Morgunblaðið - 20.01.2010, Blaðsíða 20

20 Minningar
MORGUNBLAÐIÐ MIÐVIKUDAGUR 20. JANÚAR 2010
✝ Hreiðar EyfjörðJónsson bifvéla-
virkjameistari fædd-
ist i Laxdalshúsi á
Akureyri 17. janúar
1924. Hann lést á
sjúkrahúsi Akureyr-
ar 5. janúar síðastlið-
inn. Foreldrar hans
voru hjónin Guðný
Jóhannsdóttir hús-
freyja, f. 23. júlí 1885
á Kúagili í Þorvalds-
dal, d. 9. ágúst 1950,
og Jón Kristján Sig-
urðsson, f. 19. ágúst
1877 á Silfrastöðum í Blönduhlíð í
Skagafirði, skipasmiður og tré-
smiður á Akureyri, d. 25. apríl
1932.
Guðný og Jón Kristján eignuðust
níu börn, þar af létust fjórir synir i
frumbersku. Systkini Hreiðars sem
upp komust eru: Sigríður Nanna, f.
1912, d. 1960, Jón Jónsson, f. 15.
ágúst 1914, d. 4. ágúst 2003, Gyða,
f. 1918, d. 1976, Eiríkur Eyfjörð, f.
25. október, d. 5. september 2004.
Hreiðar kvæntist hinn 7. apríl
1945 Soffíu Jóhannsdóttur hús-
móður, f. 21. janúar 1925 á Ak-
ureyri. Foreldrar hennar voru Sig-
ríður Jóhannsdóttir, húsmóðir, f.
19. nóvember 1894 í Skagafirði, d.
19. febrúar 1962, og Jóhann Frið-
geir Steinsson smiður á Akureyri,
f. 4. nóvember 1892 í Svarfaðardal,
d. 18. júlí 1973.
Börn Soffíu og Hreiðars eru: 1)
Dóttir, f. 12. október 1950, d. 23.
október 1950, 2) Sigríður Eyfjörð,
sjúkraliði, f. 23. nóvember 1951, d.
4. desember 2008, gift Einari Guð-
bjartssyni húsgagnabólstrara, börn
þeirra eru a) Soffía Einarsdóttir,
sjúkraþjálfari á Akureyri, f. 2. nóv-
ember 1972, gift Bjarna Jónssyni,
sonur Bjarna frá fyrra sambandi
Jón Oddur Bjarnason og sonur
Soffíu frá fyrra sambandi er Einar
Breki Baldvinsson, eiga þau saman
dæturnar Brynju Marín og Kötlu,
b) Eva Einarsdóttir, iðjuþjálfi á
Akureyri, f. 13. ágúst 1976, börn
hennar eru: Ísar Enok og Tinna. 3)
Jóhann Eyfjörð, rafvirkjameistari í
Reykjavík, giftur
Maríu Hlín Sigurð-
ardóttur versl-
unarstjóra, börn hans
frá fyrra hjónabandi
eru a) Signý, við-
skiptafræðingur, f.
12. júní 1976, gift
Halldóri Jónassyni,
þau eiga Andra
Fannar og Viktor Elí,
b) Garðar, rafvirki, f.
1. apríl 1980, giftur
Margréti Ragn-
arsdóttur lögfræð-
ingi, eiga þau Dag
Orra. Börn Jóhanns og Maríu eru:
c) Jenný Ýr, viðskiptafræðanemi, f.
7. október 1986, gift Hrafni Dav-
íðssyni verkfræðingi, d) Hanna
María, nemi, f. 2. nóvember 1992.
