Morgunblaðið - 04.06.2010, Blaðsíða 4

4 FréttirINNLENT
MORGUNBLAÐIÐ FÖSTUDAGUR 4. JÚNÍ 2010
Eyrún Magnúsdóttir
eyrun@mbl.is
Eigi að seilast í vasa Reykvíkinga til
að rétta af fjárhag Orkuveitu
Reykjavíkur er ljóst að vasarnir
þurfa að vera djúpir. Á stjórnarfundi
í Orkuveitunni í vikunni kom fram að
ef mæta á markmiðum um 5-7% arð-
semi rekstrarþátta með gjaldskrár-
hækkunum eingöngu þarf að hækka
gjaldskrár hita og rafmagns um 20-
37%. Borgarstjóri segir slíkar hækk-
anir ekki koma til greina.
Fulltrúi Samfylkingarinnar í
stjórn Orkuveitunnar, Sigrún Elsa
Smáradóttir, lagði fram fyrirspurn á
fundi stjórnar 12. maí, þá sömu og
lögð var fram af fulltrúum Samfylk-
ingar í borgarráði í janúar, þar sem
spurt er hve mikið afkoma rekstrar-
þátta þurfi að batna til að arðsemis-
markmið náist og bað um að sýnt
yrði annars vegar hve mikið gjald-
skrár þyrftu að hækka ef mæta ætti
fjárþörf með þeirri leið eingöngu og
hins vegar með lækkun rekstrar-
kostnaðar eingöngu.
Sigrún Elsa hefur gagnrýnt að
fullnægjandi svar við fyrirspurninni
barst ekki fyrr en eftir kosningar.
„Það er algjörlega óþolandi að upp-
lýsingarnar hafi ekki verið opinber-
aðar fyrir kosningar. Fyrirspurnin
var margítrekuð á fundum borgar-
ráðs, bæði munnlega og skriflega og
á sérstökum fundum um fjárhags-
stöðu Orkuveitunnar. Það er ekki
eðlilegt að það taki fjóra mánuði að
fá þessar upplýsingar. Það er Borg-
arstjóra að sjá um að fyrirspurnum í
borgarráði sé svarað. Annaðhvort
var þessi vinna ekki sett í gang eða
þá að upplýsingarnar lágu fyrir en
þeim haldið til hlés.“ Hún segir að
ekki sé hægt að mæta fjárþörf Orku-
veitunnar eingöngu með hagræð-
ingu. Í svari OR hafi einnig komið
fram að til að ná arðsemismarkmið-
um með niðurskurði eingöngu þurfi
t.d. að skera kostnað niður um 80% í
heita vatninu. „Það gefur auga leið
að það er ekki hægt.“ segir hún.
Engu leynt, segir
borgarstjóri
Hanna Birna Kristjánsdóttir
borgarstjóri kveðst hafa svarað
fyrirspurninni á fundi borgarráðs 19.
maí eins og fundargerðir staðfesti.
Hún segir af og frá að þessi mál hafi
ekki verið rædd fyrir kosningar.
„Öðru nær, þau voru ítrekað rædd
bæði í borgarráði og borgarstjórn
þar sem fram kom sú afstaða okkar
að gjaldskrár myndu ekki hækka á
þessu ári. Að auki svaraði ég fyrir-
spurninni formlega í borgarráði þar
sem fram kom að fjárþörf Orkuveit-
unnar til næstu fimm ára yrði aldrei
mætt með því einu að sækja aukið fé
til almennings. Tugprósentahækkun
á gjaldskrá er því auðvitað alveg út
úr korti,“ segir Hanna Birna.
Hún telur framsetningu Sam-
fylkingarinnar á málinu afar villandi
og til þess fallna að vekja óþarfa
áhyggjur hjá almenningi. „Við mæt-
um þessu að sjálfsögðu einnig með
sparnaði og aðhaldi. Þannig náðist
t.d. að spara 400 milljónir í rekstri
síðasta árs án þess að hækka gjald-
skrár. Hins vegar er ljóst að þegar
við förum að rétta úr kútnum þá
þurfa gjaldskrár Orkuveitunnar að
fylgja verðlagsþróun en það hafa
þær ekki gert síðustu tvö ár.“
Fyrirspurninni ekki
vísað formlega til OR
Hjörleifur Kvaran, forstjóri
Orkuveitu Reykjavíkur, telur að
gjaldskrár þurfi að hækka að raun-
virði í áföngum á næstu árum. Hann
kveðst hafa vitað af fyrirspurn Sam-
fylkingar í janúar. „Skrifstofa borg-
arstjórnar sendir okkur yfirleitt þau
erindi sem koma frá borgarráði til
umsagnar. Þessari fyrirspurn var
ekki vísað til okkar með formlegum
hætti,“ segir hann. Vinna við svarið
hafi ekki hafist fyrr en eftir að fyrir-
spurnin var lögð fram í stjórn þann
12. maí og sundurliðað svar ekki lagt
fram fyrr en eftir kosningar.
Borgarstjóri segir tugprósenta
hækkun „alveg út úr korti“
 Fulltrúi Samfylkingar í stjórn OR telur upplýsingum hafa verið haldið til hliðar
Ef halli OR yrði réttur af með verðhækkunum
Orkuskattur
1.051 kr.
Hitaveita
31.155 kr.
Raforka
95.271 kr.
Dæmi um áhrif á 4ra manna fjölskyldu í 90 fm blokkaríbúð
Orkukostnaður nú: Ef yrði hækkað:
*gert ráð fyrir 23,5% hækkun
S
am
ta
ls
:
15
6.
0
98
kr
.
S
am
ta
ls
:1
27
.4
77
kr
.
Á ári: Á ári:
Orkuskattur
1.051 kr.
