Morgunblaðið - 09.02.2010, Blaðsíða 2

2 FréttirINNLENT
MORGUNBLAÐIÐ ÞRIÐJUDAGUR 9. FEBRÚAR 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Björn Jóhann Björnsson
bjb@mbl.is
BORGARRÁÐ hefur samhljóða
samþykkt umsóknir Greenstone um
lóðir undir möguleg gagnaver fyrir-
tækisins í Reykjavík.
Um vilyrði fyrir lóðum á tveimur
stöðum er að ræða, annars vegar við
Hádegismóa vestan prentsmiðju
Morgunblaðsins og hins vegar við
Lambhagaveg í Grafarholti við Vest-
urlandsveg, tvær lóðir á hvorum
stað. Áður höfðu umsóknirnar farið
fyrir framkvæmda- og eignaráð og
einnig skipulagsráð.
Að sögn Óskars Bergssonar, for-
manns borgarráðs og framkvæmda-
og eignaráðs, fær Greenstone vilyrði
fyrir lóðunum sem gildir í sex mán-
uði. Að sex mánuðum liðnum þarf
fyrirtækið að vera búið að velja á
milli þessara tveggja staða og fá for-
ráðamenn Greenstone þá aðra sex
mánuði til að vinna frekar í sínum
málum.
Eins og fram hefur komið í Morg-
unblaðinu hefur Greenstone haft
uppi áform undanfarin tvö ár um að
reisa gagnaver hér á landi. Í því
skyni hefur félagið, sem er í eigu ís-
lenskra, hollenskra og bandarískra
aðila, undirritað viljayfirlýsingar við
hátt í 10 sveitarfélög og fyrirtæki
víða um land.
„Mér skilst á þeim hjá Greenstone
að þeir séu í samstarfi við erlenda
aðila sem eru að skoða margs konar
staðsetningar. Þeir þurfa að hafa
fjölbreytta kosti til að geta bent á.
Við búum svo vel að eiga þessar lóðir
á lausu,“ segir Óskar.
Vilja gagnaver í Reykjavík
 Greenstone fær vilyrði fyrir lóðum undir gagnaver á tveimur stöðum í borginni
 Erlendir samstarfsaðilar Greenstone velja á endanum staðina undir gagnaverin
STAÐREYNDIR
»Greenstone hefur nú gild-andi viljayfirlýsingar við
Blönduós, Hafnarfjörð, Fjalla-
byggð, Dalvík, Skeiða- og
Gnúpverjahrepp, Fljótsdals-
hérað, Borgarbyggð og Þing-
eyjarsveit.
»Viljayfirlýsingar við Ölfusog Faxaflóahafnir, vegna
Grundartanga, runnu út.
Eftir Helga Bjarnason
helgi@mbl.is
SÓKNARBÖRN á nærri
því öllum heimilum í
Stafholtsprestakalli í
Borgarfirði hafa skorað
á biskup Íslands að huga
sem fyrst að uppbygg-
ingu prestssetursins í
Stafholti. Það gera þau
til að standa við bakið á
séra Elínborgu Sturlu-
dóttur sem valin var
prestur á síðasta ári og
reyna að halda í hana.
Þegar Elínborg kom
til starfa í Stafholti á síð-
asta ári kom í ljós að
prestsbústaðurinn var
óíbúðarhæfur. Varð að
leigja fyrir hana íbúð í Borgarnesi,
til bráðabirgða. Unnið var að und-
irbúningi byggingar húss í Stafholti
þegar tilkynning barst um að fram-
kvæmdir myndu frestast vegna efna-
hagsástandsins.
„Þetta var áfall fyrir Elínborgu og
fjölskyldu hennar og heyrðist að hún
væri farin að sjá eftir því að hafa sótt
um þetta brauð. Þá tóku héraðsbúar
sig til enda hefur hún áunnið sér
traust og virðingu,“ segir Sigurjón
M. Valdimarsson, bóndi á Glitstöðum
í Norðurárdal, einn þeirra sem stóðu
fyrir undirskriftasöfnuninni.
Skorað er á kirkjuyfirvöld að
hraða svo byggingu nýs íbúðarhúss í
Stafholti að það verði tilbúið þegar
leigutími núverandi bústaðar prests-
ins rennur út en það er á fyrrihluta
næsta árs.
Listar með 178 nöfnum voru af-
hentir Karli Sigurbjörnssyni biskupi
í gær. Sigurjón segir ekki vitað um
framhaldið.
Hann getur þess að mikill áhugi
hafi verið á þessu málefni. Íbúar á
flestum heimilum hafi skrifað undir
og einnig börn og nokkrir velunn-
arar prestakallsins.
Skorað á kirkjuna
að byggja yfir
prestinn í Stafholti
Mikill meirihluti íbúa í Stafholts-
prestakalli vill að prestur sitji staðinn
Morgunblaðið/Ernir
Áskorun Karl Sigurbjörnsson, biskup Íslands, og
Guðmundur Þór Guðmundsson, framkvæmda-
stjóri kirkjuráðs, tóku við undirskriftalistum úr
hendi Sigurjóns Valdimarssonar.
Eftir Helga Bjarnason
helgi@mbl.is
BÁTUR sem gerður er út á sæbjúgu hefur fengið góðan
afla við Austfirði að undanförnu. „Hann hefur verið að
koma með upp í sex tonn eftir daginn. Þetta er eins og
best gerist,“ segir Atli Jóhannesson hjá Ásfiski á Eski-
firði sem hreinsar afurðirnar fyrir útgerðarmanninn.
