Morgunblaðið - 09.02.2010, Blaðsíða 11

Fréttir 11INNLENT
MORGUNBLAÐIÐ ÞRIÐJUDAGUR 9. FEBRÚAR 2010
Reykjanesbær | Þeir voru hressir
piltarnir sem tóku á móti blaða-
manni á Hæfingarstöðinni í Kefla-
vík nýverið og buðu chilisultu til
kaups. Í tilefni þorra var búið að
skreyta sultukrukkurnar með
rauðu hjarta og spakmæli tengdu
ástinni: „Ástin spyr hvorki um
stétt né stöðu“ stóð á krukkunni
sem blaðamaður hélt á út úr húsi
handa sínum bónda. Magnús Ás-
kelsson þroskaþjálfi sagðist hafa
fengið þá hugmynd að tengja sult-
una við ástarþemað í tilefni
bóndadagsins. „Við höfum verið
að búa til alls kyns sultu, m.a.
þessa chilisultu, og það er alþekkt
að chili er kynörvandi. Okkur
þótti því við hæfi að skreyta
krukkurnar með hjarta og setja á
þær ástarspakmæli. Þetta er sulta
sem segir sex,“ sagði Magnús í
samtali við blaðamann og Valgeir
Jensson starfsmaður bætti við „og
sjö“ við mikla kátínu viðstaddra.
Sultukrukkurnar runnu út á
bóndadag en stefnt er að því að
bjóða ástartengda chilisultu til
sölu fram yfir konudag. Annars er
allan ársins hring hægt að kaupa
ýmsar afurðir í Hæfingarstöðinni
sem kitla bragðlaukana. Til við-
bótar við chilisultu má fá þar rab-
arbara-chutney og í kringum
páska er alltaf framleidd sólgul
sulta úr gulri papriku. Allur ágóði
af sölunni rennur í styrktarsjóð
Hæfingarstöðvarinnar. Auk þess
að ganga upp í kostnað við sultu-
gerðina er verið að safna fyrir
flatskjá.
Súrsaðir hrúts-
pungar með ástar-
örvandi chilisultu?
Morgunblaðið/Svanhildur Eiríksdóttir
Hressir sultusölumenn Arngrímur Arnarson, Ari Páll Vignisson, Valgeir
Jensson og Ástvaldur Ragnar Bjarnason voru kampakátir með chilisultuna,
enda að skella á helgarfrí með bíóferð, aflöppun og handboltaáhorfi.
SORPHIRÐUGJALD hækkar hjá
öllum sveitarfélögum landsins
nema Fljótsdalshéraði, þar sem
það lækkar um 3%, og hjá Reykja-
víkurborg, þar sem það stendur í
stað. Mest hækkun sorphirðu-
gjalda milli ára er í Árborg, sem
hækkar um 54%, á Akranesi, 46%,
og á Akureyri, um 42%. Þetta
kemur fram hjá verðlagseftirliti
ASÍ.
Þegar skoðaðar eru breytingar
á útsvari og álagningu fasteigna-
gjalda í 15 fjölmennustu sveit-
arfélögum landsins á árinu 2010
kemur í ljós að útsvarsprósentan
er óbreytt frá árinu 2009 hjá fjór-
tán sveitarfélögum en hækkar hjá
Mosfellsbæ úr 13,03 í 13,19%. Ell-
efu af þeim fimmtán sveit-
arfélögum sem skoðuð voru inn-
heimta leyfilegt hámarksútsvar,
13,28%.
Fasteignagjöld breytast mikið á
milli ára, aðallega vegna gagngers
endurmats á fasteignamati en
einnig vegna hækkana á álagspró-
sentu sveitarfélaganna. Mest
hækka fasteignagjöld á Eyr-
arbakka vegna mikillar hækkunar
á fasteignamati á svæðinu, einnig
eru miklar hækkanir á Selfossi og
í Reykjanesbæ.
Sorphirðugjald
hækkar hjá
sveitarfélögum
ÚTÞRÁ 2010, sem veitir ungu fólki
kost á að skoða á einum stað öll þau
fjölmörgu tækifæri sem í boði eru
fyrir Íslendinga erlendis, verður
haldin í dag.
Þrettán aðilar og fyrirtæki
kynna starfsemi sína og það nám,
starf, ferðir, sjálfboðastörf og fleira
skemmtilegt sem þau bjóða upp á
erlendis. Kynningin er sérstaklega
hönnuð fyrir þarfir 16-25 ára ung-
menna en að sjálfsögðu eru allir
velkomnir, segir í tilkynningu. Boð-
ið verður upp á gómsætar veitingar
og frítt verður inn. Útþrá 2010
verður haldin þriðjudaginn 9. febr-
úar frá kl. 16-18 í Hinu húsinu,
Pósthússtræti 3-5. Nánar áwww-
.hitthusid.is.
Kynning fyrir ungt
fólk í Hinu húsinu
Rangt föðurnafn
RANGT var farið með föðurnafn
Haraldar Sverrissonar, bæjarstjóra
Mosfellsbæjar, í frétt um prófkjör
Sjálfstæðisflokksins í blaðinu í gær.
Beðist er velvirðingar á þessum mis-
tökum.
LEIÐRÉTT
RÁÐSTEFNA
UMGENGNISTÁLMANIR OG
INNRÆTING EFTIR SKILNAÐ
Þriðjudagur 9. febrúar 2010 kl. 15:00 – 17:00
Hótel Loftleiðir, Þingsalir 1-3
DAGSKRÁ:
Foreldrafirring sem ein tegund tálmunar á umgengni.
Kynning á nýrri M. L. ritgerð.
María Júlía Rúnarsdóttir - Lögfræðingur.
Viðskilnaður barns og foreldris – alvarlegar afleiðingar.
Bertrand Lauth - Barna- og unglingageðlæknir á Barna- og unglingageðdeild.
Landspítala og aðjunct við læknadeild Háskóla Íslands.
Deilur foreldra um umgengni og/eða forsjá barns.
Hvernig tekur stuðnings- og réttarkerfið á Íslandi á deilum foreldra?
Stefanía Katrín Karlsdóttir - Uppeldis- og kennslufræði - Stjórnmálafræðingur.
Börn sem fórnarlömb skilnaðar - Reynsla mín af börnum sem hafa
verið notuð sem vopn í baráttu foreldra eftir skilnað og í skilnaðarferli.
Sr. Þórhallur Heimisson sóknarprestur.
Umgengni við foreldra - sjónarhorn barns.
Hrefna Friðriksdóttir - Lektor í sifja- og erfðarétti.
Ráðstefnustjóri
Davíð Þór Jónsson - Útvarpsmaður og guðfræðinemi.
www.foreldrajafnretti.is
ALLIR VELKOMNIR