SunnudagsMogginn - 08.05.2011, Qupperneq 29

8. maí 2011 29
höfum mörg dæmi þess í dag en ég nefni engin nöfn.“
Hefur áfengi og dóp einhvern tímann truflað líf þitt?
„Nei. Ég á það til að fá mér rauðvínstár af og til vegna
þess að mér finnst það gott og ég kann að njóta þess. Í
gamla daga prófaði ég ýmsar skrýtnar sígarettur, eins
og flestir gerðu, en kærði mig ekki um að dvelja við
þær. Það er of mikil veruleikafirring og gleymska í slíkri
neyslu, svo ég lét það vera.“
Þú hefur alltaf verið giftur sömu konunni, það þykir
næstum því sérstakt í skemmtanabransa.
„Það er nú reyndar mjög algengt hérlendis öfugt við
erlendis. En hjónabandið er frábært. Ég er svo heppinn
að eiga góða og skilningsríka konu sem hefur staðið
með mér í gegnum þykkt og þunnt og haldið öllu sam-
an. Ég er ekkert viss um að ég hefði tekið þá stefnu í líf-
inu sem ég tók ef ég hefði ekki haft hana mér við hlið.
Margt hefði farið á annan veg held ég. Hún er stoð mín
og stytta og gagnkvæm virðing ríkir á milli okkar. Núna
á næstunni förum við að heimsækja Svölu, dóttur okk-
ar, sem býr í Hollywood. Það verður gaman. Kannski
get ég farið í prufu hjá einhverjum leikstjóranum sem
haltur þjónn með vondan kæk?“
Leitaði til Guðs
Hvernig gengur Svölu?
„Henni gengur vel. Aðalatriðið hjá henni og Einari,
kærasta hennar, er ekki að verða æðislega fræg og rík,
þótt það væri ágætt og fínn bónus, heldur að vinna að
því sem þau hafa áhuga á og elska. Þau eru að spila, gefa
út sína eigin tónlist og gera vídeó, hanna föt og eiga
bakhjarl í hinu fræga fatafyrirtæki WECS. Þau spjara sig.
Fyrir tveimur árum lentu þau í hræðilegu slysi, hún,
Einar kærasti hennar, sem er sonur Egils Eðvarssonar,
og bræður hans Erling og Eddi yngsti bróðir Einars. Við
vorum nærri því búin að missa þau. Þau voru að fara til
Ameríku í tónleikaferðalag. Þetta var í apríl og það hafði
snjóað. Einar hringdi og sagði mér að þau hefðu lent í
slysi á Keflavíkurveginum og sjúkrabílar væru á leið-
inni. Við hjónin fórum upp á spítala og biðum eftir
þremur sjúkrabílum sem komu með þau. Þau voru
rúma viku á gjörgæslu. Einar slasaðist mjög mikið og er
40-50 prósent öryrki og Svala er 15 prósent öryrki. Hún
skekktist í baki og það brotnuðu rifbein og hann slas-
aðist mikið innvortis.
Maður heldur að slysin hendi aldrei mann sjálfan eða
þá sem standa manni næst. En svo hendir slys þá sem
manni þykir vænt um. Við hjónin leituðum til Guðs og
töluðum við prest og styrktum hvort annað. Þegar
svona hlutir gerast þá trúir maður því ekki í byrjun að
þeir hafi gerst. Svo fer maður að kenna einhverjum um
og verður reiður. Ég varð alveg brjálaður af því ég vissi
hvernig staðan var á Reykjanesbrautinni. Sjónvarpið fór
í málið, fjölmiðlar hringdu í mig og ég jós skömmunum
yfir gatnamálastjóra. Það er búið að laga þennan veg-
arkafla núna. Þarna fór eins og í svo mörgum málum í
þjóðfélaginu. Einhver kallar úlfur úlfur og sagt er að
hann sé að ljúga. En svo kemur úlfurinn. Það þarf alltaf
eitthvað að koma fyrir svo hlutirnir séu lagaðir.“
Þú nefndir Guð. Ertu trúaður?
