SunnudagsMogginn - 12.06.2011, Blaðsíða 15

12. júní 2011 15
að komast af, kollvarpa skipulagi fiskveiða, stöðva
orkunýtingaráform og draga úr iðnaðarframleiðslu.
Þegar þessi umræða nær til fólks byrja efasemdir að
grafa um sig. Menn vita ekkert hvert á að stefna eða
hvar á að byrja. Taktu eftir því að öll framangreind mál
hafa verið á dagskrá án þess að stjórnarflokkarnir hafi í
sjálfu sér komið sér saman um nokkurn skapaðan hlut!
Það er eins og ráðamenn þjóðarinnar hafi einsett sér
að skapa glundroða á öllum sviðum. Ekki gefst færi á
að skoða neitt ofan í kjölinn eða vanda til verka, allt er
flausturslegt sem gert er, og ekki er einu sinni hægt að
halda kosningar um stjórnlagaþing án þess það fari út
um þúfur. Á sama tíma fullyrða ráðherrar að vandi
okkar liggi í því að skattarnir hafi verið alltof lágir! Og
ríkisstjórnin hikar ekki við að innleiða ýmis höft og
auknar álögur á atvinnustarfsemina og heimilin, sem
þegar eru að sligast undan skuldabyrðinni.
Allt ber þetta einkenni upplausnar, óstjórnar og
stefnuleysis, sem dýpkar þá tilvistarkreppu sem þjóðin
er í. Og kannski er það tilgangurinn með þessu öllu
saman, að troða inn á þjóðina breytingum á samfélags-
gerðinni áður en hún nær áttum. Dæmi slíks eru þekkt
úr mannkynssögunni.“
Atvinnusköpun brýnasta verkefnið
– Nóg um ríkisstjórnina. En hvað stendur Sjálfstæð-
isflokkurinn fyrir?
„Okkar erindi er í hnotskurn að vinna að framfara-
málum í landinu, að bæta lífskjörin fyrir komandi
kynslóðir. Í þeirri upplausn sem ríkir er mikilvægast að
koma á stöðugleika á ný, lækka skatta, örva atvinnu-
lífið og stíga fram af festu með skýra sýn á það hvert
Ísland eigi að stefna. Brýnasta verkefni stjórnvalda er
að greiða fyrir atvinnusköpun og taka með trúverð-
ugum hætti á skuldum heimila og fyrirtækja.
Við höfum í hendi okkar stórkostlegt tækifæri til að
koma Íslandi á tiltölulega skömmum tíma úr þessari
sjálfheldu. En lykillinn að því liggur ekki í því að um-
bylta öllu sem hér hefur verið gert, heldur læra af
reynslunni, gera meira af því, sem gefið hefur góða
raun, og vera áfram opin fyrir nýjum sóknarfærum.
Við erum fámenn þjóð og ekkert síður en aðrar
þjóðir viðkvæm fyrir meiriháttar breytingum í efnahag
og stjórnskipulagi. Þess vegna þarf að fara fram af festu
og skynsemi. Þrátt fyrir að við eigum okkur ekki langa
sögu sem sjálfstætt og fullvalda ríki, þá hefur okkur
tekist að skapa hér góð lífskjör, með því að nýta auð-
lindirnar og nota arðinn af þeim til þess að styrkja
innviði samfélagsins, byggja þannig upp velferð-
arkerfið og efla menntun í landinu. Þetta hefur okkur
tekist fyrst og fremst með því að gefa einstaklingum
svigrúm, þannig að kraftar þeirra fái notið sín, og
virkja þannig frumkvæðið sem í þeim býr. Það er
nauðsynleg forsenda kraftmikils samfélags, að sá þeirri
tilfinningu meðal fólks, að vilji það láta til sín taka, þá
sé Ísland land tækifæranna.
Ég vil að við höldum áfram á þeirri braut, að við
nýtum auðlindirnar og stöndum vörð um það sjálfbæra
og markaðsdrifna fiskveiðistjórnunarkerfi sem við höf-
um byggt hér upp, enda er það forsenda áframhald-
andi velferðar í landinu. Við eigum að halda í sérkenni
okkar og þann styrk sem íslenskt samfélag býr yfir.“
– Þú nefnir sjávarútveginn, talað hefur verið um
að Sjálfstæðisflokkurinn sé í hagsmunagæslu fyrir
Morgunblaðið/Kristinn
’
Það er vandasamt verk að
gegna forystuhlutverki fyrir
Sjálfstæðisflokkinn. Þannig
hefur það alltaf verið og ekki á það
síður við nú en áður. Um leið er
það gefandi að takast á við krefj-
andi verkefni. Þegar ég byrjaði
var sótt að flokknum úr öllum átt-
um og það hefur einnig margoft
verið sótt að mér persónulega. Ég
var viðbúinn því.