Morgunblaðið - 09.02.2010, Blaðsíða 6

6 FréttirINNLENT
MORGUNBLAÐIÐ ÞRIÐJUDAGUR 9. FEBRÚAR 2010
ÞEGAR harðnar á dalnum er gjarnan rætt um
mikilvægi aðhalds og sparnaðar. Bent er á að
þröngt mega sáttir sitja og gjarnan vísað til þess
að ekki fyrir svo löngu bjuggu kynslóðir saman í
litlu húsnæði og kvörtuðu ekki. Eftir því sem
eldsneyti ökutækja hækkar í verði verða þær
raddir æ háværari sem hvetja fólk til þess að
ganga, nota almenningssamgöngutæki og sam-
nýta bíla sem mest. Hvað ungur nemur gamall
temur, segir máltækið og þessar hressu stelpur
hafa eflaust aðhaldið og sparnaðinn í huga þeg-
ar þær tvímenna á hjóli úr skólanum.
Morgunblaðið/RAX
TVÍMENNA Á HJÓLI ÚR SKÓLANUM
„ÞAÐ er grund-
vallaratriði að eft-
irlit með lausa-
fjárstöðu útibúa
og vernd neyt-
enda er á ábyrgð
Hollendinganna.
Þeir ná ekki að
skjóta sér undan
henni og sann-
arlega er um að
ræða sameigin-
lega ábyrgð eftirlitsstofnana í þessum
tveimur ríkjum,“ segir Björgvin G.
Sigurðsson, fyrrverandi við-
skiptaráðherra, þegar hann er spurð-
ur út í þau ummæli Nouts Wellinks,
bankastjóra hollenska seðlabankans,
að bankinn hafi fengið ósannar upp-
lýsingar um stöðu íslensku bankanna.
Björgvin segir að hollenski seðla-
bankastjórinn geti ekki verið að vísa
til íslensku ríkisstjórnarinnar. Aldrei
hafi verið leitað til hennar um upplýs-
ingar eins og komið hafi fram í yf-
irlýsingu efnahags- og viðskipta-
ráðuneytisins.
Evrópska regluverkið brást
„Evrópska regluverkið brást, bæði
hér heima og erlendis. Málflutningur
Hollendinga sýnir svart á hvítu að
það brást líka hjá þeim, þótt þeir séu í
nauðvörn heimafyrir og vilji koma
sem mestu yfir á okkur,“ segir Björg-
vin. Fram kom hjá Jónasi Fr. Jóns-
syni, fyrrverandi forstjóra Fjármála-
eftirlitsins, í blaðinu í gær að eftirlitið
hefði verið lítið, miðað við stærð
bankakerfisins. Björgvin tekur undir
orð hans og segir að fjármálaeftirlitið
hafi verið á harðahlaupum á eftir
gríðarstóru alþjóðlegu bankakerfi
sem hér hafi orðið til. „Það var yf-
irlýst markmið að stórefla eftirlitið. Á
því rúma ári sem ég var yfir þessum
málum jukust tekjur fjármálaeft-
irlitsins um 52%. Það vannst ekki tími
til að gera meira,“ segir Björgvin.
Hann segir ekki hægt að fella
neina dóma um það hvort upplýsing-
arnar sem FME veitti Hollendingum
um Landsbankann og byggðust á
gögnum bankans hafi verið réttar.
Það muni væntanlega skýrast þegar
skýrsla Rannsóknarnefndar Alþingis
kemur út. „Það er grafalvarlegt mál
ef þessar upplýsingar eru rangar eða
bankinn hefur beitt blekkingum með
einhverjum hætti.“
Geta ekki
vikist und-
an ábyrgð
Björgvin G.
Sigurðsson
Í GÆR höfðu 182 utankjörfundarat-
kvæði verið greidd hjá sýslumann-
inum í Reykjavík í þjóðaratkvæða-
greiðslu um ríkisábyrgð á Icesave.
Samkvæmt upplýsingum frá skrif-
stofu sýslumannsins dreifast at-
kvæðin sem greidd hafa verið nokk-
uð jafnt á dagana frá því að hafið
var að taka á móti atkvæðum.
