SunnudagsMogginn - 12.06.2011, Blaðsíða 32

32 12. júní 2011
H
ið gamalkunna Hótel Loft-
leiðir hefur nú opnað undir
nýju nafni, Reykjavík Nat-
ura. Það er ekki aðeins nafnið
sem er nýtt heldur er búið að gera miklar
endurbætur á hótelinu fyrir tæplega
milljarð króna. Ekkert hefur því verið til
sparað í hönnuninni og er útkoman
glæsileg.
Margar nýjungar líta dagsins ljós í
tengslum við breytingarnar, eins og fram
kemur í fréttatilkynningu. Á jarðhæð
hefur verið opnaður nýr veitingastaður
sem ber nafnið Satt, sem er skipt í
tvennt, annars vegar er Eldhús, með
áherslu á létt ferskmeti og hraða þjón-
ustu og hins vegar Betri stofa fyrir þá sem
vilja sitja lengur.
Þess má líka geta að í hótelinu er Sóley
Natura Spa í kjallara en gamla sundlaugin
hefur verið endurnýjuð. Þar verður jafn-
framt boðið upp á nýstárlega heilsurækt
og dekur við líkama og sál.
Norðurljósaherbergi
og lækningaplöntur
Rekstur hótelsins verður vottaður um-
hverfisvænn. Allar snyrtivörur gesta á
herbergjum, sem og í spa verða lífrænar
vörur frá Sóley Organics.
Áhugavert er ennfremur að í end-
urbættum gistiherbergjunum er jafn-
framt kynnt íslensk náttúra. Gestir geta
valið á milli þess að gista í herbergjum
sem kynna í máli og myndum mosa,
jarðhita, norðurljós, eldvirkni og vatn.
Þarna er líka að finna ný fjölskyldu-
herbergi, skreytt teikningum Eggerts
Péturssonar, listamanns, af flóru Íslands,
ásamt upplýsingum um hvernig plöntur
á Íslandi hafa verið notaðar til lækninga
gegnum árin.
Útipallur við hótelið sem áður var kennt við Loftleiðir.
Móttakan er stílhrein en jafnframt hlýleg.
Hér er sko hægt að hafa það huggulegt.
Veitingastaðurinn Satt hefur hafið rekstur á jarðhæð hússins.
Starfsfólkið er komið í nýjan búning rétt eins og hótelið sjálft. Myndin er tekin í móttökunni.
Teikningar eftir Eggert Pétursson úr bókinni Flóra Íslands prýða þetta herbergi.
Náttúruleg
upplifun
Hótel Loftleiðir hefur nú verið opnað undir nafn-
inu Reykjavík Natura eftir gagngerar endurbæt-
ur. Reksturinn verður umhverfisvænn, í húsinu
hefur verið opnaður nýr veitingastaður og líka
spa með vörum frá Sóley Organics.
Texti: Inga Rún Sigurðardóttir ingarun@mbl.is
Myndir: Ernir Eyjólfsson ernir@mbl.is
Innlit