Skólablaðið - 01.03.1985, Page 49

Kristján Pétur
Iskoðanakönnun Skólablaðsins
kom fram að hljómsveitin Pink
Floyd er í miklum metum meðal MR-
inga. Var ákveðið að fjalla örlítið um
þessa merku hljómsveit sem markaö
hefur stór spor í sögu tónlistar og
hljómleika í heiminum í dag. Það sem
hér fer á eftir er yfirgripsmikið grein-
arkorn þar sem fjallað er um það allra
helsta í sögu hljómsveitarinnar.
David Gilmour
Hljómsveitin Pink Floyd varð fyrst
kunn sem ein fremsta framúrstefnu-
hljómsveit Lundúnaborgar. Ólíkt
flestum öðrum stjörnum frá sumrinu
1967 hélt hún áfram að þróast sem
tónlistartúlkendur og semjendur á
meðan aðrar sveitir lögðu upp laup-
ana. Hún var stofnuð árið 1966 og var
þá skipuð þeim Roger (Syd) Barrett,
Roger Waters, Richard Wright og
Nicholas Mason.
Til að byrja með spiluðu þeir aðal-
lega ,,rhythm’n’blues“ en fyrir áhrif
frá Barrett fóru þeir að spila það sem
ávallt hefur veriö kallað sýrurokk og
einkenndi plötur þeirra framan af.
Fyrsta plata Pink Floyd er einmitt af
þessu tagi, þar sem þeim félögum
tókst að framkalla á hljóðfæri sín, lík-
ingu af nokkurs konar geimferðalög-
um og var hugmyndafluginu greini-
lega gefinn laus taumurinn.
Platan festi þá í sessi sem langbestu
hljómsveit utangarðsmanna eða svo-
kallaðra underground-hljómsveita.
Einkennandi fyrir plötuna eru söngv-
ar Barretts og hið barnalega hug-
myndaflug hans. Langflest lögin voru
eftir hann, enda var hann aðal drif-
fjöðurin í hljómsveitinni. Mönnum
fór því ekki að lítast á blikuna varð-
andi áframhaldandi starf Pink Floyd
er geðheilsa Barretts fór stórum
versnandi. Arið 1968 varð Pink
Floyd að segja skilið við Barrett og
var hljómsveitin á ystu nöf með að
hætta samstarfinu, því án hans fannst
þeim þeir ekki geta þróast sem ein-
söngs-hljómsveit. Þeir fengu nýjan
mann til liðs við sig, David Gilmour
að nafni, sneru sér aðallega að hljóð-
færaleiknum og árið 1968 kom önnur
breiðskífa Pink Floyd út og framtíð
hljómsveitarinnar var borgið.
Tónleikar Pink Floyd voru oft á
tíðum stórkostlegir. Þeir juku og
breyttu lýsingunni á tónleikum sín-
um. Þeir komu einnig fram með nýja
tækni (Azimuth Co-ordinator) sem
dreifði tónlistinni um salinn. Árið
1969 gáfu þeir út tvöfalt albúm,
„Ummagumma“, en önnur platan í
því albúmi var hljómleikaplata en hin
var tekin upp í stúdíói. Tókst það ekki
sem skyldi og naut hún ekki mikilla
vinsælda. Eftir að þessi plata kom út
heyrðist ekki mikið í hljómsveitinni
en þeir fundu upp ný atriði fyrir hina
stórfenglegu tónleika sína sem þeir
lögðu mikið upp úr en upptökur
þeirra voru mjög tilbreytingalausar.
Pink Floyd sömdu tónlist við
nokkrar bíómyndir: ,,More“ (1969),
„The Body“ (1970), „Zabriskie
Point“ (1970) og „Obscured by
Clouds“ (1972), en það var aðeins í
myndinni „Zabriskie Point“ sem
kraftur tónlistar þeirra kom almenni-
lega í ljós og þá sérstaklega í loka-
atriði myndarinnar þegar lagið
„Careful with that Axe, Eugene“ var
leikið með röð af rosalegum spreng-
ingum.
Árið 1970 gáfu þeir út „Atom
Heart Mother“ og þekur titillagið
aðra hlið plötunnar og er þar kominn
vísir að fyrsta tónverki hljómsveitar-
innar sem áttu ekki eftir að verða
ómörg!! (Dark Side of the Moon).
Næsta plata Pink Floyd, „Meddle“,
Skólablaðið 49