4) Hreiðar Eyfjörð, bifreiðasmíða-
meistari, f. 20. október 1959, giftur
Elsu Guðrúnu Sveinsdóttur, f. 15.
júlí 1959, rekstrarstjóra, búsett í
Noregi, börn þeirra eru: a) Hreið-
ar Eyfjörð, rafvirki og kerfisfræð-
ingur, f. 9. mars 1983, giftur Susan
Christiansen Eyfjörð, verslunar-
manni, b) Alma Gudding Eyfjörð,
hjúkrunarfræðingur, f. 19. nóv-
ember 1985, gift Even Gudding
Eyfjörð, rafmagnsverkfræðingi,
sonur þeirra er Magnús Elís, c)
Sveinn Eyfjörð, iðnaðarvélvirki, f.
16. október 1988, dóttir hans
Emilia Velde Sveinsdóttir, d) Íris
Eyfjörð, nemi, f. 26. apríl 1993.
Afabörnin eru þannig tíu og lang-
afabörnin tíu.
Hreiðar lærði bifvélavirkjun í
iðnskólanum á Akureyri og hjá
Kristjáni á BSA og starfaði þar
sem verkstæðisformaður til fjölda
ára. Seinna réðst hann til Skarp-
héðins Ásgeirssonar í Amaró og
vann þar til starfsloka. Hreiðar og
Soffía bjuggu fyrst í Grundargötu
3 og síðar í Ægisgötu 7. Árið 1964
fluttu þau í Amaró. Seinna byggðu
þau sér hús í Reykjasíðu 16 og áttu
þar 15 góð ár. Fyrir fjórum árum
fluttu þau í Mylluna í Brekkugötu
38.
Útför Hreiðars fór fram frá Ak-
ureyrarkirkju 15. janúar sl.
Í dag kveð ég kæran vin og kosta-
menni, því bróðir Hreiðar var búinn
flestum þeim kostum, er góðan mann
megi prýða: Hann var glæsimenni,
sterkur, traustur, hreinskilinn, orð-
heldinn og vinfastur, svo eigi varð
um haggað, en lét ekki mikið yfir sér.
Samtímis var þetta hrausta karl-
menni tilfinningaríkur, viðkvæmur
og hjartahlýr.
Árin sem ég var prestur Aðvent-
kirkjunnar á Akureyri kynntist ég
honum svo náið sem orðið gat … í
daglegri umgengni, safnaðarlífinu,
félagslífi og fjölskylduboðum þar
sem rausnin flóði ríkulega og allt
kórónaðist með fögrum hljóðfæra-
slætti og söng. Hópurinn okkar var
harla samrýndur, fagnandi og fullur
mannelsku. Í þessu andrúmslofti
hrærðumst við báðir og kynnin urðu
því í senn mjög náin og kær. Hann á
sinn þátt í þeim minningaljóma, sem
býr mér í hug frá þessum árum.
Bróðir Hreiðar var einn þeirra
snillinga sem allt verklegt leikur í
höndum – virtist jafnvígur á hvað
sem væri. Það kom honum líka vel í
þeirri ábyrgðar- og trúnaðarstöðu
sem hann gegndi lengi sem húsvörð-
ur og viðgerðamaður stórverslunar-
innar Amaró. Það starf rækti hann
vel svo sem allt annað og naut að
fullu trausts eigendanna.
Bróðir Hreiðar var sanntrúaður
og trúði á fyrirheit Frelsarans um
nýjan himin og nýja jörð eilífra end-
urfunda.
Kæra Soffía, Jóhann, Hreiðar
yngri og allir aðrir ástvinir. Við skul-
um kveðja kæran vin okkar með
þeirri trú sem hann kvaddi með
sjálfur – vissunni um endurfundina.
Guð blessi ykkur öll. Sjálfur kveð ég
kæran vin, með þakklæti og djúpri
virðingu. Blessuð veri minning
Hreiðars.
Sólveig og
Jón Hjörleifur Jónsson.
Við kveðjum þig kæri Hreiðar
með þökk í huga. Sérstaklega fyrir
tryggð, hjálp og góðvild í gegnum
tíðina, ekki síst þegar erfiðleikar
steðjuðu að hjá okkur.
Guð faðir, himnum hærri
ert hjarta mínu nærri
með ljós á lífs míns vegi
og líkn á nótt sem degi.
