Morgunblaðið - 20.01.2010, Blaðsíða 9

Fréttir 9INNLENT
MORGUNBLAÐIÐ MIÐVIKUDAGUR 20. JANÚAR 2010
ALLS hafa 10 þeirra 14 borgar-
ráðsfulltrúa sem setið hafa í ráðinu
á þessu kjörtímabili mætt á yfir
80% borgarráðsfunda, eða rúmt
71% þeirra funda sem boðað var til
þann tíma sem þeir sátu í borgar-
ráði.
Hæst er mætingarhlutfall Óskars
Bergssonar, en Óskar hefur mætt á
96% þeirra funda sem boðað hefur
verið til frá því hann tók sæti í
borgarráði í janúar 2008. Er Óskar
einn fjögurra borgarfulltrúa sem
sátu 90% funda eða fleiri. Af þeim
sem lengst hafa setið í borgarráði
er Kjartan Magnússon hins vegar
með bestu mætinguna. Hann hefur
setið í borgarráði lengst af kjör-
tímabilinu og á þeim tíma sótt 124
af 138 fundum, eða 90%.
Fæsta fundi sótti hins vegar Árni
Þór Sigurðsson sem mætti á 14
fundi af 25 og svarar það til 56%
mætingarhlutfalls.
annaei@mbl.is
Yfir 70% fulltrúa hafa mætt
á yfir 80% funda borgarráðs
Fundarseta í borgarráði
Fundir borgarráðs á tímabilinu júní 2006 til loka árs 2009 voru alls 152 talsins og skiptust á sjö
tímabil. Ekki hafa sömu borgarfulltrúar setið í borgarráði allt kjörtímabilið og tekur prósentu-
reikningur mið af mætingu þeirra þann tíma sem þeir sátu í borgarráði.
Flokkur Fundarmæting Hlutfall
Óskar Bergsson 81 af 84 96%
Margrét K. Sverrisdóttir 11 af 12 92%
Þorleifur Gunnlaugsson 21 af 23 91%
Kjartan Magnússon 124 af 138 90%
Júlíus Vífill Ingvarsson 50 af 57 88%
Björk Vilhelmsdóttir 71 af 82 87%
Björn Ingi Hrafnsson 59 af 68 87%
Hanna Birna Kristjánsdóttir 81 af 94 86%
Dagur B. Eggertsson 114 af 138 83%
Vilhjálmur Þ.Vilhjálmsson 79 af 98 81%
Gísli Marteinn Baldursson 71 af 94 76%
Svandís Svavarsdóttir 59 af 86 69%
Steinunn Valdís Óskarsdóttir 36 af 55 65%
Árni Þór Sigurðsson 14 af 25 56%
Svör víxluðust
Í blaði sem fylgdi Morgunblaðinu í
gær, Handbók EM 2010, urðu þau
mistök að svör Sigurðar Gunn-
arssonar og Péturs Helgasonar víxl-
uðust. Eiríkur Einarsson, ritstjóri
Handbókarinnar, vill koma því á
framfæri að hann biðjist velvirð-
ingar vegna þessara mistaka.
LEIÐRÉTT
Eftir Rúnar Pálmason
runarp@mbl.is
FARI svo að ekki náist samningar í
Icesave-deilunni og ef Bretar og
Hollendingar kysu að höfða mál
vegna þess fyrir íslenskum dóm-
stólum gæti slíkur málarekstur tekið
á bilinu eitt til þrjú ár, að mati
tveggja lögfræðinga sem þekkja vel
til starfsemi dómstólanna.
Lögfræðingarnir báðust undan
því að nöfn þeirra kæmu fram stöðu
sinnar vegna og þar sem afar erfitt
væri að áætla málshraðann.
En þótt erfitt sé að leggja mat á
málshraðann er það ekki algjörlega
ómögulegt að því gefnu að tekið sé
tillit til skekkjumarka.
Ýmislegt gæti tafið
Færi svo að bresk og hollensk
yfirvöld myndu höfða mál gegn
Tryggingarsjóði innistæðueigenda
eða íslenskum stjórnvöldum fyrir að
hafa ekki staðið við skyldur sínar í
Iceave-málinu má vera ljóst að málið
yrði sett í forgang í dómskerfinu
vegna þess hversu gríðarmiklir
hagsmunir eru í húfi.
Málið kæmist því fljótt á dagskrá
Héraðsdóms Reykjavíkur. Það er
hins vegar ekki víst að málið færi
hratt í gegnum dómskerfið. Ýmis-
legt gæti tafið fyrir, s.s. hvort krafist
yrði frávísunar en slík krafa færi
örugglega fyrir Hæstarétt. Þá má
gera ráð fyrir að málsaðilar myndu
allir vilja leggja fram ýmis gögn, á
ýmsum stigum málsins, en slíkt
myndi krefjast milliþinghalda.
Væntanlega yrði einnig nokkuð
tímafrekt að þýða lykilgögn yfir á ís-
lensku.
Þá myndi það tefja málið verulega
ef farið yrði fram á forúrskurð frá
EFTA-dómstólnum en annar þeirra
lögfræðinga sem Morgunblaðið
ræddi við taldi líklegt að málið
myndi tefjast um hálft ár, eingöngu
við að bíða eftir forúrskurðinum.
