Morgunblaðið - 07.04.2010, Side 21

Minningar 21
MORGUNBLAÐIÐ MIÐVIKUDAGUR 7. APRÍL 2010
jákvæð kona. Hún tók manni alltaf
fagnandi og hafði svo gaman af því að
setjast yfir kaffibolla og spjalla. Hún
sagði margar skemmtilegar sögur úr
Reykjavík frá því þegar hún var
stelpa að alast upp í miðbænum og af
fólki sem hún hafði kynnst í gegnum
árin. Hún var mikil félagsvera og
naut sín þegar fjölskyldan kom sam-
an og í góðra vina hópi. Seinni árin
veit ég að hún hafði óskaplega gaman
af að spila bridge við nágranna sína á
Lindargötunni. Henni leið alltaf vel
innan um annað fólk.
Ég var mikið hjá ömmu og afa á
Ásvallagötunni þegar ég var yngri,
enda áttum við fjölskyldan heima í
húsinu þeirra, bæði í kjallaranum og
svo á efri hæðinni, þar til ég varð sex
ára. Í minningunni er æskan á Ás-
vallagötunni sveipuð ljóma. Það var
svo óskaplega gott að alast þar upp og
forréttindi að fá vera í svona nánu
sambandi við ömmu og afa. Við Gerða
frænka drukkum gjarnan morgun-
kaffi með þeim uppi í rúmi um helgar
og byggðum okkur svo hús úr borð-
stofustólunum. Þetta var notalegt og
gott líf og okkur leið alltaf vel í návist
ömmu. Hún var svo örlát, hlý og góð.
Það var alltaf mikið líf í kringum
ömmu. Hún vann við hlið afa og Pét-
urs bróður hans í búðinni sem þeir
ráku og hafði mjög gaman af sam-
skiptunum við viðskiptavinina í hverf-
inu. Það var alltaf hlýlegur andi í búð-
inni og mér þótti gaman að sitja ofan
á kókkistunni, sötra malt og fylgjast
með spjallinu og því sem fram fór.
Þegar ég lít til baka er ég ákaflega
þakklátur fyrir það skjól sem ég átti
hjá ömmu og afa. Eftir að ég flutti
með foreldrum mínum til New York
naut ég þess að fá að vera hjá þeim á
sumrin og á háskólaárunum flutti ég
svo í kjallaraíbúðina hjá afa og ömmu.
Það má því með sanni segja að Ás-
vallagatan hafi verið miðpunkturinn í
tilverunni langt fram eftir aldri.
Seinni árin, eftir að ég flutti aftur
út með eigin fjölskyldu og langur tími
leið milli heimsókna, var alltaf jafn
notalegt og hlýlegt að koma aftur til
ömmu. Það var alltaf eins og maður
hefði séð hana síðast daginn áður.
Hún hafði lag á að láta öðrum líða vel í
návist sinni.
Ég kveð ömmu með þakklæti – fyr-
ir hlýjuna, örlætið og stuðninginn
sem ég naut alla tíð.
Jón Ingi Herbertsson.
Það er erfitt að setjast niður og rita
nokkur orð um konu sem mér finnst
ég hafa kynnst fyrir svo stuttu. Það
eru nú samt liðin 27 ár síðan hún
nafna þín dró mig í heimsókn til
ömmu og afa á Ásvallagötunni og
kynnti mig fyrir ykkur. Til ykkar var
alltaf gott að koma og tengsl ykkar og
Gerðu dótturdóttur ykkar alveg
ómetanleg.
Það skjótast í gegnum huga minn
ótal minningar sem erfitt er að koma
á blað, minningar um duglega og dríf-
andi konu sem var alltaf til í allt,
skreppa í bíltúr, í kaffi og jafnvel ut-
an. Þessi fáu skipti sem Gerða yngri
skildi mig eftir heima með börnin og
fór utan varst þú alltaf boðin og búin
að bjóða okkur út í mat eða kaffihús
svo okkur leiddist ekki. Síðan má ekki
gleyma öllum myndunum sem þú
málaðir og við höfum uppi á vegg hjá
okkur, manni þykir alveg ótrúlega
vænt um þessar myndir og nú vekja
þær skemmtilegar minningar um
konuna sem oftast af lítillæti sínu
fannst þær bara ágætar en fjölskyld-
unni finnst þær frábærar.