Þú mætir mér að nýju
í morgunskini hlýju
og heilsar huga mínum
með helgum anda þínum.
Lát orð þitt veg mér vísa
og vilja mínum lýsa
tak dagsins verk og vanda
á vald þíns góða anda.
(Sigurbjörn Einarsson.)
Elsku Didda, Jóhann, Hreiðar,
Einar og fjölskyldur. Guð veri með
ykkur á þessari stundu og styrki
ykkur í sorginni. Hvíl í friði.
Sigríður Jóhannsdóttir
og fjölskyldur
Hreiðar Eyfjörð
Jónsson✝ Guðlaug Egils-dóttir fæddist í
Hvammkoti á Skaga
23. júlí 1920, hún lést
á Heilbrigðisstofnun
Sauðárkróks föstu-
daginn 8. janúar síð-
astliðinn. Foreldrar
Guðlaugar voru þau
Ingibjörg Björns-
dóttir, f. 21. október
1896, d. 2. september
1997, og Egill Gott-
skálksson, f. 31. jan-
úar 1892, d. 15. des-
ember 1973. Guðlaug
var þriðja elst í átta systkina hópi,
systkini hennar eru Oddný, f. 1916,
Sigríður, f. 1917 (látin), Gottskálk, f.
1921, Steingrímur, f. 1924, Árni
Helgi Hólm, f. 1926, d. 1928, Lilja, f.
1928, og Birna, f. 1934 (látin).
Eiginmaður Guðlaugar er Marinó
Sigurðsson, f. 3. febrúar 1920. For-
eldrar hans voru Þórdís Jensdóttir,
f. 5. nóvember 1893, d. 3. júní 1965,
og Sigurður Jónasson, f. 12. sept-
ember 1903, d. 19. júlí 1933. Börn
þeirra Guðlaugar og Marinós eru
Sigurður, f. 1945, Svandís, f. 1949,
1946 og bjuggu á Álfgeirsvöllum til
2006 er þau fluttu til Sauðárkróks.
Guðlaug átti góðar bernskuminn-
ingar frá uppvaxtarárum sínum í
Vallhólmi og minntist alltaf með
gleði og hlýju Árna og Helgu föð-
ursystkina sinna og annars sam-
ferðafólks. Hún hélt alla tíð tryggð
við Felix og Effu í Húsey sem hún
leit á sem velgjörðarmenn sína.
Lauga, eins og hún var alltaf kölluð,
var glaðlynd og glettin að eðlisfari,
dugnaðarforkur til allra starfa, úr-
ræðagóð og taldi ekki eftir sér að
rétta hjálparhönd og átti auðvelt
með að gleðja aðra. Eftir að hún hóf
búskap með Marinó gekk hún í öll
störf úti sem inni og á kvöldin eftir
langan vinnudag saumaði hún og
prjónaði af myndarskap á börnin.
Hún hafði mikið yndi af hannyrðum
og lestri og kunni mikið af ljóðum
og lausavísum. Í áratugi tók hún
virkan þátt í starfi Kvenfélags Lýt-
ingsstaðahrepps. Á Sauðárkróki
héldu þau Lauga og Marinó heimili
á meðan heilsa þeirra leyfði en
Lauga dvaldi á Heilbrigðisstofnun
Sauðárkróks frá því í marsmánuði
2009 til dánardags.
Útför Guðlaugar fer fram frá
Sauðárkrókskirkju í dag, miðviku-
daginn 20. janúar, og hefst athöfnin
kl. 14
Jórunn, f. 1951, Árný,
f. 1955, Álfheiður, f.
1959, og Álfgeir, f.
1960. Barnabörn
þeirra eru orðin 22 að
tölu og barna-
barnabörn 31.