Raunar er ekki útilokað að það tæki
dóminn enn lengri tíma að komast
að niðurstöðu því eins og Carl Baud-
enbacher, forseti EFTA-dómstóls-
ins, hefur sagt yrði slíkt mál hið um-
fangsmesta í sögu dómstólsins.
Baugsmálið tók þrjú ár
Ekki væri heldur hægt að útiloka
Hæstiréttur myndi vísa málinu að
hluta eða í heild aftur heim í hérað
sem enn myndi tefja meðferð máls-
ins, eins og þeir sem þekkja til
Baugsmálsins vita mætavel. Fyrri
ákæran í því máli var gefin út í ágúst
2005 og málarekstri lauk í Hæsta-
rétti í júní 2008.
Icesave tæki eitt til þrjú
ár fyrir dómstólum
Morgunblaðið/Ómar
Álag Icesave-málið yrði ekki léttur
biti fyrir Héraðsdóm Reykjavíkur.
Í HNOTSKURN
» Almennar skuldakröfurfyrnast á fjórum árum, frá
því að þær verða til.
» Þeir sem áttu innistæður áIcesave-reikningunum
gátu ekki fengið þær til baka
haustið 2008.
» Forúrskurður EFTA-dómstólsins gæti tekið
verulegan tíma.
Yrði sett í forgang
í dómskerfinu enda
gríðarlega miklir
hagsmunir í húfi JÓHANNA Sigurðardóttir for-
sætisráðherra sendi forsætisráð-
herra Haítí, Jean-Max Bellerive,
samúðarkveðju í gær. Í skeyti til
ráðherrans lýsir hún yfir dýpstu
samúð ríkisstjórnarinnar og ís-
lensku þjóðarinnar vegna mann-
tjóns og eyðileggingar í jarðskjálft-
anum mikla sem reið yfir Haíti.
Hún minnir á starf íslensku rústa-
björgunarsveitarinnar á Haíti og
heitir áframhaldandi stuðningi við
tilraunir alþjóðasamfélagsins til
þess að veita íbúum landsins aðstoð.
Samúðarkveðjur
sendar til Haítí
Reuters
ÁKVEÐIÐ hefur verið að sameina
Þjóðskrá og Fasteignaskrá Íslands
eigi síðar en um næstu áramót. Það
var niðurstaða samráðshóps, sem
Ragna Árnadóttir, dóms- og mann-
réttindamálaráðherra, setti saman,
að sameina ætti starfsemina. Verð-
ur hún í Borgartúni 21 þar sem
Fasteignaskráin er nú. Ráðuneytið
segir mikilvægt að raska engu í
undirbúningi þjóðaratkvæða-
greiðslu á vegum Þjóðskrár og
verður vinnan miðuð við það.
Sameina Þjóðskrá
og Fasteignaskrá
• Engjateigur 5
• Sími 581 2141
• www.hjahrafnhildi.is
Opið virka daga frá kl. 10-18 laugardaga frá kl. 10-16
Útsala
40-60% afsláttur
Rafhitarar
í skip, hús og sumarhús
Neysluvatnshitarar
Hitöld (element), hitastillar,
hitastýringar og flest
annað til rafhitunar.
Við erum sérfræðingar í öllu
sem við kemur rafhitun.
Kaplahrauni 7a • Hafnarfirði,
Sími 565 3265 • Fax 565 3260
rafhitun@rafhitun.is • www.rifhitun.is
Rafhitun
Ferðafélag íslands • www.fi.is • fi@fi.is • Sími 568 2533
Myndakvöld FÍ
Í heimi frosts og fanna
Næsta myndakvöld Ferðafélags Íslands verður tileinkað vetrarferð-
um á skíðum og er haldið undir yfirskriftinni: Í heimi frosts og fanna.
Myndakvöldið fer fram miðvikudagskvöldið 20 jan. n.k. og verður að
vanda haldið í sal Ferðafélagsins í Mörkinni 6 og hefst kl. 20.00.
Í hléi eru kaffiveitingar með bakkelsi samkvæmt hefð.
Aðgangseyrir er aðeins 600 krónur. Innifalið kaffi og meðlæti.
Fyrrihluti myndasýningarinnar er í umsjá Einars Ragnars Sigurðssonar. Einar
er reyndur fjallamaður sem hefur stundað skíðaferðir um hálendi Íslands í
áratugi. Einar sýnir myndir úr gönguskíðaferðum yfir Vatnajökul, í Land-
mannalaugar og um Fjallabak, Torfajökul og Laugaveginn.
Seinnihluti myndasýningarinnar er í umsjá Páls Ásgeirs
Ásgeirssonar sem sýnir myndir úr gönguskíðaferðum í
Öskju og um Síðuaafrétt veturna 2008 og 2009. Páll
Ásgeir hefur ferðast um íslensk fjöll í áratugi, skrifað
leiðsögubækur og er einn af fararstjórum FÍ.
Skráðu þig inn – drífðu þig út
Samtök eldri sjálfstæðismanna
boða til opins súpufundar með
Bjarna Benediktssyni formanni
Sjálfstæðisflokksins.
Fimmtudaginn 21. jan. í Valhöll kl. 12
Allir velkomnir!