Krakkarnir sakna þín sárt en vita
að þú hefur það gott hjá afa Halla,
Örnu Rán þykir óskaplega vænt um
að hafa heimsótt þig kvöldið áður en
þú kvaddir og Jón Gunnar á eftir að
sakna þess að fá ekki að vera herra-
maðurinn þinn og fylgja þér upp í
íbúð eftir bíltúrana okkar. Þeim þótti
svo vænt um þig.
Amma Gerða, við kveðjum þig með
söknuð í hjarta en vitum að þú hefur
öðlast frið, friðinn sem þú hafðir talað
um eftir að heilsunni fór að hraka. Þú
knúsar afa Halla frá okkur öllum, Guð
geymi þig.
Guðmundur Arnar,
Arna Rán og Jón Gunnar.
 Fleiri minningargreinar
um Gerðu Herbertsdóttur bíða birt-
ingar og munu birtast í blaðinu
næstu daga.
✝
Ástkær eiginmaður minn, faðir, tengdafaðir og afi,
AGNAR URBAN,
Heiðarvegi 4,
Selfossi,
andaðist á Landspítalanum við Hringbraut
miðvikudaginn 31. mars.
Útför hans fer fram frá Hveragerðiskirkju föstu-
daginn 9. apríl kl. 13.00.
Sigríður Gréta Þorsteinsdóttir,
Agnar Þór Agnarsson, Karolína Ómarsdóttir,
Guðlaugur Stefánsson, Auður Inga Ólafsdóttir,
Hrönn Þorsteins, Magnús Haukur Hannesson,
Friðrika J. Sigurgeirsdóttir, Þorvaldur Guðmundsson
og barnabörn.
✝
Okkar ástkæri
JÓN TRAUSTI HARALDSSON
frá Vestmannaeyjum,
varð bráðkvaddur á heimili sínu miðvikudaginn
31. mars.
Útförin verður auglýst síðar.
Guðmundur Heinrich Jónsson,
Sindri Jónsson,
Haraldur Trausti Jónsson,
Valborg Júlíusdóttir,
Þóranna Haraldsdóttir,
Hermann Haraldsson,
Haraldur Haraldsson,
Edda Tegeder.
✝
Hjartkær bróðir okkar og mágur,
ARNGRÍMUR INDRIÐI ERLENDSSON,
Klettahrauni 17,
Hafnarfirði,
verður jarðsunginn frá Fríkirkju Hafnarfjarðar
í dag, miðvikudaginn 7. apríl kl. 15.00.
Blóm eru vinsamlega afþökkuð, en þeim sem vilja
minnast hans er bent á Landssamtökin Þroskahjálp.
Sigurfljóð Erlendsdóttir,
Anna G. Erlendsdóttir, Kristján J. Ásgeirsson,
Davíð V. Erlendsson,
Vignir Erlendsson, Inga A. Guðjónsdóttir,
Steinar R. Erlendsson, Dagrún E. Ólafsdóttir,
Erla M. Erlendsdóttir, Ólafur Ö. Gunnarsson.
✝
Ástkær sambýlismaður minn, faðir okkar, tengda-
faðir, afi og langafi,
HERBERT DALMANN KRISTJÁNSSON,
Hörgatúni 19,
Garðabæ,
andaðist á heimili sínu mánudaginn 29. mars.
Útförin fer fram frá Vídalínskirkju í Garðabæ
föstudaginn 9. apríl kl. 13.00.
Dagný Austan Vernharðsdóttir,
Kolbrún Herbertsdóttir, Brynjar Þ. Emilsson,
Sveinn Haukur Herbertsson, Anna María De Jesus,
Egill Grétar Björnsson, Chairat Chaiyo,
Karen Tara Steinþórsdóttir,
Hinrik Sveinsson,
Ívan Herbert Sveinsson
og Kolbrún Camell Brekmann.