Útgerðarfyrirtækið Hafnarnes Ver í Þorlákshöfn hef-
ur leitað að sæbjúgnamiðum við suðurströnd landsins
og Austfirði. Nokkuð fannst en bestu miðin sem hingað
til hafa fundist á þessu svæði eru í Vöðlavík, norðan við
Reyðarfjörð. Atli segir að vel hafi gengið að undan-
förnu. „Það er aðallega veðráttan sem hefur heft veið-
ina,“ segir hann en austanáttir hafa verið ríkjandi.
Útgerðin notar Sæfara ÁR-170 við veiðarnar. Aflan-
um er landað á Eskifirði og hann fluttur til Þorláks-
hafnar til frystingar.
Atli hefur rekið aðgerðarþjónustu á Eskifirði og tók
að sér að hreinsa sæbjúgun. „Flutningskostnaðurinn er
orðinn svo mikill að mikilvægt er að ná úr þessu mesta
vatninu,“ segir Atli.
Tökum gumsið innan úr
„Við tökum blómið af og ristum eftir sæbjúganu til að
taka gumsið innan úr því,“ segir hann. Þrír til fjórir
menn vinna við að hreinsa sæbjúgun.
Útgerðin er að velta því fyrir sér að frysta sæbjúgun
fyrir austan. Atli segir að það mál sé enn á frumstigi.
„Það er styst héðan á markaðinn og hægt að flytja þetta
beint út. Með því myndi sparast sú aukalykkja að flytja
hráefnið suður,“ segir Atli og telur það mikilvægt þegar
flutningskostnaður er orðinn jafnmikill og raun ber
vitni.
Þá þyrfti líklegast að flytja frystitækin úr Þorláks-
höfn. Telur Atli að það myndi skapa vinnu fyrir sex til
átta menn að fullvinna afurðirnar fyrir austan.
Morgunblaðið/Helgi Garðarsson
Hreinsun Atli Jóhannesson og samstarfsfólk hans hjá Ásfiski. Þau eru ánægð með góðan sæbjúgnaafla hjá Sæfara.
Aflinn úr Vöðlavík
eins og best gerist
Sæfari veiðir sæbjúgu við Austfirði og landar á Eskifirði
Hráefnið er hreinsað og sent til frystingar í Þorlákshöfn
„STJÓRN Green-
stone fagnar því
að hafa fengið
lóðarumsókn
samþykkta hjá
Reykjavíkur-
borg. Þetta fjölg-
ar kostum í boði
til að kynna fyrir
erlendum aðilum
sem huga að því
að staðsetja
gagnaver sín á Íslandi,“ segir
Sveinn Óskar Sigurðsson, stjórnar-
formaður Greenstone, við Morgun-
blaðið. Erlend stórfyrirtæki hafi
tekið vel í þessi mál og jákvæðra
frétta sé að vænta á næstu vikum.
Fjölgar kost-
um í boði
Sveinn Óskar
Sigurðsson
Sjómenn hentu sæbjúgum tafarlaust útbyrðis ef
þau slæddust með fiski í trollið. Nú er þetta orðið
eftirsótt afurð og færri komast að en vilja í veiðar á
besta veiðisvæðinu sem er við vestanvert og norð-
vestanvert landið.
Einn bátur hefur stundað veiðar í nokkur ár og er
aflinn unninn hjá Reykofninum Grundarfirði ehf.
Síðustu árin hafa bátar frá Suðurnesjum bæst í hóp-
inn og fleiri sótt í þetta.
Útgerðarfélagið Hafnarnes Ver í Þorlákshöfn lét
leita að sæbjúgnamiðum við Suður- og Austurland
og hefur fundið ágæt mið þar. Skip félagsins leggur
upp á Eskifirði en aflanum er ekið til frystingar í
Þorlákshöfn.
Margar tegundir eru til af sæbjúgum. Brimbútur
er tegundin sem hér er veidd. Afurðin fer misjafn-
lega unnin á markað í Asíu þar sem hún þykir herra-
mannsmatur og er jafnvel talin búa yfir lækninga-
mætti.
Brimbútur eftirsótt vara í Asíu
LOÐNUGANGAN er á mikilli ferð
vestur með suðurströndinni og var í
gær úti af Rangárósum. „Við biðum
eftir að frystihúsið væri klárt og tók-
um þetta í fjórum köstum þegar kall-
ið kom,“ segir Geir Zoëga, skipstjóri
á grænlenska loðnuskipinu Eriku,
sem var á leið til löndunar á Norð-
firði. Þar er aflinn frystur.
Geir segir að loðnan hafi staðið
grunnt og veðrið ekki hjálpað til. Það
hefur nú lagast. Erika kastaði á
loðnuna fyrir austan Vestmannaeyj-
ar.
Fjögur skip voru síðdegis í gær á
loðnumiðunum út af Rangárósum,
Hákon, Börkur, Aðalsteinn Jónsson
og Guðmundur. Að minnsta kosti tvö
íslensk loðnuskip voru á leið til lönd-
unar.
Öll norsku skipin sem voru að
loðnuveiðum djúpt undan Austfjörð-
um hættu veiðum í gær og fóru til
Noregs eða Íslands til löndunar. Þá
höfðu þau tilkynnt tæplega 28 þús-
und tonna afla, en þau höfðu leyfi til
að veiða rúmlega 28 þúsund tonn,
samkvæmt þeim kvóta sem gefinn
hefur verið út.
Loðnuskipið Erika, sem gert er út
af grænlenskri útgerð, hefur veitt
mikið með íslensku skipunum. Skip-
stjóri, einn stýrimaður og vélstjór-
arnir eru íslenskir en áhöfnin að öðru
leyti grænlensk, samkvæmt upplýs-
ingum skipstjórans. helgi@mbl.is
Loðnugangan út
af Rangárósum
Norsku skipin búin með útgefinn kvóta