SunnudagsMogginn - 08.05.2011, Qupperneq 6

6 8. maí 2011
„Dauður“ er stimplað þvert yfir forsíðumynd af Osama bin Laden í blaðinu
Pakistan Today á blaðsölustað í Lahore.
Reuters
Þ
að tók Bandaríkjamenn tíu ár að hafa uppi
á Osama bin Laden. 2. maí gerðu banda-
rískir sérsveitarmenn árás á bin Laden í
fylgsni hans í bænum Abottabad í Pakistan
og féll hann í árásinni. Það var mikið áfall þegar út-
sendarar bin Ladens, foringja hryðjuverkasamtak-
anna al-Qaeda, gerðu árás á Bandaríkin 11. sept-
ember 2001.
Ef til vill er það merki um styrk bin Ladens að
honum skyldi takast að forðast klær Bandaríkja-
manna svo lengi og ugglaust hafa íslamistar sótt til
hans innblástur, en styrkur al-Qaeda virðist hafa
dvínað og eitt merki þess að ekki eigi að ofmeta
áhrifamátt samtakanna er að í uppreisninni í araba-
löndunum í upphafi þessa árs hafa þau verið lengst
úti á jaðri.
Í nýjasta tölublaði The Economist segir að þrátt
fyrir að al-Qaeda sé enn „stærsta merkið“ meðal ísl-
amskra hryðjuverkamanna megi greina marga veik-
leika í samtökunum. Blaðið hefur eftir viðmæl-
endum, sem til þekkja, að al-Qaeda sé undir
miklum þrýstingi. Samtökin séu fámennari en þau
hafi verið um langt skeið, skorti peninga og eigi mun
erfiðara með að láta til skarar skríða gegn hinum
„fjarlæga“ óvini í vestri en áður. Segir blaðið að
undanfarið hafi stjarna bin Ladens dofnað, sér-
staklega í Mið-Austurlöndum.
Blaðið segir að það hafi haft sín áhrif að með ár-
unum varð ljóst að bin Laden varð ekkert ágengt í
baráttu sinni og þá sérstaklega fyrir því markmiði að
flæma „heiðingjana“ burt frá löndum múslíma.
Þvert á móti hafi árásir hans orðið til þess að Vest-
urlönd létu enn frekar að sér kveða með því að ráð-
ast inn í Afganistan og Írak.
Fylgismenn bin Ladens hafi hrökklast út á jað-
arinn og aðeins þrifist á afskekktum löglausum
svæðum á borð við fjallahéruð Jemens og Pakistans,
eyðimörkum Norður-Afríku og óaldarsvæðum
Afganistans og Íraks. Hundeltir leiðtogar hafi stöð-
ugt þurft að vera í felum og stöðugt átt erfiðara með
samskipti hver við annan og umheiminn. Kjarni al-
Qaeda sé því orðinn veikur. Bandaríkjamenn hafa
höggvið skörð í raðir al-Qaeda með stöðugum
árásum mannlausra flugvéla á stöðvar samtakanna í
fjallahéruðum Pakistans. Árásirnar hafa vakið reiði
Pakistana vegna falls óbreyttra borgara í þeim, en
The Economist segir að þær hafi verið svo árang-
ursríkar að þær hafi leitt til bræðravíga foringja al-
Qaeda, sem voru sannfærðir um að þeir hefðu verið
sviknir innan frá. Nú má búast við því að Banda-
ríkjamenn herði árásirnar á al-Qaeda til að nýta
upplýsingarnar sem fundust á felustað bin Ladens
áður en þær verða úreltar.
Þrengir að
al-Qaeda
Greina marga veikleika
í hryðjuverkasamtökunum
Íbúi í Abbottabad í Pakistan gengur fram hjá húsinu
þar sem Osama bin Laden féll.
Reuters
Vikuspegill
Karl Blöndal kbl@mbl.is
Hryðjuverkasamtökin al-Qaeda
voru eitt sinn rækilega miðstýrð
og öll skiplagning kom ofan frá.
Eftir hryðjuverkin 11. september
2001 löguðu samtökin sig að nýj-
um aðstæðum og urðu laustengd.
Pakistanski blaðamaðurinn Ah-
med Rashid líkir samtökunum nú
við fjölþjóða fyrirtækjakeðjur,
sem selja leyfi til rekstrar í sínu
nafni. Þannig geti hryðjuverka-
samtök um allan heim notað nafn
al-Qaeda án þess að lúta yf-
irstjórn þeirra.
Nú hefst barátta um forustu
innan samtakanna. Osama bin
Laden gerði egypska lækninn
Ayman al-Zawahiri að sínum
næstráðanda og því má ætla að
hann hafi nú mest að segja í sam-
tökunum. Rashid bendir hins veg-
ar á í grein á vefsíðu tímaritsins
New York Review of Books að
hann sé illa þokkaður af mörgum
innan samtakanna vegna hroka
síns og eins fyrir það að draga
taum Egypta í al-Qaeda. Vanda-
samt verði hins vegar fyrir sam-
tökin að velja sér leiðtoga vegna
þess hve erfið samskipti milli fé-
laga eru út af eftirliti Bandaríkja-
manna og NATO.
Valdabarátta fer í hönd
Egypska lækninum Ayman al-Zawahiri (3. f.v.) mun nokkrum sinnum
hafa tekist að komast undan þegar Bandaríkjamenn hafa gert árás.
Reuters
Hryðjuverkasamtökin al-
Qaeda staðfestu á föstudag
að Osama bin Laden væri
látinn og sögðu að blóð
þeirra, sem fögnuðu dauða
hans, yrði blandað tárum.
„Þótt Bandaríkjamönnum
tækist að drepa Osama er
það hvorki skömm né blettur
[fyrir al-Qaeda],“ sagði í yf-
irlýsingunni samkvæmt þýð-
ingu bandarískrar eftirlits-
stofnunar, SITE. „Brátt
verður með hjálp Allah ham-
ingja þeirra að sorg og blóð
þeirra blandað tárum þeirra.“
Sagði að brátt yrði birt yf-
irlýsing, sem bin Laden hefði
tekið upp viku áður en hann
var drepinn.
Blóð þeirra
blandað tárum