Morgunblaðið - 09.02.2010, Blaðsíða 8

Eftir Andra Karl
andri@mbl.is
STJÓRN og stjórnarandstaða
náðu í gærmorgun saman um þann
grunn sem notaður verður í við-
ræðum við Breta og Hollendinga
um að taka upp Icesave-samn-
ingana. Fjármálaráðherra er von-
góður um að málið leysist að end-
ingu. Formenn stærstu stjórnar-
andstöðuflokkanna segjast sáttir
með þann tón sem hefur verið í við-
ræðum leiðtoganna á milli en of
snemmt sé að reka upp fagnaðaróp.
Bjarni Benediktsson, formaður
Sjálfstæðisflokksins, segir grunn-
inn byggjast á því, að ríkisstjórnin
hafi í fyrsta skipti horfst í augu við
það, að það þýði ekkert að berjast
fyrir niðurstöðu í málinu sem eng-
inn stuðningur sé fyrir á Íslandi.
Næsta verkefni sé að koma þeim
skilaboðum áleiðis til stjórnvalda í
Bretlandi og Hollandi.
Sátt varð að nást
Upplýst var í gær að Bretar og
Hollendingar fóru fram á að sátt
næðist milli stjórnmálahreyfinga í
Icesave-málinu áður en til greina
kæmi að ræða um það að nýju.
Þrátt fyrir að þeirri sátt sé náð seg-
ir Bjarni ekkert tilefni til bjartsýni.
„Öll vinnan í þessu máli er enn
eftir og í sjálfu sér höfum við ekki
unnið neitt afrek með því að kom-
ast að þeirri sameiginlegu nið-
urstöðu að reyna að verja hags-
muni okkar.
Fyrst verður einhverjum áföng-
um náð í þessu máli þegar viðsemj-
endur okkar lýsa vilja til þess að
koma fram af sanngirni og sýna
þeim sjónarmiðum, sem við ætlum
að kalla fram, skilning. Ef það tekst
þá getum við farið að tala um að
eitthvað sé að gerast í þessu Ice-
save-máli.“
Sáttur með farveginn
Bjarni segist þrátt fyrir allt sátt-
ur með það í hvaða farvegi málið er
á milli stjórnar og stjórnarand-
stöðu. „En það breytir því ekki að
þetta mál hefði frá upphafi átt að
vinna á þverpólitískum forsendum.
Ekki átti að gera það að pólitísku
bitbeini í íslenskum stjórnmálum
líkt og hefur verið núna undanfarið
ár. Heilt ár er farið í súginn vegna
þess hvernig haldið hefur verið á
málinu.“
Um að gera að fá ráðgjafa
Meðal annars náðist sátt um að
leita til Lee C. Buchheit, sem nánar
er fjallað um á þessari síðu, og
fundað verður með í dag. „Það er
um að gera að fá alla þá ráðgjafa og
snillinga sem mönnum dettur í hug
og telja að geti orðið að gagni,“
sagði Steingrímur Sigfússon, fjár-
málaráðherra, spurður út í hvort
hann væri ánægður með valið.
Sigmundur Davíð Gunnlaugsson,
formaður Framsóknarflokks, segir
að þegar búið sé að stilla saman
strengi, meta helstu styrkleika og
hugsanlega veikleika verði vænt-
anlega farið í viðræður um fram-
haldið. „Aðalatriðið er að reyna að
nýta sem best þær eignir sem eru
þrátt fyrir allt til staðar í þrotabúi
bankans til þess að standa undir
þessu, svo skuldin lendi ekki á ís-
lenskum skattgreiðendum.“
Spurður út í þá sátt sem náðst
hefur og hvort hún sé sigur fyrir
stjórnarandstöðuna segir Sig-
mundur: „Það er best að vera ekki
með neinar yfirlýsingar um slíkt.“
Morgunblaðið/Golli
Létt yfir Forystumenn í stjórnmálaflokkunum funduðu í fjármálaráðneytinu í gærmorgun. Létt var yfir fundarmönnum enda sátt að nást um Icesave.
„Heilt ár farið í súginn“
 Þrátt fyrir sátt meðal stjórnar og stjórnarandstöðu segir formaður Sjálfstæð-
isflokksins ekkert afrek hafa verið unnið og enn ekki komið tilefni til bjartsýni
Leitað hefur verið til Lees C. Buchheits, bandarísks
sérfræðings í þjóðarskuldum, um að verða ráðgjafi í
hugsanlegum viðræðum Íslendinga við Breta og Hol-
lendinga um Icesave. Þetta var niðurstaða fundar
leiðtoga stjórnmálaflokkanna í fjármálaráðuneytinu í
gærmorgun. Buchheit kemur til landsins í dag og
fundar með leiðtogunum.
