Skólablaðið - 01.03.1985, Side 57

QUID
NOVI
Til sölu er úrvalsbifreið. Sænskt gæðastál, bólstruð sæti.
Glæsivagninn er af tegundinni Saab 96 árgerð ’74. Bíllinn
er ryðbrúnn að lit með hvítum blettum. Hann hefur athygl-
isverðan gang og yfirleitt þrjá gíra. Fer það annars eftir
skapi ökumanns. Bíllinn hlýðir reglum um hámarkshraða
og fer því aldrei yfir 60 km/klst. Tilboð í bílinn verða
opnuð hjá bæjarfógetaembættinu í Hafnarfirði, mánudag-
inn 1. apríl 1986
Sagt er að framleiðendur lélegra ástarmynda í Hong-Kong
hafi sett sig í samband við forseta Róðrarfélagsins og falast
eftir tæknilegri ráðgjöf.
Eftirfarandi barst með torkennilegum hætti til eyrna Rit-
stjórnar: Vinátta fyrrverandi stjórnarmeðlima félagsins
virðist hafa sprungið með hneykslinu. Þykir öðrum hinn
hafa svikið sig og með því sprengt allar vonir annars til
inspectorsembættisins. Hinum finnst annar hafa gert sitt
besta til að koma allri sök yfir á herðar hins. Annar á einnig
bágt með að fyrirgefa hinum vináttu hins við þá sem ráku
stjórnina frá störfum. Það andar víst ísköldu á milli þeirra
tveggja.
Heiðarlegar heimildir herma að hinn mælski sveinn Jón G.
Þormar ógni nú orðstír helstu kvennamanna skólans. Sagt
er að Jón hafi gert sig líklegan við 4-5 meyjar á árshátíð
Framtíðarinnar. Þar sem hann hefur verið orðaður við
embætti Framtíðarforseta er hann grunaður um að vera í
leit að forsetafrú.
Á kaffihúsum borgarinnar er nemendum í öðrum fram-
haldsskólum tíðrætt um hið ljúfa líf sumra frammámanna í
félagslífi M.R., vina þeirra og vandamanna. Þá spyrjum
við, hvaðan skyldu þessir peningar vera komnir?
Skólablaðið 57