Þegar foreldrar
Guðlaugar fluttust frá
Hvammkoti að
Ingveldarstöðum á
Reykjaströnd fór hún
í fóstur til afa síns og
ömmu á Bakka í Vall-
hólmi vorið 1921. Þar
ólst hún upp á meðan
þeirra naut við og síðan hjá Árna og
Helgu föðursystkinum sínum þar til
Árni lést 1932. Hún var í vist hjá
Felix Jósafatssyni og Efemíu Gísla-
dóttur í Húsey og fermdist frá
Syðra-Vallholti 1934 með góðan
vitnisburð. Hún var lausakona í
Syðra-Vallholti og í Saurbæ frá
1938-43 þegar hún hóf nám við Hús-
mæðraskólann á Staðarfelli í Dölum
og dvaldi þar veturinn 1943-44. Um
vorið flutti hún sem ráðskona í Álf-
geirsvelli í Skagafirði og hóf búskap
með Marinó. Þau giftu sig 2. apríl
Elsku amma, núna er komið að
kveðjustundinni en þá rifjast upp
margar góðar minningar.
Það eru ógleymanlegar stundir
sem við höfum átt saman á Álfgeirs-
völlum í gegnum árin. Það var svo
gaman að koma til ykkar afa og taka
þátt í bústörfunum, umgangast dýr-
in, leika sér við lækinn og hitta hin
frændsystkinin þar sem hlátursköst-
in og prakkarastrikin voru fjölda
mörg. Ég gleymi aldrei uppdekkaða
borðinu með sem flestum sortum,
sunnudagssteikinni og eftirmatnum.
Vikurnar sem ég átti hjá ykkur afa
voru lærdómsríkar og erfiðar, en
ekki síður skemmtilegar. Ég gleymi
seint ferðunum á Krókinn þar sem
við laumuðumst til að fá okkur ís við
hvert tækifæri, gátunum í fjósinu,
sögum af ýmsu tagi, sólarlaginu í
Skagafirðinum, og göngunum og
réttunum á haustin.
Eftir stendur minningin um litla
en sterka, ákveðna og úrræðagóða
konu, sem vildi öllum vel og laumaði
gjöfum og sætindum að manni. Hún
hafði einstakan húmor og yndislegan
hlátur sem var svo smitandi og hún
gat hlegið að ótrúlegustu hlutum og
átti oft erfiðast með að hætta að
hlæja. Við hin hlógum oft með, þótt
við vissum ekki hvað væri svona
fyndið og þú gast engan veginn út-
skýrt það fyrir eigin hlátri.
Amma, takk fyrir þessar góðu
stundir, áfram lifa óteljandi minn-
ingar og sögur sem við tökum með
okkur og sem við getum sagt yngri
kynslóðinni.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Þín
Þórdís.
Mig langar í nokkrum orðum að
minnast ömmu minnar í sveitinni
eins og ég kallaði hana alltaf. Þegar
ég var yngri var gaman að koma til
ykkar afa í sveitina þar sem við
eyddum ófáum helgum. Þú varst
alltaf að, ef ekki í fjósinu með afa þá
varstu að elda mat eða sauma út,
sem var þín uppáhaldsiðja. Þú sast í
stofunni og saumaðir út og hlustaðir
á tónlist. Einnig man ég eftir heims-
ins besta hangikjöti sem þú reyktir í
kofanum þínum og ferðunum sem við
vorum send í til að ná í egg í hænsna-
kofann sem var gamall strætó.