182 eru búnir að
kjósa í Reykjavík
Eftir Andra Karl
andri@mbl.is
„KASÍNÓ er alþjóðlegt orð og spilavíti svo
hrikalega neikvætt að maður veltir fyrir sér
hvaða áróðursmeistari fann það upp,“ segir
Arnar Gunnlaugsson hjá Ábyrgri spila-
mennsku ehf., spurður um það hvers vegna að-
eins er rætt um kasínó í sambandi við hugmynd
félagsins um að setja á fót spilavíti í húsakynn-
um hótelsins Hilton Reykjavík Nordica.
Ábyrg spilamennska er að jöfnum hlutum í
eigu Icelandair Hotels, sem rekur ofangreint
hótel, og Arnars og Bjarka Gunnlaugssona,
sem þekktastir eru fyrir kunnáttu sína í knatt-
spyrnu. Hugmynd um kasínó var kynnt í iðn-
aðarráðuneytinu og dómsmálaráðuneytinu. Í
kjölfarið hefur verið óskað eftir umsögnum
fagaðila.
„Við höfum unnið að þessu máli mjög lengi
og vorum í raun að bíða eftir rétta tækifærinu.
Kasínó er raunhæfur kostur og ef ekki núna þá
síðar,“ segir Arnar og bendir á að sama um-
ræða hafi farið fram í Danmörku í lok níunda
áratugar síðustu aldar. „Þar var ákveðið að
lögleiða rekstur kasínós með ströngum skilyrð-
um og hárri skattlagningu.“
Arnar segir að reynsla Dana sé sú að ólög-
legir spilaklúbbar lögðust af og viðskiptavinir
þeirra sóttu þess í stað í kasínóin. Hann bendir
á að ólöglegum spilaklúbbum hafi fjölgað mikið
hér á landi, og netspilun einnig aukist. Af þeirri
spilamennsku fái ríkið engar skatttekjur.
Arnar segir um of einblínt á neikvæðar hlið-
ar spilamennskunnar, án þess þó að hann geri
lítið úr spilafíkn. Hins vegar sé hægt að hafa
meira eftirlit með spilamennsku og auðveldara
að koma þeim til hjálpar sem eiga við spilafíkn
að stríða.
Talið er að á milli fjörutíu og sjötíu störf
skapist verði hugmyndinni veitt brautargengi,
en til þess þarf lagabreytingu. Ekki náðist í
Rögnu Árnadóttur, dómsmálaráðherra, við
vinnslu fréttarinnar.
„Kasínó er raunhæfur kostur“
 Arnar Gunnlaugsson hjá Ábyrgri spilamennsku ehf. telur að auðveldara verði að ná til spilafíkla ef
rekið verði spilavíti undir ströngu eftirliti  Hugmyndin hefur verið send til umsagnar hjá fagaðilum
» Á milli fjörutíu og sjötíu störf skapast með opnun spilavítis
» Sama hugmynd var til umræðu í Danmörku fyrir tuttugu árum
» Sú ákvörðun var tekin að leyfa fjárhættuspil með skilyrðum
Fjárfestingarstefna Framtakssjóðs
Íslands mun liggja fyrir í þessum
mánuði. Finnbogi Jónsson hefur
verið ráðinn framkvæmdastjóri.
Sjóðurinn hefur fengið húsnæði
við Sætún og þar starfa 3-4 starfs-
menn. Ágúst Einarsson, formaður
stjórnar, segir að mörg verkefni
blasi við og öruggt megi telja að
sjóðurinn verði búinn að fjárfesta í
einhverjum fyrirtækjum fyrir vorið.
Þótt lífeyrissjóðirnir hafi skuld-
bundið sig til að leggja Framtaks-
sjóðnum til 30 milljarða er ekki
loku fyrir það skotið að geta sjóðs-
ins til fjárfestinga verði aukin um-
fram þá fjárhæð. Stjórn sjóðsins
er heimilt að auka hlutafé í 90
milljarða með áskrift að nýjum
hlutum allt til 31. desember 2012.
