SunnudagsMogginn - 08.05.2011, Blaðsíða 37

8. maí 2011 37
Það leynir sér ekki að Páll Magnússon út-
varpsstjóri er stoltur af Landanum. Ég sit
gegnt honum á skrifstofu útvarpsstjóra í
Efstaleitinu og hann fer allur á flug þegar
ég bið hann að segja mér frá þættinum
sem hann segir vera eitt best heppnaða
prógramm sem RÚV hefur farið í lengi.
„Landinn fær viðlíka áhorf og skemmti-
þættirnir okkar á laugardagskvöldum, er
oftast með svipað áhorf og Gettu betur,
Útsvar og Söngvakeppni Sjónvarps-
stöðva. Þó hugsuðum við Landann ekki
til að hámarka áhorfstölur og bjuggumst
satt að segja ekki við svona miklum vin-
sældum. Okkur fannst einfaldlega þarft
að vera með þátt af þessu tagi. Á okkar
mælikvarða má segja að Landinn sé frek-
ar dýr en þó talsvert ódýrari en stórir
stúdíóskemmtiþættir sem hann jafnast á
við í vinsældum.“
Lagt var af stað með það frá upphafi
Landans að vera ekkert endilega að „leita
uppi leiðindi“ að sögn Páls. „Ég held að
allir sem að þættinum koma hafi verið
sammála um að þeir ættu að þora að segja
sögur sem eru jákvæðar, skemmtilegar og
skipta máli og þyrftu ekki endilega allar
að hafa innbyggð vandamál. Það þarf ekki
að vera með „allt að fara til andskotans“-
mál í öllum fréttatengdum þáttum. Það er
allt í lagi að leyfa sér að vera með jákvæð-
an, uppbyggilegan og brosmildan dæg-
urmálaþátt. Það eru oft alvarleg mál í
Landanum, þær sögur eru líka sagðar, en
það er líka allt í lagi að það sé heill þáttur
sem er ekki með nein leiðindi.“
Landsbyggðarhólfið?
Páll er á því að það sé ekki endilega bara
landsbyggðartengingin í þættinum sem
gerir hann svo vinsælan heldur hvernig
hann er unninn. „Landinn er mjög
skemmtilega uppbyggður þáttur og hinn
sígildi lærdómur sem við drögum af þessu
er að þegar við gerum hlutina vel þá fá
þeir gott almennt áhorf. Það er ekkert
bundið við landsbyggðina eða höf-
uðborgarsvæðið. Landsbyggðartenging
ein og sér gerir ekkert sérstakt fyrir þætti
í vinsældum. Þetta veltur á fólkinu sjálfu
sem gerir þáttinn og gæðum hans,“ segir
Páll.
Spurður hvort honum finnist rétt að
vera alltaf með landsbyggðina í sérþátt-
um svarar Páll að það sé mikið búið að
ræða það innan RÚV. „Á að vera að setja
landsbyggðina í eitthvert sérstakt hólf,
þetta er alltaf spurningin. Ég skil hugs-
unina – er þetta landsbyggðarhólfið – en
mér finnst þessi hugsun röng. Það er
ekkert sem bannar starfsmönnum Land-
ans að gera innslög af höfuðborgarsvæð-
inu og þeir hafa gert það.
Í þættinum erum við bara að sýna að
það er fólk út um allt land að gera já-
kvæða og uppbyggilega hluti og það er
ekki verið að eltast við neitt „skrítið
fólk“. Þetta eru bara sögur af landinu,
sögur af fólki, segir Páll ákveðinn en
brosandi og endar á einni spurningu til
mín;
„Hvaðan af landinu kemur þú?“
Páll Magnússon útvarpsstjóri segir Landann vera eitt best heppnaða prógram sem Rík-
isútvarpið hefur farið í lengi. Hann er ánægður með þáttinn.
Morgunblaðið/RAX
Ekki til að hámarka áhorfstölur
kemur alltaf eitthvað nýtt,“ segir Gísli og
Karl bætir við; „Við reynum alltaf eins og
við getum að hafa þetta sögur af fólki.
Það virðist vera það sem fólk hefur áhuga
á.“
Spurður út í ritstjórnarstefnu þáttarins
svarar Gísli að hún snúist um að gera
áhugaverðan og skemmtilegan þátt en
um leið að fjalla um hluti sem skipta fólk
máli. „Við erum meira í jákvæðu efni en
leggjum áherslu á að vera með alvöru
fréttamál í hverjum þætti og pössum að
vera ekki í sömu málum og eru í fréttum
á hverjum degi. Við höfum mikið verið að
leita uppi fréttir af atvinnuvegum, ný-
sköpun og slíkt, og það er það efni sem er
hvað þakklátast. Atvinnusköpun er for-
vitnileg. Við leggjum áherslu á hluti sem
koma fólki við, varða fólk og skemmta.
