Morgunblaðið - 22.01.2010, Qupperneq 6

6 FréttirINNLENT
MORGUNBLAÐIÐ FÖSTUDAGUR 22. JANÚAR 2010
Eftir Önund Pál Ragnarsson
onundur@mbl.is
EFTIR tölvupóstsamskipti við Jón
Baldvin Hannibalsson í desember,
og eftir að hafa ráðfært sig við utan-
ríkis- og forsætisráðherra þar í
landi, mun Toomas Hendrik Ilves,
forseti Eistlands, hafa boðið fram
þjónustu sína sem milligöngumaður
og sáttasemjari í Icesave-málinu.
Leitað var eftir viðtali við Ilves í
gær en í svari frá skrifstofu forset-
ans sagði meðal annars: „Þar sem við
fengum engar fréttir frá Íslandi eftir
samtalið við Jón Baldvin Hannibals-
son höfum við engu við málið að bæta
núna.“ Boltinn virðist því vera hjá ís-
lenskum stjórnvöldum kjósi þau að
leita eftir aðstoð Ilves.
Í samtali við Morgunblaðið stað-
festir Össur Skarphéðinsson að Jón
Baldvin hafi komið þessum skila-
boðum á framfæri við sig. „Það er
ekki hörgull á öflugum og reyndum
mönnum,“ segir Össur aðspurður
hvort fleiri vilji miðla málum í deil-
unni. Hann vill þó ekki nefna nöfn.
„Við vitum sem sagt af þessu og er-
um þakklát fyrir huginn sem að baki
þessu liggur.“
Tvö sjónarmið virðast nú vegast á
í því hvort leita eigi eftir aðstoð
manna eins og Ilves opinberlega eða
bíða með það þar til vilji Breta og
Hollendinga til nýrra viðræðna ligg-
ur fyrir. Telja sumir ekki rétt að fara
af stað í að útvega sáttasemjara fyrr
en það liggur fyrir, enda sé slík leið
ákveðin viðurkenning á því af hálfu
Breta og Hollendinga að núverandi
samningar þurfi breytinga við.
Aðrir telja rétt að hafa allt það
frumkvæði sem hægt er í tilraunum
til að fá viðsemjendur Íslendinga um
Icesave að samningaborðinu.
Ilves tilbúinn
í milligöngu
Forseti Eistlands bauð fram aðstoð sína
» Margir vilja aðstoða
» Stjórnvöld þakklát
Össur
Skarphéðinsson
Toomas
Hendrik Ilves
Eftir Rúnar Pálmason
runarp@mbl.is
„ÞESSAR aðgerðir eiga fyllilega rétt á sér en
það verður að gera þetta í völdum tilfellum og
að vandlega athuguðu máli,“ segir Þórdís
Kjartansdóttir lýtalæknir um lýtaaðgerðir á
sköpum kvenna. Slíkar aðgerðir megi aldrei
verða að tískufyrirbrigði. Aðgerðirnar geti á
hinn bóginn, þegar þeirra sé þörf, aukið lífs-
gæði kvenna mjög mikið.
Þórdís flutti fyrirlestur um lýtaaðgerðir á
sköpum kvenna á Læknadögum sem nú
standa yfir. Í fyrirlestrinum kom fram að á
tveimur árum hefði hún gert slíka aðgerð á 22
konum á aldrinum 18-46 ára. Aldursdreifingin
hefði verið nokkuð jöfn.
Þórdís bendir á að stórir skapabarmar geti
valdið óþægindum t.d. við hjólreiðar, hlaup,
kynlíf og þá geta þeir nuddast við föt.
Jafnvel þó að aðgerðir
geti eingöngu snúið að útlit-
inu geti vandamálið engu að
síður verið raunverulegt.
Konur séu oft naktar í við-
urvist kynsystra sinna í
búningsklefum sundlauga
og íþróttahúsa og því geti
stórir skapabarmar sem
hugsanlega hanga niður
milli fóta valdið óþægindum
og hugarangri.
Ein þeirra kvenna sem hafi farið í aðgerð
hjá henni, rúmlega tvítug kona, hafi t.d. sagt
að bekkjarsystur hennar í barnaskóla hafi
strítt henni vegna þess að skapabarmar henn-
ar voru óvenjustórir og síðan borið út lýsingar
á sköpum hennar til strákanna í bekknum.
Önnur kona hafi sagt að sér hafi ávallt liðið illa
í sundi af ótta við að stórir skapabarmar henn-
ar sæust í gegnum sundboli og rúmlega fertug
kona hafi lýst því að hún hafi alla tíð átt í vand-
ræðum í hjónalífi sínu vegna stórra barma.
Þar til fyrir skömmu hafi hún hreinlega ekki
vitað að til væri lausn á þessu vandamáli.
Þórdís er ósammála því að lýtaaðgerðir á
sköpum séu tíska eða hluti af klámvæðingu.
„Við þurfum að láta þessa umfjöllun verða til
þess að þær konur sem þurfa á þessu að halda
viti að hægt sé að gera þessar aðgerðir. Ég vil
meina að konur sem leggja það á sig að fara í
þessa aðgerð, sem krefst svæfingar, geri það
vegna raunverulegs vandamáls. Ég geri þess-
ar aðgerðir á konum sem stríða við raunveru-
legt vandamál,“ segir hún.
Hefur vísað konum frá
Þórdís er andvíg þeirri hugmynd, sem kom
fram á Læknadögum, að allar konur sem óska
eftir aðgerð fari í viðtal hjá sálfræðingi til að
kanna hvort sjálfsmynd þeirra sé brengluð eða
hvort þær hafi orðið fyrir áfalli. Læknar geti
metið þörf á aðgerð með skoðun og viðtali.
