SunnudagsMogginn - 10.04.2011, Side 12

12 10. apríl 2011
Sunnudagur
Víkingur Heiðar Ólafs-
son Það var ógleym-
anlegt að heyra Kristin
Sigmundsson (Mark
konung) í Tristan og Ís-
old í Berlín í kvöld, kynngimagnaður
flutningur. Er ekki löngu kominn tími á
Wagner á Íslandi?
Miðvikudagur
Sigurbjörg Þrast-
ardóttir Lopi yfir velúr
– pólska vorið er
lúmskt og því var
nauðsynlegt að vera
vel klæddur inni/úti í
dásamlegum útistofulestri í morgun…
Dziêki, wszyscy!
Fimmtudagur
Viggó Jónsson Hver þarf Baggalúts-
fréttir þegar við höfum stjórnlagaþing?
Einar Kárason
ÓRG, sem á ekkert
nema sitt nafn og
orðspor, gæti endað
sem sá óþarfasti og
gagnslausasti Íslendingur sem uppi
hefur verið.
Lay Low Getting myself ready for
some studio sessions… do re me fa
so sjubbedido.
Fésbók
vikunnar flett
S
amfélagið er fyrst og fremst
veraldlegt þó að einhverjir
haldi öðru fram. Drifkraftur
samfélagsins og skipulag bygg-
ist á veraldlegum gildum óháð trúar-
brögðum.
Trúarbrögð ákveða ekki hvernig
dómskerfi okkar er uppbyggt eða
hvernig viðskipti fara fram. Hvað þá
hvernig völdum er dreift í samfélaginu,
hvernig fólk kemst í valdastöður né
hvernig menntun er háttað.
Þessir samfélagsþættir hafa tryggar
undirstöður í veraldlegum grunni. Eng-
in ástæða er til að ein eða fleiri trúar-
brögð ákvarði hvenær eða hvernig fólk
skemmtir sér – rétt eins og þau ákvarða
ekki hvernig menntun okkar eða
dómskerfi er háttað.
Fólki frá ólíkum menningarheimum
fer fjölgandi hérlendis – og þar með
fjölgar ólíkum trúarhópum í landinu.
Annar hópur, sem fer stækkandi, eru
trúleysingjar – fólk sem trúir ekki á
nokkurn guð.
Þótt Ísland sé smáríki þá er það engu
að síður fjölmenningarríki. Það gengur
ekki í siðuðu samfélagi að þröngva viss-
um lífsskoðunum upp á fólk, beint eða
óbeint, sama hve mikill fjöldi aðhyllist
þær. Auk þess er orðum aukið hve
margir Íslendingar aðhyllast kristni.
Skráning í trúfélag við fæðingu jafn-
gildir ekki trúarviðhorfum og kannanir
sýna að stór hluti þeirra sem skráðir
eru í ríkiskirkjuna aðhyllist ekki
kristni.
Með því að trúarbrögðin stjórni að
nokkru leyti skemmtanalífi er verið að
knýja einstaklinga til að hlíta kristnum
sið. Þó að þessari skilyrðislausu virð-
ingu við helgidaga sé ekki viðhaldið
með ofbeldi þá er það rangt.
Það er mýta að frídagar séu trúar-
brögðum að þakka. Vissulega eru sumir
merktir kristni en við getum þakkað
verkalýðsfélögum og baráttu þeirra það
að við þurfum ekki að mæta í vinnu á
laugardögum og fáum ágætt sumarfrí.
Fólk ætti að hafa möguleika á að ráð-
stafa trúarfrídögunum með þeim hætti
sem það kýs. Vel má vera að margir
kysu að lengja sumarfríið eða taka gott
frí með börnunum á starfsdögum skóla
í stað þess að sleppa vinnu stöku
fimmtudag.
Þannig að: Nei, trúarbrögð eiga ekki
að stjórna skemmtanalífi fólks.
MÓTI
Matthías
Ásgeirsson
fyrrverandi for-
maður Vantrúar
É
g svara þessari spurningu
játandi vegna þess að það er
alltaf rétt að fara að lögum.
Draga má í efa að bönn séu
til góðs eða skili því sem til er ætlast,
en ekkert samfélag getur komist hjá
því að beita bönnum.
Lögin um helgidagafrið hafa tekið
miklum breytingum frá því að þau
voru fyrst sett. Megininntak þeirra er
frá upphafi að tryggja frið til trú-
ariðkunar með því að koma í veg fyrir
það sem veldur hávaða meðan á guðs-
þjónustu stendur eða í aðdraganda
helgihalds á stórhátíðum.
Í lögunum er talað um að tryggja
frið á helgidögum þjóðkirkjunnar. Það
getur valdið þeim misskilningi að
helgidagalöggjöfin sé einungis fyrir
þjóðkirkjuna og að hún beiti þjóðina
valdi til að spilla gleði hennar yfir því
að hafa marga frídaga í röð. Þjóð-
kirkjan hefur ekkert slíkt vald, og
ekkert trúfélag.
Þessir helgidagar eru sameign krist-
inna trúfélaga en þeir eru kenndir við
þjóðkirkjuna vegna þess að þegar lög-
in voru sett var ekki um mörg önnur
trúfélög að ræða. Bannið sem hér um
ræðir tekur yfir föstudaginn langa frá
miðnætti til miðnættis, og páskadag
frá kl. 3 að morgni til miðnættis sama
dag. Það má ekki halda dansskemmt-
anir á föstudaginn langa og páskadag.
Það má halda slíka skemmtun á skír-
dagskvöld til miðnættis. Sömuleiðis
allan laugardaginn fyrir páska til kl.
þrjú um nóttina, og svo má byrja aft-
ur um miðnætti.
Ég viðurkenni að ég veit ekki hvers
vegna löggjafinn ákvað að banna sér-
staklega happdrætti og bingó nema ef
vera kynni að það væri skilgreint sem
fjárhættuspil. Að sjálfsögðu nálgast
fólk sem upplifir bænadaga og páska í
samræmi við sína kristnu trú þá daga
með öðrum hætti en þau sem gera
það í minna mæli eða alls ekki, eða
þau sem aðhyllast ekki kristna trú.
Páskadagur ásamt föstudeginum
langa er hæsta hátíð kristinnar trúar.
Hún er sameign allra kristinna
manna. Ekki aðeins þjóðkirkjufólks. Í
ljósi þess hversu ríkan þátt kristnin
skipar í íslensku samfélagi tel ég rétt
að löggjafinn verndi þessa daga sér-
staklega eins og staðfest er með lög-
um.
MEÐ
Kristján Valur
Ingólfsson
prestur á
Þingvöllum
Er rétt að banna vissar
skemmtanir um páska?
’
Í ljósi þess hversu
ríkan þátt kristnin
skipar í íslensku
samfélagi tel ég rétt að lög-
gjafinn verndi þessa daga
sérstaklega
Dansleikir og einkasamkvæmi eru bönnuð á ákveðnum tíma um páskana þar sem
almenningur hefur aðgang. Einnig skemmtanir eins og happdrætti og bingó.
’
Það gengur ekki
í siðuðu sam-
félagi að
þröngva vissum lífs-
skoðunum upp á fólk.