Hitaveita
39.496 kr.
Raforka*
115.552 kr.
Ferill fyrirspurnar
28. janúar Fyrirspurn Sam-
fylkingar um arðsemi rekstr-
arþátta og gjaldskrá OR lögð
fram í borgarráði
19. mars Ársuppgjör fyrir
2009 lagt fyrir stjórn OR
26. mars Upplýsingar um
arðsemi einstaka rekstr-
arþátta OR lagðar fram í
stjórn
12. maí Fyrirspurn Sigrúnar
Elsu, samhljóða fyrirspurn í
borgarráði, lögð fram í stjórn
OR
19. maí Svar borgarstjóra
við fyrirspurn frá því í janúar
31. maí Sundurliðað svar
stjórnar OR við fyrirspurninni
Á aðalfundi
læknaráðs Land-
spítala fyrir
skömmu voru
samþykktar tvær
ályktanir, önnur
um húsnæðismál
spítalans en hin
um fjármál og
niðurskurð í heil-
brigðiskerfinu.
Segir í ályktun að
LSH hafi um langt árabil búið við al-
varlegan húsnæðisvanda og að lausn
á þessum vanda sé forsenda þess að
hægt sé að bæta þjónustu við sjúk-
linga og tryggja um leið hagkvæman
rekstur spítalans. Í kjölfar efnahags-
hruns hafi fjárveitingar til spítalans
farið lækkandi og á þessu ári sé gerð
krafa um 3 milljarða sparnað. „Mér
líst illa á allar lækkanir. Ég er búinn
að heyra allskonar tölur, allt frá 6%
og upp í 10% lækkun,“ segir Björn
Zoëga, forstjóri Landspítalans. „Ég
skil vel þessar áhyggjur. Fjárveiting
okkar er búin að lækka um 21% á
þremur árum og það verður erfitt að
skera meira niður án þess að það
bitni á þjónustunni.“
Áhyggjur
af fjárveit-
ingu LHS
Orðrómur um 6%
lækkun fjárveitingar
Læknaráð óttast
meiri niðurskurð.
Hæstiréttur
dæmdi í gær
Catalinu Mikue
Ncogo í þriggja
og hálfs árs fang-
elsi og þyngdi þar
með dóm Héraðs-
dóms Reykjaness
frá því í desem-
ber. Catalina var
dæmd fyrir hórmang og brot gegn
fíkniefnalöggjöfinni en hún stóð að
innflutningi á kókaíni. Í dómnum
segir sannað að Catalina hafi haft
viðurværi sitt af vændi þriggja ann-
arra kvenna og haft milligöngu um
að fjöldi manna hefði samræði eða
önnur kynferðismök við þær gegn
greiðslu, en Catalina leigði húsnæði
undir vændisstarfsemina.
Hún var hins vegar sýknuð í des-
ember af ákæru um mansal og stað-
festi Hæstiréttur þá niðurstöðu.
Catalina er í gæsluvarðhaldi og bíð-
ur nú annars dóms vegna mansals og
umfangsmikillar vændisstarfssemi.
Catalina fær
þyngri dóm
Kristján L. Möller, samgönguráðherra, fékk áfyllingu á
bílinn hjá Siglingamálastofnun í gær. Um var að ræða
umhverfisvænt eldsneyti, unnið úr repju- og nepjuolíu,
sem framleitt hefur verið í sérsmíðuðum búnaði Sigl-
ingamálastofnunar. Stofnunin hefur verið í samstarfi í
tvö ár við Landbúnaðarháskólann og bændur á nokkrum
stöðum á landinu um ræktun á þessum káljurtum til að
vinna m.a. úr þeim umhverfisvæna dísilolíu. Verkefnið
lofar góðu svo að hugsanlega geta Íslendingar með tím-
anum orðið sjálfum sér nógir um olíu á fiskiskipaflotann.
Morgunblaðið/Jakob Fannar
Lífrænt á ráðherrabílinn
Framkvæmdir eru hafnar við
stækkun á vísindagörðunum Verinu
á Sauðárkróki. FISK Seafood, sem á
húsnæðið sem Verið er í, ákvað að
reisa þriggja hæða hús við hliðina á
vísindagörðunum. Um er að ræða
alls 750 fermetra byggingu.
Gísli Svan Einarsson, fram-
kvæmdastjóri Versins, segir að
stærra húsnæði muni gjörbreyta
allri vinnuaðstöðu og skapa ný
sóknarfæri í rannsóknum í því mat-
vælahéraði sem Skagafjörður er.
Fimm fyrirtæki og stofnanir hafa nú
aðstöðu í Verinu, m.a. Háskólinn á
Hólum, Matís og Nýsköpunarmið-
stöð Íslands, og þar starfa hátt í 30
manns. Binda heimamenn vonir við
að ef takist að fjölga verkefnum í
Verinu á sama hraða og undanfarin
ár gætu vísindagarðarnir orðið 50-60
manna vinnustaður.
„Við erum í dag sæmilega sett
með rannsóknaraðstöðu en önnur
vinnuaðstaða er orðin alltof lítil og
óhentug. Hér hefur starfsfólki fjölg-
að og það má segja að það sé „lúxus-
vandamál“ að þetta húsnæði er í dag
orðið alltof lítið,“ segir Gísli Svan en
Verið hefur yfir að ráða um 1.700
fermetrum í dag.
Nýja byggingin er hönnuð og
teiknuð af STOÐ og aðalverktaki er
Friðrik Jónsson ehf. Á verkinu að
vera lokið haustið 2011. bjb@mbl.is
Verið stækkað
 Vonast til að vísindagarðar á Sauð-
árkróki verði 50-60 manna vinnustaður
Verið Teikning af stækkuðum vís-
indagörðum á Eyrinni á Króknum.