Hafi kona óraunhæfar væntingar eða ónógar
ástæður bendi hún þeim á að leita sér sál-
fræðilegrar aðstoðar. Þórdís kveðst raunar
hafa vísað nokkrum konum frá sem hafi óskað
hafi eftir aðgerð sem hún taldi ónauðsynlega.
Aðgerðir á sköpum geta aukið lífsgæði
 Segir lýtaaðgerðir á sköpum eiga fyllilega rétt á sér þegar þeirra sé þörf  Stórir skapabarmar
geta valdið miklum óþægindum í daglegu lífi  Ekki tískufyrirbrigði eða hluti af klámvæðingu
Þórdís
Kjartansdóttir
UMDEILDAR AÐGERÐIR
» Í Morgunblaðinu í gær var rætt viðEbbu Margréti Magnúsdóttur, sér-
fræðing í kvensjúkdómum, sem sagði
m.a. að vaxandi eftirspurn væri eftir að-
gerðunum og að æ fleiri konur sæktust
eftir aðgerðum á sköpum sínum í fegr-
unarskyni.
ÞAU gleðja sannarlega augu vegfarenda þessi litríku hljóðfæri sem hanga
uppi í glugga hljóðfæraverslunarinnar Sangitamiya við Grettisgötu. Í
myrkri og rigningu getur verið notalegt að láta sig dreyma um suðræna
tóna á sólríkri strönd. Ukulele er lítið fjögurra strengja hljóðfæri úr gít-
arfjölskyldunni sem á uppruna sinn á Hawaii. Á ofanverðri 20. öld náði
þetta hljóðfæri miklum vinsældum í Bandaríkjunum og þaðan breiddist
hljómfagurt orðsporið út um víða veröld. Undanfarin misseri hefur verið
mikill og vaxandi áhugi fyrir ukulele á Íslandi, sumir segja vakning.
Morgunblaðið/Ómar
LITAGLÖÐ UKULELE
UNNIÐ er að því í Bretlandi að
koma á fót sérstöku embætti um-
boðsmanns á matvörumarkaði sem
hafi það hlutverk að miðla málum í
deilum á milli smásala í matvöru-
verslun og birgja og rannsaki enn-
fremur kvartanir. Breska samkeppn-
isráðið hefur lagt til að slíkt embætti
umboðsmanns verði stofnað.
Páll Gunnar Pálsson, forstjóri
Samkeppniseftirlitsins, segir að sér
vitanlega hafi hugmynd um stofnun
sambærilegs embættis umboðs-
manns hér á landi ekki komið fram.
Hann minnir einnig á að Samkeppn-
iseftirlitið hafi á ýmsan hátt skipt sér
af samskiptum birgja og smásala. Á
árinu 2008 birti Samkeppniseftirlitið
skýrslu um viðskiptasamninga birgja
og verslana og annað samstarf fyr-
irtækja á matvörumarkaði.
Aðdragandi skýrslunnar var sá að
Samkeppniseftirlitið aflaði og fór yfir
fjölda viðskiptasamninga milli um 70
birgja annars vegar og matvöruversl-
ana hins vegar. Meginniðurstöður
skýrslunnar voru m.a. þær að all-
margir samningar birgja og mat-
vöruverslana fælu í sér ákvæði sem
kynnu að raska samkeppni, neytend-
um til tjóns. Könnun Samkeppniseft-
irlitsins sýndi að forverðmerkingar
birgja á matvörum takmörkuðu verð-
samkeppni milli matvöruverslana.
Verðmunur á þessum vörum milli
verslana væri mun minni en verð-
munur á milli verslana á eðlislíkum
vörum sem ekki væru forverðmerkt-
ar.
Umboðsmann á matvörumarkað?
HARÐUR árekst-
ur varð á Suður-
landsvegi um níu-
leytið í gærmorg-
un á 2+1-kafla
vestan við Sand-
skeið, en tvær ak-
reinar eru þar
fyrir umferð á
leið austur.
Að sögn lögreglu tók ökumaður
bifreiðar sem ekið var til vesturs
fram úr og fór yfir á öfugan veg-
arhelming. Lenti hann á hlið jeppa
sem kom á móti og var á vinstri ak-
rein. Kona sem var farþegi í jepp-
anum slasaðist en ekki alvarlega.
Harður árekstur
á 2+1-kafla á
Suðurlandsvegi
UNGUR karlmaður, sem slasaðist
alvarlega í Hveragerði á þriðjudag
af völdum rörasprengju, er enn
þungt haldinn á gjörgæslu slysa-
deildar Landspítalans í Fossvogi en
hann hlaut slæma höfuðáverka. Er
maðurinn, sem er 23 ára gamall,
enn í öndunrvél, að sögn læknis þar
í gær.
Ungi maðurinn
enn í öndunarvél
KARLMAÐUR frá Póllandi var í
gær dæmdur í Hæstarétti í 12 mán-
aða fangelsi fyrir fíkniefnabrot en
hann var fundinn sekur um að hafa
reynt að flytja eitt kíló af amfeta-
míni til landsins.
Málið kom upp í febrúar í fyrra
þegar tollverðir í póstmiðstöðinni
við Stórhöfða fundu fíkniefni í
böggli frá Póllandi. Í honum voru
m.a. niðursuðudósir en í dósunum
var amfetamín og kannabis.
Þegar maðurinn sótti pakkann
var hann handtekinn. Maðurinn
sagðist hafa vitjað um pakkann fyr-
ir kunningja sinn en dómurinn taldi
sannað að maðurinn hefði stundað
viðskipti með fíkniefni.
Árs fangelsi fyrir
fíkniefnabrot