SunnudagsMogginn - 12.06.2011, Blaðsíða 36

36 12. júní 2011
Matur
Þ
egar maður sér tilkomumikið
nafnið, Eldhrímnir, kemur
manni fyrst gamall og góður ís-
lenskur matur í hug, hangikjöt,
hrútspungar og aðrar krásir sem bornar
eru fram á þorranum, gallsúrar. Eld-
hrímnir var nefnilega potturinn í Valhöll,
þar sem Andhrímnir, hinn galvaski mat-
ráður, eldaði kynjaskepnuna Sæhrímni
dag eftir dag ofan í æsi og einherja. Það
er öðru nær, í Eldhrímni í Borgartúni er
persneskur matur á borðum. Eigandi
staðarins er írönsk kona, Elham Tehrani,
en framkvæmdastjóri er frændi hennar,
Máni Radmanesh. Að þeirra sögn á stað-
urinn margt sameiginlegt með Valhöll.
Hann sé bjartur og rúmgóður og „eilífð-
aruppspretta góðra rétta“.
Elham, ígildi Andhrímnis, skolaði fyrst
á land hér á hjara veraldar fyrir áratug.
„Það var forvitnin sem rak mig hingað,“
segir hún. „Máni frændi var búinn að búa
hérna lengi og mig langaði að kynnast
þessu framandi landi.“
Elham kom ekki bara til að skoða sig
um, heldur settist á skólabekk í Háskóla
Íslands og nam matvælafræði. Vinir og
kunningjar áttuðu sig fljótlega á því að
Elham býr til betri mat en flest annað fólk
og fóru smám saman að skora á hana að
setja á laggirnar veitingastað. „Fólk verð-
ur að fá tækifæri til að smakka matinn
þinn,“ var viðkvæðið.
Færðu út kvíarnar
Fyrst um sinn lét Elham þessi tilmæli sem
vind um eyru þjóta. Það var ekki fyrr en í
ársbyrjun 2009 að hún ákvað að láta slag
standa og opna veitingastað, þar sem
áhersla yrði lögð á gómsætan mat. Hún
fékk Mána móðurbróður sinn til liðs við
sig og fundu þau fljótlega hentugt hús-
næði í Borgartúni 16. Þar var Eldhrímnir
síðan opnaður í ágúst 2009.
Elham Tehrani er eigandi persneska veitingastaðarins Eldhrímnis í Borgartúni 16. Hún er mjög ánægð með viðtökur Íslendinga en segir þá mega gefa sér meiri tíma yfir matnum.
Morgunblaðið/Árni Sæberg
Æsir upp
hungrið
Eldhrímnir nefnist nýlegur veitingastaður í
Reykjavík þar sem persnesk matargerðarlist er
í öndvegi. Fólkið á bak við staðinn, frændsystk-
ini frá Íran sem sest eru að á Íslandi, segja mat-
arvenjur Íslendinga og Írana gjörólíkar.
Texti: Orri Páll Ormarsson orri@mbl.is
Myndir: Árni Sæberg saeberg@mbl.is
Te er snar þáttur í persneskri matarmenningu. Það kemur úr þessum forláta katli.