgunblaðið 37,8%, Tíminn
8,8%, Dagblaðið-Vísir – DV 6,3%,
Alþýðublaðið 5,9%, Vísir 4,8%,
Þjóðviljinn 3,9%, Fréttablaðið
3,5%, Lesbók Morgunblaðsins
3,3%, Dagur 1,2% og Verkamað-
urinn 1,1%.
Morgunblaðið
langmest lesið
STUTT
FRÉTTASKÝRING
Eftir Steinþór Guðbjartsson
steinthor@mbl.is
SÍÐASTI vinnudagur Íslensku alþjóðabjörg-
unarsveitarinnar á Haítí var í gær en sveitin er
væntanleg aftur til Íslands annað kvöld. Síðasta
verkið var að leita að fólki í rústum Montana-
hótelsins í Port-au-Prince, en starfsmenn Samein-
uðu þjóðanna, sem voru við störf á Haítí, og fjöl-
skyldur þeirra voru á hótelinu þegar skjálftinn
reið yfir fyrir rúmri viku.
Vonin um að finna fólk á lífi í rústunum veikist
með hverjum degi og ætla má að aðstoð björg-
unarsveita ljúki í vikunni. Íslenska sveitin fann
þrjár konur á lífi fyrsta daginn og samtals fundust
fimm manns á lífi í rústum í fyrradag.
Gísli Ólafsson björgunarsveitarmaður segir að
sveitin hafi verið í mikilli öryggisgæslu í gær og
fyrradag vegna starfanna í miðbænum en allt hafi
gengið eðlilega fyrir sig. Sem fyrr hafi heima-
menn verið mjög vingjarnlegir og þakklátir fyrir
veitta aðstoð.
Blendnar tilfinningar
„Það fylgja því blendnar tilfinningar að fara
héðan,“ segir Gísli. „Verkefnin eru rétt að byrja
og við gætum verið hérna í marga mánuði við að
reyna að hjálpa.“ Hann bætir við að margar sveit-
ir hafi verið að störfum undanfarna daga og nán-
ast sé búið að leita í öllum rústum höfuðborg-
arinnar. „Verkefni rústabjörgunarsveita fara því
minnkandi mjög hratt héðan í frá en við höfum
verið á fullu allan tímann og sýnt fram á það að við
erum með mjög öfluga sveit á heimsmælikvarða.“
Fyrir helgi tilkynnti Össur Skarphéðinsson
utanríkisráðherra að stjórnvöld hefðu ákveðið að
veita um sjö milljónir króna til neyðaraðstoðar
Sameinuðu þjóðanna á Haítí og Rauði krossinn á
Íslandi, Unicef og Hjálparstarf kirkjunnar hafa
safnað um 30 milljónum króna til styrktar hjálp-
arstarfinu og Húmanistar eru líka með söfnun.
Gísli áréttar að hjálparstarfið sé rétt að byrja
og að mörgu þurfi að hyggja. Þar geti Íslendingar
vissulega lagt hönd á plóg. „Rústabjörgunin er
bara fyrsti hlutinn sem gerist eftir jarðskjálfta og
stendur yfir í viku eða tíu daga en síðan tekur við
mikil vinna næstu árin og hér eru mörg tækifæri
fyrir Íslendinga til þess að hjálpa til.“ Í því sam-
bandi nefnir hann heilbrigðisaðstoð og aðstoð í
sjávarútvegsmálum.
Utanríkisráðuneytið skipuleggur heimkomu
sveitarinnar. Þota frá Iceland Express var tekin á
leigu og var áætlað að hún færi í loftið um klukkan
fjögur í nótt og kæmi til baka á fimmtudagskvöld.