Þú varst mikill húmoristi og hlóst
mikið, stundum fékkstu hlátursköst
og gast ekki hætt og allir voru farnir
að hlæja með þér. Minningarnar eru
margar og góðar, þótt þær séu ekki
allar taldar upp hér. Einu gleymi ég
samt seint en þá klemmdi ég mig
frekar illa og þar sem við vorum í
sveitinni gat maður ekki stokkið á
sjúkrahús heldur settist þú niður og
prjónaðir hólk á fingurinn til að verja
hann ef ég ræki hann í og eins fyrir
kulda, þú hafðir alltaf lausn á öllu. Þú
trúðir á álfa og huldufólk og sagðir
okkur frá álfunum sem byggju í
stóra steininum fyrir ofan bæinn, við
máttum helst ekki klifra á honum og
alls ekki kroppa mosann af, því þá
yrðu álfarnir reiðir. Minningar
Gauta um þig einkennast af hlátri
þínum, hlýhug og léttleika. Hann
gleymir ekki er hann kom eitt sinn
að Álfgeirsvöllum og þú hélst að
hann væri sölumaður, að sjálfsögðu
greip hann það á lofti og sagðist vera
að selja fisk, en þá áttaðir þú þig á
því hver hann var og þá upphófust
hlátrasköll mikil. Þennan dag fór
hann með þig í Varmahlíð að versla í
kotið og var það ógleymanleg ferð
fyrir hann, honum fannst þú þekkja
alla og svo verslaðir þú heil ósköp og
hlóguð þið mikið saman að því.
Eftir að börnin okkar fæddust
komu þau með til ykkar og höfðu
gaman af.
Árið 2006 fluttuð þið afi svo á
Sauðárkrók, keyptuð ykkur hús en
stuttu eftir að þið fluttuð inn dast þú
og lærbrotnaðir. Ég heimsótti þig á
sjúkrahúsið og þá var að koma mat-
ur, þú opnaðir bakkann en lokaðir
honum strax, ég spurði hvort þú ætl-
aðir ekki að borða. Þú leist á mig og
sagðir „nei, þetta er eins og æla“, þú
leyndir sjaldan skoðunum þínum. Þú
fórst nokkrar ferðir á sjúkrahúsið
eftir það en reyndir að stoppa sem
styst því þú vildir ekki að einhverjar
kerlingar (heimahjúkrun) væru að
strjúka honum afa og þú ekki heima.
Elsku amma mín, ég vona að þér
líði betur núna og sért að hlæja með
hinum englunum.
Ég veit þú fylgist með okkur og
við pössum afa fyrir þig.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem)
Þín
Brynja.
Guðlaug Egilsdóttir
✝
Elskulegur eiginmaður minn, faðir, afi og langafi,
PÁLMI ÁRNASON,
Sléttuvegi 7,
Reykjavík,
frá Látrum í Aðalvík,
lést föstudaginn 15. janúar.
Útförin fer fram frá Laugarneskirkju þriðjudaginn
26. janúar kl. 15.00.
Ólafía Sveinsdóttir,
börn, barnabörn og barnabarnabörn.
✝
Elskulegur eiginmaður minn, faðir okkar, tengda-
faðir, afi og langafi,
HAUKUR HALLDÓRSSON,
Vallarbraut 2,
Njarðvík,
lést á hjúkrunarheimilinu Garðvangi Garði, fimmtu-
daginn 31. desember.
Útförin hefur farið fram í kyrrþey að ósk hins látna.
Sérstakar þakkir fær starfsfólk hjúkrunarheimilisins Garðvangs fyrir alúð
og góða umönnun.
Rannveig Þorvarðardóttir,
Ragnar Hauksson, Eygló Alexandersdóttir,
Sigríður Hauksdóttir,
Pálína Hauksdóttir, Grétar Ævarsson,
barnabörn og barnabarnabörn.
Morgunblaðið birtir minning-
argreinar alla útgáfudagana.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi).
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Greinar, sem berast eftir að útför
hefur farið fram, eftir tiltekinn skila-
frests eða ef útförin hefur verið gerð
í kyrrþey, eru birtar á vefnum,
www.mbl.is/minningar. Æviágrip
með þeim greinum verður birt í
blaðinu og vísað í greinar á vefnum.
Undirskrift | Minningargreina-
höfundar eru beðnir að hafa skírn-
arnöfn sín en ekki stuttnefni undir
greinunum.
Myndir | Hafi mynd birst í til-
kynningu er hún sjálfkrafa notuð
með minningargrein nema beðið sé
um annað. Ef nota á nýja mynd er
ráðlegt að senda hana á netfangið
minning@mbl.is og láta umsjón-
armenn minningargreina vita.
Minningargreinar