SunnudagsMogginn - 12.06.2011, Blaðsíða 4

4 12. júní 2011
Það er ekki lítið mál að binda trúss sitt við Liverpool
og Manchester United. Stuart Pearce, þjálfari 21
árs-landsliðs Englendinga, hefur eigi að síður engar
áhyggjur af því að Phil Jones og Jordan Henderson
verði annars hugar þegar liðið hefur leik á Evrópu-
meistaramótinu í Danmörku á morgun.
„Báðir leikmenn eru gríðarlega einbeittir og unun
að vinna með þeim,“ segir hann. „Þeir fengu leyfi hjá
mér til að ganga frá sínum málum í vikunni og í þeirra
sporum hefði ég hiklaust gert það líka. Það er vont
að hafa svona mikilvægt mál hangandi yfir sér þegar
maður er að fara á stórmót og ég held að þeir séu á
sama máli.“
Pearce tekur þó skýrt fram að um leið og mótið er
hafið fái leikmenn ekki leyfi til að skjótast frá og
semja við nýtt lið. „Þegar menn eru komnir hingað til
Danmerkur gengur landsliðið fyrir og allt sem getur
truflað einbeitingu leikmanna minna verður illa séð.“
Pearce er ekki undrandi á því að sir Alex Ferguson
og Kenny Dalglish hafi viljað tryggja sér Jones og
Henderson. „Væri ég knattspyrnustjóri hjá stóru fé-
lagsliði myndi ég ekki hika við að borga uppsett verð
fyrir þá. Annars vegar vegna hæfileika og hins vegar
vegna andlegs þroska þeirra. Þetta eru hvor tveggja
skynsamir strákar sem vilja fyrir alla muni bæta sig.“
Það dregur eflaust ekki úr Pearce kjarkinn að lið
hans hefur aldrei lotið í gras þegar Jones hefur leikið.
Gríðarlega einbeittir og unun að vinna með þeim
Stuart Pearce í essinu sínu í Danmörku í vikunni.
Reuters
T
veir af „heitustu“ ungu leikmönn-
unum í ensku úrvalsdeildinni í knatt-
spyrnu, Phil Jones miðvörður Black-
burn Rovers, og Jordan Henderson,
miðvellingur Sunderland, liðuðu sig upp í vik-
unni, ef svo má að orði komast – gengu til liðs
við tvö sigursælustu félög Englands, Manchester
United og Liverpool, fyrir háar upphæðir.
Manchester United hafði ekki staðfest kaupin
á Phil Jones þegar Sunnudagsmogginn fór í
prentun en hann mun hafa staðist læknis-
skoðun og samið um kaup og kjör við félagið í
vikunni. Kaupverð liggur ekki fyrir en er talið
nema 16 milljónum sterlingspunda.
Ýmsum kann að þykja það hátt gjald fyrir
leikmann sem aðeins hefur leikið ríflega þrjátíu
leiki í ensku úrvalsdeildinni en á móti kemur að
margt bendir til þess að Jones hafi burði til að
komast í fremstu röð varnarmanna í Englandi á
komandi misserum. Það er afar sjaldgæft að
átján ára unglingur vinni sér fast sæti í liði í
ensku úrvalsdeildinni – hvað þá miðvörður.
Menn hafa keppst við að hæla Jones á síðustu
dögum. Kevin Gallagher, fyrrverandi miðherji
Blackburn, lét t.a.m. hafa eftir sér að Manchest-
er United væri að fá hann á kostakjörum. Annar
aðdáandi leikmannsins er Sam Allardyce, fyrr-
verandi knattspyrnustjóri Blackburn, en hann
henti Jones út í djúpu laugina fyrir rúmu ári.
„Með tíð og tíma, þegar reynslan verður gengin
í lið með honum, er ég sannfærður um að Phil
mun vinna sér fast sæti í enska landsliðinu. Það
hjálpar honum klárlega að fara til Manchester
United, þar þroskast menn hraðar,“ segir hann.
Harry Redknapp, knattspyrnustjóri Tottenham,
gengur enn lengra. Kveðst sannfærður um að
Jones sé framtíðarfyrirliði enska landsliðsins.