Ekki eru settar neinar takmark-
anir á eignarhlutdeild Framtaks-
sjóðs Íslands í fyrirtækjum í skil-
málum félagsins.
Heimilt að auka hlutaféð í 90 milljarða
Eftir Ómar Friðriksson
omfr@mbl.is
„VIÐ erum byrjaðir að vinna úr um-
sóknum sem þegar hafa borist og líta
í kringum okkur. Núna er allt komið
á fleygiferð,“ segir Ágúst Einarsson,
stjórnarformaður Framtakssjóðs Ís-
lands. Alls stóðu 16 lífeyrissjóðir að
stofnun fjárfestingarsjóðsins í des-
ember sl. en honum er ætlað að taka
þátt í fjárhagslegri og rekstrarlegri
endurreisn með beinum fjárfesting-
um í fyrirtækjum í öllum atvinnu-
greinum, sem eru talin eiga sér væn-
legan rekstrargrundvöll. Skuld-
bundu lífeyrissjóðirnir sig til að
leggja sjóðnum til 30 milljarða.
Framtakssjóðurinn mun ekki síst
beina sjónum að fyrirtækjum sem
bankarnir hafa tekið yfir, eru að
reyna að blása lífi í á ný og skrá þau á
markaði.
Ágúst bendir á að söluferli fyrir-
tækja á vegum bankanna sé nú hafið.
„Við leggjum mikla áherslu á að hér
myndist aftur virkur hlutabréfa-
markaður. Það er nauðsynlegt og við
munum hjálpa til við það.“ Þýðing-
armikið sé að hér séu til staðar öfl-
ugir fjárfestingarsjóðir eins og
Framtakssjóðurinn, sem ætlar að fá
fleiri til liðs við sig í því verkefni að
endurreisa fyrirtæki, fá þau skráð í
Kauphöllinni og koma á fót eðlilegu
viðskiptaumhverfi.
Arion banki ákvað í seinustu viku
að fara þá leið við sölu á Högum,
móðurfélagi Bónuss og Hagkaupa,
að skrá félagið í Kauphöllinni og
hefja undirbúning að útboði hluta-
bréfa. Spurður hvort Hagar komi til
greina sem fjárfestingarkostur
sjóðsins segir Ágúst að taka muni
einhverja mánuði að ganga frá út-
boðinu í Kauphöllinni „en við munum
vafalítið skoða það dæmi eins og
önnur. Þetta er dæmi þar sem banki
er að setja fyrirtæki aftur út í lífið og
við skoðum það“. Hann tók þó fram
að sjóðurinn hefði enn sem komið er
ekki skoðað Haga sérstaklega.
Viljum vinna hratt
„Við erum mjög opin fyrir því sem
er að gerast núna og viljum vinna
hlutina hratt.“ Framtakssjóðurinn
mun einbeita sér að starfandi,
stórum fyrirtækjum sem átt hafa í
erfiðleikum vegna efnahagsástands-
ins en eru talin lífvænleg. Hann er
ekki stofnaður til að fjárfesta í ný-
sköpun og sprotafyrirtækjum. Að
sögn Ágústs er miðað við að eign-
arhlutur sjóðsins í fyrirtækjum geti
verið á bilinu 20% til 60%.
„Við ætlum ekki að vera einhver
viðbótarfjárfestir heldur ætlum að
hafa áhrif til góðs fyrir fyrirtækið og
við útilokum ekki að við kaupum
meirihluta eða verðum það ráðandi
aðili að okkar rödd skipti máli en við
munum leita samstarfs við aðra.“
Fjárfestingarnar verði ekki til að
fylla upp í eyðurnar hjá fyrirtækjum
í fjárþörf. „Við munum verða áhrifa-
fjárfestir og hafa áhrif innan þeirra
fyrirtækja sem við komum nálægt.“
Allt komið á fleygiferð
 Framtakssjóður lífeyrissjóðanna ákveður fjárfestingar í fyrirtækjum fyrir vorið
 Tíu erindi hafa þegar borist sjóðnum  „Við munum verða áhrifafjárfestir“