Það er oft gert lítið úr jákvæðum fréttum
utan af landi, að þær séu uppfylling-
arfréttir en þetta eru allt fréttir sem
skipta fólk máli. Við erum meðvituð um
það að við erum ekki að gera nein kynn-
ingarmyndbönd fyrir landsbyggðina, ef
við sýnum eitthvað jákvætt er það vegna
þess að okkur finnst það athyglisvert.Við
erum ekki að selja landið. Við erum bara
að sýna það.“
Félagarnir Gísli og Karl sitja ábúð-
arfullir á móti mér, báðir skeggjaðir og
áhugasamir um vinnu sína. En hvað
finnst þeim um þá umræðu að það sé ver-
ið að setja landsbyggðina í sér hólf, að-
skilið höfuðborgarsvæðinu, með slíkum
þætti? „RÚV er að sinna landsbyggðinni í
fréttunum en það er svo mikið af efni sem
opnast núna vettvangur fyrir með þess-
um þætti. Sumt af því hefði komist í
fréttir en það hefði ekki fengið þann tíma
né vinnslu sem það og áhorfendur ættu
skilið. Kastljósið er þjóðmálaþáttur með
dægurmálaívafi en Landinn er meira
dægurmálaþáttur með þjóðmála-
umfjöllun eða fréttaívafi. Mér finnst ekki
neitt að því að hafa landsbyggðina í ein-
um þætti. Jákvæð viðbrögð við þættinum
eru ekkert síður í höfuðborginni, enda
viljum við meina að það eigi ekki að þurfa
að aðskilja neitt. Þetta er ein þjóð. Það er
samt ekki verið að segja með þessu að allt
efni af landsbyggðinni komi fram í þess-
um eina þætti en við höfum aðallega ver-
ið á landsbyggðinni og helgast það mikið
til af því að það eru aðrir sem eru að taka
höfuðborgarsvæðið,“ segir Gísli og Karl
er sammála félaga sínum.
Því hefur verið haldið fram að fjöl-
miðlar sýni aðeins skrítið fólk utan af
landi og viðurkennir Gísli að þættir eins
og Stiklur og kannski Út og suður hafi ýtt
undir það. „Ekki vegna þess að í þeim
hafi verið talað við skrítið fólk heldur
kannski fyrst og fremst fólk sem þorir að
koma til dyranna eins og það er klætt og
fær kannski þess vegna á sig þann stimp-
il. Með Landanum teljum við að við séum
að brjóta þá ímynd niður og við höfum
fengið þau viðbrögð að fólk sé að átta sig
á því eftir þennan þátt að það sé ekki ein-
göngu skrítið fólk úti á landi. Við erum
ekki að fara út á land að sækja efni heldur
erum við að koma með efni utan af landi
og að sýna landsbyggðina í réttu ljósi að
við teljum,“ segir Gísli. Karl, sem hefur
setið þögull, glottir og bætir við: „Ég las
um daginn að það væri bara verið að tala
við skrítið fólk út á landi en við höfum
ekki talað við einn einasta furðufugl.“
Sveitó en ekki lúðalegir
Aðdáendur Landans geta glaðst yfir því
að þátturinn fer ekki í sumarfrí. Hann
verður á dagskrá allan ársins hring. „Það
var greinilegt að það var þörf fyrir þenn-
an þátt og þess vegna er honum tekið
svona vel. Sjónvarp á að vera eitthvers
konar spegill þjóðarinnar og þarna hefur
þjóðin getað speglað sig í mörgu,“ segir
Karl og nú er það Gísli sem situr þögull og
kinkar kolli orðum hans til samþykkis.
Hann getur samt ekki staðist það að eiga
síðasta orðið; „Landinn ætti að sameina
fólk enda vísar nafn þáttarins í landið
sem heild. Við lögðum upp með það til að
byrja með að við yrðum á landsbyggðinni
en ekki eingöngu. Höfuðborgin mun
samt aldrei koma inn í þáttinn miðað við
hlutfall af íbúatölu. Við viljum vera
sæmilega sveitó en ekki lúðalegir.“
Karl Sigtryggsson dagskrárstjóri Landans og Gísli Einarsson ritstjóri í vonsku veðri við tök-
ur fyrir Landann á Þröskuldum, vegi um Arnkötludal.
Gísli Einarsson skoðar áhugasamur íslenska banana í Garðyrkjuskólanum, sem nú er deild í
Landbúnaðarháskóla Íslands, að Reykjum í Ölfusi.
Ljósmynd/Áskell Þórisson
Vikuna 4. til 10. apríl var Landinn með þriðja mesta áhorfið af dagskrárliðum Ríkissjónvarps-
ins samkvæmt áhorfsmælingu Capacent. Landinn var með 30,3% áhorf í aldurshópnum 12
til 80 ára, aðeins Icesave-kosningarnar og Tími nornarinnar fengu meira áhorf þessa viku. Á
fyrstu mánuðum ársins, frá 3. janúar til 10. apríl mældist Landinn með frá 24,2% áhorfi upp í
35.9% áhorf samkvæmt upplýsingum á vefsíðu Capacent.
Áhorf á Landann