✝
Elskuleg móðir okkar og tengdamóðir,
JÓRUNN EYJÓLFSDÓTTIR,
dvalar- og hjúkrunarheimilinu Grund,
áður Bólstaðarhlíð 41,
Reykjavík,
andaðist sunnudaginn 4. apríl.
Útförin fer fram frá Fossvogskirkju mánudaginn
12. apríl kl. 15.00.
Blóm og kransar eru vinsamlegast afþakkaðir, en þeim sem vilja minnast
hennar er bent á að láta Barnaspítala Hringsins njóta þess.
Eyjólfur Jónsson,
Arndís Jónsdóttir,
Gunnar Jónsson, Erla Sigtryggsdóttir
og fjölskyldur.
✝
Elskulegur sonur minn,
HAFSTEINN MAGNÚSSON,
áður til heimilis að Sólheimum,
Grímsnesi,
lést á hjúkrunarheimilinu Sundabúð Vopnafirði miðvikudaginn 24. mars.
Jarðsungið var frá Raufarhafnarkirkju þriðjudaginn 30. mars.
Færi starfsfólki Sundabúðar sérstakar þakkir fyrir góða umönnun og
hlýju.
Ása Ottesen.
✝
Ástkær eiginmaður minn, faðir okkar, tengdafaðir,
afi, langafi og bróðir,
SVEINN FILIPPUSSON,
Lindargötu 20b,
Siglufirði,
lést á heimili sínu aðfaranótt föstudagsins 2. apríl.
Jarðarför verður auglýst síðar.
Steinunn Erla Marinósdóttir,
Sigurrós Sveinsdóttir, Sverrir Gíslason,
Kolbrún Sveinsdóttir,
afabörn, langafabörn og systkini hins látna.
✝
Ástkær eiginmaður minn, faðir okkar, tengdafaðir
og afi,
YNGVI ÞORSTEINSSON
frá Drangshlíðardal,
áður til heimilis á Hellu,
síðast Hvassaleiti 6,
Reykjavík,
lést á Landspítalanum við Hringbraut föstudaginn
2. apríl.
Guðlaug Sæmundsdóttir,
Guðlaug Yngvadóttir, Steinar Gíslason,
Þorbjörg Yngvadóttir, Davíð Sigurðsson,
Elín Yngvadóttir, Guðrún S. Helgadóttir
og afastrákar.
✝
Móðir okkar,
INGIBJÖRG S. HJÖRLEIFSDÓTTIR
frá Sólvöllum,
Önundarfirði,
lést á öldrunardeild Fjórðungssjúkrahússins á Ísafirði að morgni annars í
páskum.
Útförin verður auglýst síðar.
Fyrir hönd sona hinnar látnu,
Steinþór Tryggvason.
✝
Ástkær eiginkona mín, móðir okkar, tengdamóðir,
amma og langamma,
BIRNA R. ÞORBJÖRNSDÓTTIR
frá Sporði,
Hvammstangabraut 20,
Hvammstanga,
verður jarðsungin frá Hvammstangakirkju
föstudaginn 9. apríl kl. 15.00.
Ágúst Jóhannsson,
Þorbjörn Ágústsson, Oddný Jósefsdóttir,
Jóhanna Sigurða Ágústsdóttir, Guðmundur Vilhelmsson,
barnabörn og barnabarnabörn.
✝
Ástkær móðir okkar, tengdamóðir, amma og lang-
amma,
INGIBJÖRG ÓLAFSDÓTTIR
frá Auðunarstöðum,
sem lést á Heilbrigðisstofnuninni á Hvammstanga
laugardaginn 27. mars, verður jarðsungin frá
Víðidalstungukirkju mánudaginn 12. apríl kl. 14.00.
Kristín Jóhannesdóttir,
Margrét Jóhannesdóttir, Guðmundur Gíslason,
Guðmundur Jóhannesson, Kristín Björk Guðmundsdóttir,
Ólöf Jóhannesdóttir
og fjölskyldur.