Lee C. Buchheit er meðeigandi lögfræðistofunnar
Cleary Gottlieb Steen & Hamilton í New York. Í sam-
tali við Morgunblaðið í febrúar 2009 sagði Ársæll
Valfells, lektor í viðskipta- og hagfræðideild Háskóla
Íslands, að Buchheit væri talinn einn virtasti lögfræðingur í heimi á sviði
þjóðarskuldbindinga. Hann hefði m.a. verið fenginn til að semja fyrir
hönd ríkja, sem lent hefðu í greiðsluþroti, um eftirgjöf þjóðarskulda.
Sem dæmi hefði hann unnið fyrir stjórnvöld í Rússlandi og Ekvador og
verið sendur af bandarískum stjórnvöldum til Íraks til að aðstoða þá við
að ná niður erlendum skuldum. Þá kom hann líka að lagalegri fram-
kvæmd áætlunar til að bjarga bandarísku fjármálakerfi.
Buchheit var hér á Íslandi í ágúst í fyrra og fór þá m.a. á fund fjárlaga-
nefndar Alþingis og lýsti þar þeirri skoðun að ótímabært væri að ræða
skilmála Icesave-skuldar Íslands fyrr en ljóst væri hvað fengist fyrir
eignir Landsbankans og hvað stæði þá eftir.
Virtur á sviði þjóðarskuldbindinga
Lee C. Buchheit
8 FréttirINNLENT
MORGUNBLAÐIÐ ÞRIÐJUDAGUR 9. FEBRÚAR 2010
„LANDHELGISGÆSLAN gegnir
lögbundnu hlutverki við björgun og
því vaknar sú spurning, hvenær
kemur að þeim
tímapunkti að við
þurfum að horf-
ast í augu við að
Gæslan geti ekki
sinnt því hlut-
verki. Þetta
gengur eiginlega
bara ekki svona,“
segir Ragna
Árnadóttir,
dómsmálaráð-
herra. Þverpólitísk nefnd vinnur að
stefnumörkum Gæslunnar, s.s. hver
geta hennar á að vera.
Tilefni orða Rögnu er nýlegt atvik
þar sem neitað var að senda þyrlu
eftir sjúkum sjómanni, en aðeins að-
eins ein þyrluáhöfn var á vakt og
varð því ekki við komið að senda
þyrlu út fyrir tuttugu sjómílur.
Ragna segir að ef það komi í ljós
að fjárveitingar Gæslunnar dugi
ekki til að hægt sé að sinna björg-
unarhlutverki þurfi allt eins að
skipuleggja hlutverk hennar upp á
nýtt, eða forgangsraða með björg-
unarhlutverk og eftirlit í fyrirrúmi.
„Gengur
ekki svona“
Endurskipuleggja
þarf eða forgangs-
raða upp á nýtt
Ragna
Árnadóttir
ÁÆTLAÐ er að
langdræga NMT
símakerfið verði
starfrækt til 1.
september næst-
komandi. Póst –
og fjarskipta-
stofnun (PFS)
hefur framlengt
tíðniheimild Sím-
ans til reksturs
NMT kerfisins á
450 MHz tíðnisviðinu sem þjóni land-
inu öllu og miðunum til þess dags.
Margrét Stefánsdóttir, upplýs-
ingafulltrúi Símans, telur að 1. sept-
ember sé endanleg dagsetning varð-
andi lokun NMT kerfisins. Sem
kunnugt er hefur starfræksla þess
verið framlengd.
Slökkt verður á NMT sendunum
eftir því sem ný langdræg farsíma-
þjónusta nær til fleiri landsvæða. Hin
framlengda NMT 450 tíðniheimild
Símans er háð því skilyrði PFS að
fyrirtækið birti fréttatilkynningu í
byrjun hvers mánaðar með lista yfir
þá NMT senda sem slökkt verður á í
þeim mánuði.
NMT-kerfið
starfrækt til
1. september
NMT-símar frá
Nokia
Áskriftarsjóður
ríkisverðbréfa
Sími 460 4700
*Árleg meðalávöxtun frá 15.01.2001 til 31.01.2010. Ávöxtun í fortíð er ekki
ávísun á ávöxtun í framtíð.
Áskriftarsjóður ríkisverðbréfa er verðbréfasjóður skv. lögum nr. 30/2003
um verðbréfasjóði og fjárfestingarsjóði. Rekstrarfélag verðbréfasjóða ÍV
hf. er rekstrarfélag sjóðsins. Útboðslýsingu og nánari upplýsingar er hægt
að nálgast á heimasíðu www.iv.is. Fjárfestar eru hvattir til að kynna sér
útboðslýsingu sjóðsins og þá sérstaklega umfjöllun um áhættuþætti.
9,8%
100% RÍKISTRYGGING
100% AFSLÁTTUR
af viðskiptaþóknun til 28.02.2010
ENGIN BINDINGME
ALÁVÖXTUN*
Strandgata 3 600 Akureyri I Sigtún 42 105 RVK
www.iv.is I iv@iv.is
Við vökum yfir
fjármunum þínum
Góður ávöxtunarkostur – einnig í áskrift