Urður Gunnarsdóttir, fjölmiðlafulltrúi
utanríkisráðuneytisins, segir að stefnt sé að því að
vélin verði sem styst á Haítí, 60 til 90 mínútur, en
síðan verði flogið til Nassau á Bahamaeyjum þar
sem hvílst verði yfir nóttina og eldsneyti tekið fyr-
ir flugið aftur til Íslands. „Það er ekkert eldsneyti
að fá á Haítí,“ segir Urður og bætir við að flókið
mál sé að fá lendingarleyfi í Port-au-Prince.
Fimm tonn af búnaði
Rauði krossinn sendi 5 tonn af búnaði með vél-
inni til Haítí og Friðbjörn Sigurðsson læknir fór
með til þess að starfa með læknateymi þýska
Rauða krossins í einn mánuð. „Við reynum að
uppfylla ýmsar sérþarfir,“ segir Sólveig Ólafs-
dóttir sviðsstjóri, en í sendingunni eru meðal ann-
ars 1.000 skyndihjálparpakkar fyrir teymi sem
veita slösuðum skyndihjálp á Haítí, loftkæliein-
ingar fyrir skurðstofur í tjaldsjúkrahúsum, raf-
stöðvar og rafalar fyrir sjúkrahús, sjúkrateymi og
búðir hjálparstarfsmanna. Sólveig segir að erfitt
hafi verið að safna saman búnaði í skyndihjálp-
arpakkana því fyrirtæki séu ekki með sárabindi
og annað slíkt í miklu magni á lager.
Mikil vinna eftir
Dagbjartur Kr. Brynjarsson, einn af fimm
stjórnendum íslensku alþjóðabjörgunarsveit-
arinnar, segir að starfi björgunarsveitarinnar á
vettvangi sé lokið en nú taki við nákvæm skýrslu-
gerð og upplýsingagjöf. Ennfremur þurfi að gera
búnaðinn úthaldsfæran fyrir næsta verkefni. Alla
hluti þurfi að yfirfara, bæta við þar sem þarf, skrá
og skipuleggja. „Við eigum mikla vinnu fyrir
höndum,“ segir hann.
„Erum með öfluga sveit
á heimsmælikvarða“
Íslenska alþjóðabjörgunarsveitin væntanleg til Íslands frá Haítí annað kvöld
Ljósmynd/Landsbjörg
Stund á milli stríða Dagarnir hafa verið langir hjá Íslensku alþjóðabjörgunarsveitinni á Haítí en
björgunarsveitarmenn vita hvað næringin í föstu og fljótandi formi er mikilvæg.
TN Software, dótturfélag Nýherja, hefur hannað
upplýsingavefgáttina oneresponse.info fyrir
Sameinuðu þjóðirnar og er hún meðal annars
notuð til þess að samræma hjálparstarfið á
Haítí.
Magnús Ingi Stefánsson, hópstjóri hjá TM
Software, segir að Microsoft leggi mikið til
mannúðarmála. TM Software hafi byrjað að
vinna að ákveðnum lausnum með Microsoft í
Myanmar 2008 og aðlagað þær fyrir heilbrigð-
isyfirvöld í Mexíkó vegna H1N1-flensunnar í
fyrra. Lausnin hafi síðan verið notuð í löndum
sem njóti þróunaraðstoðar SÞ og sé sérstaklega
mikið notuð í Pakistan.
Að sögn Magnúsar Inga byggist lausnin á því
að halda utan um öll samskipti við allar hjálp-
arstofnanir í viðkomandi löndum. Vegna Haítí
hafi verið sett upp síða þar sem allar hjálp-
arstofnanir hafi verið skilgreindar. Allar upplýs-
ingar séu því á sama stað og því sé mun auð-
veldara að taka markvissari, hraðari og betri
ákvarðanir en áður.
Íslensk vefgátt notuð til að samræma hjálparstarfið
Íslenska alþjóðabjörgunarsveitin hefur lokið
björgunarverkefni sínu á Haítí og er væntan-
leg aftur til Íslands annað kvöld, en utanríkis-
ráðuneytið leigði þotu til að ná í hópinn og
átti hún að fara í loftið undir morgun.