„Konan og börnin eru kaþólsk. Ég hef mína barnatrú
sem ég passa upp á. Ef maður hefur ekki eitthvert hald-
reipi í tilverunni þá er eins gott að breiða upp fyrir höf-
uð. Ég er samt ekki á skeljunum allan daginn. Við hjón-
in ferðumst oft til Ítalíu með vinafólki okkar og þá
förum við inn í allar kirkjur sem verða á vegi okkar og
kveikjum á kertum fyrir fjölskyldu og vini. Manni líður
afskaplega vel á eftir.“
Hugsanlega hægrikrati
Hefurðu áhuga á pólitík og þjóðfélagsmálum?
„Já, ég er orðinn mjög pólitískur með aldrinum. Ef
ætti að setja mig á einhvern stall þá væri ég hugsanlega
hægrikrati. Ég vil ekki að það sé troðið á neinum, tel
mikilvægt að gera vel við börnin okkar og gamla fólkið
og hafa læknisþjónustuna og umhverfismálin í lagi.
Annars er íslensk pólitík einkennileg. Mér finnst til
dæmis að fjármálaráðherra landsins ætti að vera verk-
fræðingur eða viðskiptafræðingur og landbún-
aðarráðherra ætti að vera lærður í landbúnaði og svo
framvegis. Með fullri virðingu fyrir ráðherrum okkar þá
eru þetta margir hverjir bakarar, handavinnukennarar
og leikfimikennarar, sem er reyndar í fínu lagi ef þeir
væru þá að vinna í sínu fagi. Ráðherra verður að vera
eldklár í málaflokknum sem hann er í forsvari fyrir. Hér
á landi dettur stundum inn í þessi störf fólk sem hefur
lítið vit á málaflokknum sem það stjórnar. Ég vil þó geta
þess að margir af stjórnarherrum okkar og alþing-
ismönnum eru ágætisfólk og reyna að gera sitt besta.
Allra verst finnst mér þó að það er ekkert að gerast í
þessu þjóðfélagi. Það vantar meiri bjartsýni og menn-
ingarlegan metnað þó erfiðir tímar herji á okkur núna.
Hér virðist ríkja algjör stöðnun á öllum sviðum. Það
þarf að koma atvinnulífinu í gang en það er eins og það
sé enginn áhugi á því hjá stjórnvöldum. Þetta er reynd-
ar sú klisja sem við heyrum dag eftir dag og við erum
orðin nokkuð meðvirk og ekkert gerist.“
Nú ertu búinn að fagna sextugsafmælinu, hvað er
framundan?
„Ég er að vinna að skemmtilegri plötu sem kemur út í
sumar og er eins konar framhald af plötunni Sígrænir
söngvar sem kom út í fyrra með Björgvin og Hjartagos-
unum. Þarna verða ný lög eftir mig og einnig erlend lög
og eftir aðra innlenda höfunda. Um næstu jól kemur út
DVD-diskur með upptökum frá afmælistónleikum mín-
um í Háskólabíói í kassa með helstu lögum og plötum
sem ég hef gefið út í gegnum tíðina, ásamt hugsanlega
nýjum lögum. Fimmtu jólatónleikar mínir verða svo um
næstu jól.
Ég er að íhuga alvarlega að fara líka meira út á land og
spila, jafnvel fara með afmælistónleikana út á meðal
fólksins. Þegar ég var í Brimkló vorum við aðallega úti á
landi en það hefur verið lítið um slík ferðalög seinni ár-
in. Það er kominn tími til að breyta því. Landsbyggðin
kallar og svo get ég líka rennt fyrir fisk í leiðinni. Það er
nóg af hugmyndum í ofninum mínum, ég er spenntur
fyrir framtíðinni og held áfram að syngja fyrir þá sem
vilja hlusta.“
Morgunblaðið/Kristinn
’
Vinafólk mitt og kunningjar vita hver
ég er og skilja að allt er vel meint og
einungis gert til að brydda upp á smá
tilbreytingu í dagsins amstri. Ég er ljúfur sem
lamb. Ég tel mig vera sanngjarnan mann og
hjartahlýjan og ég er mikill vinur vina minna.
Ég er ástríðufullur og skapmikill, get farið upp
snögglega en er fljótari niður.