Ekki er nema ár síðan Sir Alex Ferguson festi
kaup á öðrum ungum og efnilegum miðverði,
Chris Smalling, sem kom fyrir 10 milljónir
punda frá Fulham. Hann er 21 árs að aldri og
þótti komast býsna vel frá frumsýningu sinni í
Leikhúsi draumanna. Augljóst er að Sir Alex sér
þetta tvíeyki fyrir sér í hjarta United-varn-
arinnar til lengri tíma. Fyrst verður það þó að
ryðja öðru vösku pari úr vegi, Nemanja Vidić,
sem verið hefur hamrammur á liðnum leik-
tíðum, og hinum gamalreynda Rio Ferdinand.
Flest bendir til þess að sá síðarnefndi verði á
undan til að víkja enda eldri (32 ára) og við-
kvæmari fyrir meiðslum.
Stór ákvörðun – stórt tækifæri
Sir Alex mun án efa fylgjast spenntur með EM í
Danmörku en Jones og Smalling munu að lík-
indum leika þar saman með enska U21-liðinu.
Enda þótt félagsskipti Jones séu ekki orðin
opinber eru menn strax farnir að tjá sig um þau
á Twitter. Þannig sagði Wayne Rooney, erki-
spyrnir þeirra Fergusona: „Phil Jones er góður
enskur leikmaður. Einn harðasti varnarmað-
urinn sem ég spilaði gegn á liðnu tímabili. Hann
getur líka leikið á miðjunni.“
Liverpool staðfesti í vikunni kaupin á Jordan
Henderson, sem verður 21 árs á föstudaginn.
Hann hefur verið fastamaður á miðjunni hjá
Sunderland í tvö ár og vakið mikla athygli fyrir
framgöngu sína. Svo mikla að Fabio Capello sá
ástæðu til að gefa Henderson tækifæri með a-
landsliði Englands gegn Frökkum síðastliðið
haust. Þótti hann pluma sig ágætlega við hlið Ste-
vens Gerrards, fyrirliða Liverpool, enda þótt leik-
irnir hafi ekki orðið fleiri – ennþá. Form Hend-
ersons dalaði er leið á veturinn en það fældi Rauða
herinn ekki frá enda erfitt að hafa uppi á tvítug-
um leikmanni sem er fullnuma og á aldrei vonda
leiki. Liverpool hefur ekki gefið kaupverðið upp
en talið er að það gæti endað í 20 milljónum
punda.
„Ég varð upp með mér þegar ég frétti að Liver-
pool hefði áhuga,“ sagði Henderson á heimasíðu
síns nýja vinnuveitanda. „Þetta var stór ákvörð-
un og stórt tækifæri. Það var vitaskuld erfitt að
yfirgefa Sunderland, ég er þaðan og hef fylgt lið-
inu að málum allt mitt líf, en ég hlakka til fram-
tíðarinnar hjá Liverpool.“
Henderson mun varla ganga inn í liðið hjá
Kenny Dalglish enda engir aukvisar fyrir á miðj-
unni á Anfield, hinn ört vaxandi Lucas Leiva, Raul
Meireles, sem sló í gegn á sínum fyrsta vetri í
Englandi, Jay Spearing, sem skaust upp á
stjörnuhimininn í vor, og svo auðvitað Steven
Gerrard.
Henderson gerir sér fulla grein fyrir þessu en
hlakkar til að æfa og spila með öllum þessum
mönnum, einkum Gerrard. „Hann er einn af
bestu knattspyrnumönnum heims, maður sem
alla dreymir um að æfa með til að taka fram-
förum. Við æfðum einu sinni saman með lands-
liðinu og það var í einu orði sagt stórkostlegt.“
Vonandi nær kappinn stjörnunum fljótt úr
augunum.
Þeir munu
landið erfa
Henderson og
Jones liða sig
upp í Englandi
Jordan Henderson og Phil Jones á æfingu með 21 árs-landsliði Englendinga í Danmörku á fimmtudaginn.
Reuters
Vikuspegill
Orri Páll Ormarsson orri@mbl.is
Phil Jones fæddist í
Preston 21. febrúar
1992. Hann gekk til
liðs við Blackburn Ro-
vers tíu ára og hlaut
eldskírn sína með að-
alliði félagsins í
deildabikarnum í
september 2009.
Jordan Henderson
fæddist í Sunderland
17. júní 1990. Hann
hefur leikið 71 deild-
arleik fyrir Sunder-
land frá 2008 og
skorað fimm mörk.
Hann var um tíma í
láni hjá Coventry.
Hófu ungir
að leika
GRÓÐURMOLD - 50 LTR
Fáðu fjóra en borgaðu einungis
fyrir þrjá. Stykkjaverð, kr 1290
4 fyrir 3