Skólablaðið - 01.03.1985, Síða 37

Þú mundir ekki vilja ganga inn í tíma
núna og kenna sögu?
„Að kenna sögu! Ja, því þá ekki
það, ef ég kynni það sem ég ætti að
kenna.“
Nú sagði Guðni eitt sinn að þeir sem
færu í eðlisfræði ætluðu sér allir að
verða litlir „Einsteinar“ og afleiðingin
væri sú að skortur væri á eðlisfræði-
kennurum. Ætlaðir þú þér að verða
lítill Einstein?
„Eins og ég sagði áðan þá var það
bara vegna þess að það var þörf fyrir
eðlisfræðikennara á þeim tíma.“
Nú er byrjað að kenna eðlisfræði í 5.
bekk stærðfræðideildar. Vita menn
almennt lítið um fagið þegar þeir
byrja?
„Nei, í rauninni ekki. Menn hafa
lært efnafræði þá í tvö ár og kunna skil
á ýmsum hugtokum. En menn virðast
almennt búa yfir staðbetri þekkingu í
henni nú heldur en fyrir 10-15 ár-
um.“
Eru ekki dæmi til þess að menn skilji
hvorki upp né niður?
Þórarinn hlær með sjálfum sér:
„Jú, það er fullt af fyndnum dæm-
um um það. Ég get bara ekki sagt frá
því, ég þyrfti að leika það líka.“
Nú var afi þinn og alnafni, Þórarinn
Guðmundsson, tónskáld. Þú hefur
ekki reyntfyrirþér á þvísviði?
„Nei, tónlist er organiseraður
hávaði.“
Hlustar þú þá alls ekkert á hana?
„Ég kemst ekki hjá því - það er
táningur á heimilinu.“
En hvað hlustar þú á ótilneyddur?
„Elelst hálfklassíska tónlist, jass
ofl. Ég set eiginlega sjaldan plötu á
fóninn þegar heim kemur en ef ég set
einhverja á annað borð, þá gleymi ég
alltaf að skipta um hlið.“
Einhver uppáhaldstónlistarmaður
eða hljómsveit?
„Ja, þeir eru margir en mér dettur í
hug Benny Goodman eða Modern
Jazz Quartet."
Ef við snúum okkur aftur að skól-
anum, hvað með ,,móralinn“ á kenn-
arastofunni? Er hann góður?
„Já, afskaplega góður. Ég hef verið
svo heppinn að alls staðar hefur hann
verið góður. Alveg afbragðs kenn-
arar.“
Þrífast engar klíkur þar?
„Nei, enginn kemst upp með það.“
Ætlaðir þú alltafað verða kennari?
„Það var alltaf ofarlega á baugi hjá
mér en ég ætlaði eiginlega í verk-
fræði.“
Hvað finnst þér þú hafa grætt á kenn-
arastarfinu?
„Grætt, ja, það eru þessir þrír plús-
ar, jóla-, páska- og sumarfrí. Maður á
alltaf frí þegar gott er að eiga frí. Nú,
svo er þetta ekki leiðinlegt og jafnvel
stundum skemmtilegt og maður biður
ekki eftir því að vinnudagur sé búinn.
Það eru forréttindi að vera í starfi,
sem manni líkar.“
Þú gætir ekki hugsað þér að taka þér
frí í eitt árfrá kennslu ogfara að vinna
á skrifstofu?
„Nei, ég gæti ekki hugsað mér níu
til fimm vinnu.“
Þórarinn hafði tekið upp golfkúlu
og snúið henni látlaust í höndunum.
Ég spurði því hvort hann spilaði golf.
„Nei, þetta er kennslutæki! Ég
nota þetta til að skýra út ýmislegt í
eðlis- og stjörnufræði.“
Gætir þú hugsað þér að vera stjórn-
andi hér í skóla?
„Nei, það væri að kaupa sér haus-
verk.“
En að lokum, einhver spakmæli?
„Ég kann alveg fullt af þeim en ég
man ekkert nú!
Jón Gunnar Jónsson.
ÁBÓT
Á VEXTI
GULLS ÍGILDI
ÚTVEGSBANKINN
EINN BANKI • ÖLL ÞJÓNUSTA
Skólablaðið 37